Mmla'n 9:26 - NYANMIƐN NDƐ'N 1998

²⁶ Nan m'an srɛ Anannganman m'an se kɛ: «Anannganman Nyanmiɛn, nán nunnun ɔ sran mun. Be ti ɔ liɛ, a kpɔli be ti afin a ti dan, ɔ tinmin bɔ be jrɛn i nyrun-ɔn ɔ yo-man ye'n ti, a fali be Ezipt lɔ bali.

Mmla'n 9:26 ပူးပေါင်းရင်းမြစ်များ

2 Samiɛl 7:23

Nvle fi nun-man lɛ bɔ be kwla fa sunnzun Izraɛl nvle nin-ɔn. Izraɛl mɛn'n kunngba yɛ a ko kpɔli i Eziptfuɛ mun nin be amuɛn'm be sa nun-ɔn. A fɛ i yoli ɔ nvle. Yɛ wɔ man i dunman'n ɔ fuli, afin a yoli sa dandan mun, nin abonuan sa mun mɛnnin i mɛn nga nun wa.

1 Famiɛn Mun 8:51

Ɔ liɛ yɛlɛ be, be ti ɔ nvle nunfuɛ mun. Wɔ yɛ a ko yili be Ezipt lɔ afɛ dan'n nun fiteli-ɔ.

1 Famiɛn Mun 8:53

afin Anannganman Nyanmiɛn, wɔ yɛ a fali e yoli ɔ liɛ mun-ɔn. Yɛ wɔ yɛ a fali e sieli e ngunmin kɛ nán e nin nvle uflɛ sanngan-an. Kɛ a kan kleli Moiz b'ɔ ti ɔ sufuɛ'n i sɔ-ɔ blɛ nga a fa e nannan mun Ezipt lɔ fite'n.»

Neemi 1:10

Be ti ɔ sufuɛ mun, be ti ɔ nvle i nunfuɛ mun. Ɔ kwlalɛ bɔ a kwla'n ɔ nin ɔ tinmin dan'n yɛ man a deli be-ɔ.

Jue Mun 106:23

I osu ti'n i waan wuun ɔ ´nunnun be, nan san Moiz b'ɔ ti i sufuɛ'n yɛ ɔ ´yaci i lɛ-ɔ. Moiz jrannin ndɛ sɔ'n nun, ɔ seli i kɛ ɔ `guɛ i ya'n i ase nan nán man ɔ nunnun be.

Jue Mun 107:2

Be bɔ Anannganman kpɔli bé ti'n, b'ɔ deli be be kpɔfuɛ'm be sa nun'n, b'ɔ ko yiali be mɛn'm be kwlaa nun: i wia afiliɛ lɔ o, i wia atɔliɛ lɔ o, i mɛn'n i nglo lɔ o, i mɛn'n i ngua lɔ o, b'ɔ kannin be boli nun'n, be sɔfuɛ'm be ndɛ ng'ɔ fata kɛ be kan'n yɛ ɔ o lɛ-ɔ.

Jue Mun 28:9

Anannganman, de ɔ nvle'n nunfuɛ mun, ɔ liɛ yɛlɛ be, yo be ye. Be ti kɛ ɔ bua mun sa, nian be lika blɛ'n kwlaa nun.

Jue Mun 57:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. Jue'n bɔ be to i kɛ «Nán yaci i lɛ man ɔ saci like'n,» i wafa kunngba'n su yɛ be `nian be fa to-ɔ. Ɔ kan David i wanndilɛ b'ɔ wanndili Sail nyrun'n, b'ɔ ko fiali yɛbuɛ buɛ nun'n i ndɛ . I waan:

Jue Mun 77:15

Nyanmiɛn, wɔ yɛ a yo abonuan sa mun-ɔn. A kleli nvle kun nga'm be kɛ a kwla.

