Mmla'n 9:5 - NYANMIƐN NDƐ'N 1998

⁵ Nán kɛ amun ti kpa annzɛ amun ti sɛsɛ ti yɛ amun su wa fa be mɛn nin-ɔn. Ɔ ti-man sɔ. Nvle sɔ'm be aeliɛ tɛtɛ'n ti yɛ Anannganman amun Nyanmiɛn'n ´fuan be amun nyrun-ɔn. I waan ɔ ´yo sɔ nan ɔ ´yia nda ng'ɔ tali amun nannan Abraam, nin Izaak, nin Zakɔb'n i nuan.

Mmla'n 9:5 ပူးပေါင်းရင်းမြစ်များ

Bo Bolɛ 12:7

Kpɛkuun Anannganman fiteli Abram nyrun nan ɔ'a se i kɛ: «N ´fa mɛn nga m ´man ɔ osu'n.» Nan Abram ɔ'a kplan Nyanmiɛn sɔwlɛ kun ɔ'a man Anannganman kan ɔ fiteli i nyrun lɛ'n.

Bo Bolɛ 13:15

Lika wunmuan nga a wun i lɛ'n, m'an fa man wɔ. Ɔ ti wɔ nin wɔ anunman mun amun liɛ titi .

Bo Bolɛ 15:16

Wɔ anunman siansian mun yɛ be ´ba wa-a, afin Amɔrfuɛ'm bé sa tɛ bɔ be yo'n ɔ nian bobo-man su bɔ man n ´fuan be-ɔ.»

Bo Bolɛ 15:7

Yɛ Anannganman seli i kɛ: «Min yɛ n fali wɔ Babilɔni nvle'n nun klɔ nga be flɛ i Ir'n su lɔ m bali wa kɛ n ´fa mɛn nga m ´man wɔ nin-ɔn.»

Bo Bolɛ 17:8

N ´fa mɛn nga a ti nun aofuɛ yɛ'n m ´man wɔ nin ɔ osu'n. N ´fa Kanaan mɛn wunmuan'n m ´man be. Ɔ ti be liɛ titi, yɛ kusu n ´yo be Nyanmiɛn .»

Bo Bolɛ 19:29

Kɛ Nyanmiɛn ´nunnun lika sɔ'm be nun klɔ mun'n, i nyin ɔ'a tra-man Abraam su. Ɔ yili Lɔt klɔ sɔ bɔ i waan ɔ ´nunnun be'n be nun fiteli.

Bo Bolɛ 26:4

N ´yo man ɔ osu nunfuɛ'm be ´sɔn kpanngban kɛ nglo lɔ nzraama mun sa. Kpɛkuun n ´fa lika nga kwlaa m ´man be. Be ti yɛ n ´yo asiɛ'n su nvle-nvle'm be kwlaa be ye-ɔ.

Bo Bolɛ 28:13

Anannganman jin yrɛyrɛ i ti su nglo lɔ, ɔ seli Zakɔb kɛ: «Anannganman ɔ nannan Abraam, nin Izaak be Nyanmiɛn'n yɛlɛ min. Asiɛ nga a la su lɛ'n, n ´fa man wɔ ɔ nin ɔ osu'n.

Ezipt Lɔ Tulɛ'n 32:13

Man ɔ́ wla kpɛn ɔ sufuɛ Abraam, nin Izaak, nin Zakɔb be su. A tali nda, a seli be kɛ: ‹N wa yo man amun osu'n wa trɛ kɛ nzraama nga be o nglo'n sa. Mɛn nga n seli kɛ n ´fa man amun osufuɛ mun'n, n ´fa man be, yɛ be ´tran nun tititi.› »

Ezekiɛl 20:14

Sanngɛ kɛ ɔ ´yo nan min dunman ɔ'a saci-man nvle-nvle nga blɛ bɔ n ´fa Izraɛlfuɛ mun Ezipt lɔ m ´ba be wunnin nun'n ti'n, m'an yo-mɛn i sɔ. N guali min ya'n i ase.

Ezekiɛl 36:22

I sɔ'n ti'n, kan kle Izraɛlfuɛ'm be kɛ Anannganman Nyanmiɛn wan yoo: ‹Izraɛlfuɛ mun, like nga n wa yo yɛ'n, nán amun ti-ɔ, sanngɛ min dunman fɛ'n bɔ amu'an saci i kaiin nvle-nvlefuɛ'm nga amun ɔli be afiɛn'n i ti-ɔ.

