Mmla'n 9:28 - NYANMIƐN NDƐ'N 1998

²⁸ Ɔ yo sɔ-ɔ, mɛn nga a fali e i nun lɔ bali'n, i nun lɔfuɛ'm be wa se kɛ: ‹Anannganman kwla fa-man be kɔ-man mɛn ng'ɔ kɛnnin i ndɛ kleli be'n nun lɔ. Kpɔlɛ yɛ ɔ kpɔ bé ti yɛ i waan ɔ ´fa be ´fite nan be ko wu aawlɛ flɛnnɛn'n nun lɔ-ɔ.›

Mmla'n 9:28 ပူးပေါင်းရင်းမြစ်များ

Ezipt Lɔ Tulɛ'n 32:12

Ɔ man Eziptfuɛ'm be wa se kɛ: ‹Izraɛlfuɛ'm be nyrɛnnɛn klelɛ ti yɛ Anannganman fali be e mɛn'n nun wa ɔli-ɔ. Be kunlɛ oka'n su lɔ ti-ɔ, be asiɛ'n su wa nunnunlɛ ti-ɔ.› Gua ɔ ya'n i ase. Nán yo ɔ nvlefuɛ'm be tɛ nga ɔ waan a ´yo be'n kun.

Ezekiɛl 20:9

Sanngɛ kɛ ɔ ´yo nan min dunman'n ɔ'a saci-man be nga be nin be tran lɛ'm bé afiɛn'n ti'n, n guali min ya i ase. Afin be tili i kɛ n seli be kɛ n ´fa Izraɛlfuɛ'm be Ezipt lɔ n fite.

Kalɛ 14:16

‹Anannganman ɔ'a kwla fa-man i nvle'n ɔ'a ɔ-man mɛn nga ɔ seli i kɛ ɔ ´fɛ i kɔ nun'n i nun kun, i sɔ'n ti yɛ ɔ nunnunnin be aawlɛ flɛnnɛn'n nun lɔ nin-ɔn›?

Mmla'n 1:27

Amun ijɔli Anannganman amún tannin sua'm be nun. Amun waan: ‹Kpɔlɛ yɛ Anannganman kpɔ é ti yɛ ɔ fali e Ezipt mɛn'n nun lɔ bali-ɔ, i waan ɔ ´fa e wla Amɔrfuɛ'm bé sa nun kɛ be `kun e ti-ɔ.

Mmla'n 32:27

Like ng'ɔ jrannin min'n, yɛlɛ be kpɔfuɛ'm be finfin bɔ be yo min'n. Be kwla-man be kpɔfuɛ mun. Kɛ ɔ wa yo lɛ'n, kpɛkuun be kpɔfuɛ sɔ mun be ´si be wue nun be ´se kɛ: ‹Anannganman ɔ'a yo-man like fi, e bɔbɔ yɛ e kwlali be-ɔ.›

Mmla'n 9:27

Man ɔ́ wla kpɛn ɔ sufuɛ Abraam, nin Izaak, ɔ nin Zakɔb bé su. Nán nian sran nga'm be nyin kekle, nin be aeliɛ tɛtɛ, ɔ nin be sa tɛ mun.

Zozie 7:9

Kɛ Kanaanfuɛ nin mɛn kun nga'm be nunfuɛ'm be wa ti ndɛ nga'n be wa ju be ´kun ye. Be wa nunnun ye mlɔnmlɔn. ?Kɛ ɔ yo sɔ'n, a ´yo sɛ nan ɔ dunman dan'n ɔ'a fite nglo ekun?»