Jue Mun 78:35

Kɛ ɔ ko yo sɔ'n, bé wla kpɛn su kɛ Nyanmiɛn ti kɛ yɛbuɛ sa. Be talo i. Bé wla kpɛn su kɛ Nyanmiɛn b'ɔ like fi nun-mɛn i sin'n yɛ ɔ ti bé ti kpɔfuɛ-ɔ.

Jue Mun 99:6

Moiz nin Aarɔn bɔ be ti Anannganman nyrun jranfuɛ'n, ɔ nin Samiɛl b'ɔ bo i dunman'n, kɛ be kpan flɛli i'n, ɔ tɛli be su.

Ezipt Lɔ Tulɛ'n 15:13

A deli ɔ sran mun wɔ aunnvuɛ silɛ dan'n ti, ɔ nin ɔ tinmin bɔ a lɛ i'n ti. A su tinngɛ be nan a ´fa be kɔ mɛn ng'ɔ ti ɔ liɛ klonglo'n, bɔ a kan kleli be kɛ a ´fa man be'n i nun lɔ.

Ezipt Lɔ Tulɛ'n 33:13

Sɛ ɔ ti sɔ'n, wuun yi wɔ akunndan'm be nglo kle min. I sɔ nun yɛ n ´si wɔ yɛ n ´nyan ye ɔ́ sa nun-ɔn. Nian, nvle nga nunfuɛ'm be ti ɔ sran mun.»

Ezipt Lɔ Tulɛ'n 34:9

I sin ɔ seli kɛ: «Sɛ ɔ waan a ´yo min ye sakpa'n, Anannganman, n ´srɛ wɔ, ɔ bɔbɔ a nin e wɔ. Ɔ ti nanwlɛ kɛ minniɛn nga'm be nyin ti kekle kpa. Sanngɛ yaci é wun sa'n nin é fɔnlɛ mun cɛ ye, sɔ e nun kɛ ɔ sran mun sa.»

Ezai 44:23

Nglo lɔ lika mun, amun `bo ndɛ! Afin min Anannganman m'an di junman. Asiɛ'n bo lɔ lika mun, amun `bo sro. Oka mun, amun `bo ndɛ. Bo mun, amun nin amun nun waka mun, amun kusu, amun `bo ndɛ. Afin min Anannganman m'an kpɔ Zakɔb osu'n nunfuɛ'm be ti, yɛ m'an yi Zakɔb i nyrun b'ɔ lɛ i'n i nglo Izraɛl mɛn'n nun.»

Ezai 63:19

Kɛ e yoli kɛ sran'm bɔ a sie-man be'n nan ɔ dunman nun-man be su sa'n, ɔ'a cɛ kpa. Sɛ ɔ ti kɛ a su kpaci nyanmiɛn'n b'ɔ la nglo lɔ plaii'n nun'n yɛ a su jra wa'n, wuun oka'm be ´keje ɔ nyrun sa gbugbugbu.

Zeremi 14:21

Nian ɔ dunman'n ti nán yo ye finfin. Nán yo ɔ famiɛn bia klanman'n i wannzo. Nán ɔ́ wla fi aenguɛ nga a nin ye trali'n su, nán saci i.

Zeremi 15:1

Anannganman'n seli min kɛ: «Sɛ bɔ Moiz nin Samiɛl bɔbɔ be fa nvle nga nunfuɛ'm bé wun sa ba min nyrun'n, n su si-man be aunnvuɛ. Fuan be min nyrun lɛ man be wɔ.

Ngwlɛ Yilɛ 2:20

Anannganman, sran nga a yoli be sa ya lɛ'n, nian be kpa nian. ?Bla kun bɔbɔ i klun ba b'ɔ cuɛnnin wuli i'n, b'ɔ yɛyɛli i lele'n, kɛ ɔ ´kun i di i sa-a? ?Kɛ be ´kun ɔ nyrun jranfuɛ nin ɔ nuan ijɔfuɛ mun ɔ́ sua nun'n sa-a?

Mise 6:4

?Kɛ amun wo Ezipt lɔ bɔ amun ti kanga'n, bɔ n ko deli amun'n, bɔ n fali amun lɔ m bali'n, bɔ n yili Moiz, nin Aarɔn, ɔ nin Mari kɛ be dun mmua amun nyrun'n, tɛ yɛ n yoli amun-ɔn?