Ezekiɛl 36:32

Man amun si kɛ nán amun ti yɛ n ´yo sɔ-ɔ. Min Anannganman Nyanmiɛn yɛ n kan sɔ-ɔ. Izraɛlfuɛ mun, man nyannzuɛn kun amun kpa liɛ su amun nzuɛn tɛ'n ti.»

Saun Yolɛ 18:24

Ninnge nga m'an kan be ndɛ lɛ'n, nán amun yo i nun wie fi nan fiɛn kan amun. Mɛn nga n su wa kɛnkɛn i nunfuɛ'm bé bo amun nyrun lɔ lɛ'n, i sɔ sa liɛ'n yɛ be yoli be yɛ man fiɛn kannin be nin-ɔn.

Saun Yolɛ 18:25

I sɔ fiɛn liɛ'n, ɔ sacili be mɛn'n, ɔ man min nin mɛn sɔ'n i nunfuɛ mun y'a nyɛn i lele san n ´kan bé bo be mɛn sɔ'n nun.

Mise 7:20

A nin Zakɔb osu nunfuɛ mun amun ´tran klanman, a ´yi ɔ klun-ufue'n i nglo ´kle Abraam i osu'n nunfuɛ mun. A ´yi kle be kɛ a fua kleli e nannan mun lalafuɛ nun'n sa .

Sa nga bé yôli'n 3:25

An ti Nyanmiɛn nuan ijɔfuɛ'm be anunman, yɛ aenguɛ nga Nyanmiɛn nin amun nannan mun'n be trali'n, bɔ i ti ɔ seli Abraam kɛ i osufuɛ'm be ti ɔ wa yo asiɛ'n sufuɛ'm be kwlaa be ye'n, an wo nun wie .

Rɔmfuɛ Mun 11:28

Kɛ e niɛn i bue kun'n, e wun kɛ jasin fɛ'n bɔ Zuif'm b'a fa-man su'n ti Nyanmiɛn nin be buli. I sɔ'n yoli amun muae sa. Sanngɛ kɛ e niɛn i bue kun ekun bɔ e wun wafa nga Nyanmiɛn fa sran'n, e wun kɛ be nannan'm be ti'n, be ti Nyanmiɛn i anwlɛn su sran.

Rɔmfuɛ Mun 15:8

Yoo: Jésus-Krist bali be nga be wla klɛn'n be lika nianlɛ nan be wun kɛ Nyanmiɛn ti nanwlɛfuɛ. Ɔ bali kɛ ɔ ´yo like nga Nyanmiɛn seli e nannan'm be kɛ ɔ ´yo man be'n.

Mmla'n 1:8

Amun `nian, n fali mɛn ng'ɔ o yɛ'n i kwlakwla mannin amun. Mɛn nga n seli kɛ n ´fa man amun nannan Abraam, nin Izaak, nin Zakɔb, ɔ nin be osu'n nunfuɛ mun'n yɛ ɔ o lɛ-ɔ, amun `ko fa.»

Mmla'n 12:31

Nán amun su Anannganman amun Nyanmiɛn'n kɛ be fa sɔ be amuɛn'm be sa. Afin tete sa nga Anannganman klo-mɛn i'n yɛ be yo man be amuɛn mun-ɔn. Be yi be mma yasua nin bla mun sin nun be fa yi sraka man be amuɛn sɔ mun bɔbɔ.

Mmla'n 18:12

Sran nga be yo i sɔ sa'n, wuun b'a bo tete Anannganman nyrun. I sɔ tete sa'm be ti yɛ Anannganman amun Nyanmiɛn'n ɔ ´fa nvle nga'm be mɛn'n ´man amun nin-ɔn.

Mmla'n 18:9

Sɛ amun ju mɛn nga Anannganman amun Nyanmiɛn'n ɔ'a fa man amun'n i nun lɔ'n, tete sa nga lɔ sran'm be yo'n, nán amun nian su yo wie.

Mmla'n 20:18

Sɛ ɔ yo sɔ'n, i liɛ'n, be su kle-man amun tete sa bɔ be yo be man be amuɛn mun'n, yɛ amun su yo-man sa tɛ Anannganman amun Nyanmiɛn'n i wun.

Tite 3:5

ɔ deli ye. Nán kɛ e yoli sa kpa wie ti yɛ ɔ deli ye-ɔ, sanngɛ i bɔbɔ yɛ ɔ sili ye aunnvuɛ sɔ-ɔ. Kɛ i Wawɛ'n wuli ye uflɛ, wunnzinlɛ bɔ i bɔbɔ Nyanmiɛn wunnzinnin ye'n ti, b'ɔ man e kacili sran uflɛ'n, yɛ ɔ deli ye-ɔ.