Mmla'n 13:5

Anannganman amun Nyanmiɛn'n yɛ amun `su i-ɔ. Amun nyin `yi i, amun `fɛ i mmla'm bé su, amun `tie i aniɛn'n, amun `su i, yɛ amun `fa amún wun mɛntɛn i kpa.

Mmla'n 15:15

Nán amún wla fi kɛ laa amun ti kanga Ezipt mɛn'n nun lɔ yɛ Anannganman amun Nyanmiɛn'n kpɔli amún ti-ɔ. I sɔ'n ti yɛ n fa ndɛ nga n fa sie amun nyrun ndɛkɛn nin-ɔn.

Mmla'n 21:8

Anannganman, yaci Izraɛl b'ɔ ti ɔ nvle'n i wun sa'n cɛ. Afin wɔ yɛ a deli i-ɔ. Sɛ sran sɔ'n ɔ'a yo-man sa yɛ be kunnin i'n, nán bu ɔ sran'm be fɔ i dunman nun ti.» Kpɛkuun Nyanmiɛn ɔ ´yaci be wun sa'n cɛ be.

Mmla'n 32:9

Anannganman i like liɛ ng'ɔ nyɛnnin i'n yɛlɛ Izraɛlfuɛ mun. Ɔ fali Zakɔb i osu nunfuɛ mun yoli i bɔbɔ liɛ.

Mmla'n 7:8

Sanngɛ kɛ Anannganman klo amun'n ti'n, yɛ aenguɛ ng'ɔ nin amun nannan'm be trali'n i su bɔ i waan ɔ ´nian'n ti, ɔ yili amun Ezipt lɔ fiteli. Kɛ ɔ ´yo sɔ'n, wuun amun wo kanga nun, i tinmin bɔ be jrɛn i nyrun ɔ yo-man ye'n ti, ɔ deli amun Ezipt famiɛn'n i sa nun.

Mmla'n 9:12

Ɔ seli min kɛ: «Jaso, kan ɔ́ wun jra, afin ɔ sran nga a fa be Ezipt lɔ bali'n, b'a yo sa tɛ dan. B'a yaci atin nga n kleli be'n lɛ lalaa, b'a klo sika ɔkwlɛ b'a yo amuɛn.»

Mmla'n 9:27

Man ɔ́ wla kpɛn ɔ sufuɛ Abraam, nin Izaak, ɔ nin Zakɔb bé su. Nán nian sran nga'm be nyin kekle, nin be aeliɛ tɛtɛ, ɔ nin be sa tɛ mun.

Mmla'n 9:29

Be ti ɔ sran mun, be ti ɔ liɛ. A fali be Ezipt lɔ bali, sran fi ɔ'a jran-man wɔ.»

Tite 2:14

E ti Jésus ɔ fɛli i wun mannin nan ɔ ´yi ye sa tɛtɛ'n kwlaa nun nan e `kaci i sa ti sran bɔ é wun sa tɛtɛ'n kwlaa ɔ'a wie, bɔ e tu e klun yo sran ye .

Hébreu 9:12

Kɛ Krist ´wlu Nyanmiɛn lika kpa nun'n, nán boli kpakpuɛ nin nannin ba mmoja yɛ ɔ fa ɔli-ɔ, sanngɛ ɔ fɛli i bɔbɔ i mmoja'n, ɔ wluli lɔ kpɛ kunngba cɛ, ɔ su wlu-man lɔ kun, ɔ man ɔ deli ye mlɔnmlɔn.

Sa nglô yile 5:9

Be to jue uflɛ uflɛ kun, be se kɛ: «Wɔ yɛ a ti fluwa'n i fafuɛ-ɔ, bɔ a kwla kpɛkpɛ like nga be fa cicili i nun-ɔn. Afin be kunnin wɔ, sran'm bɔ be fin nvle-nvle'n kwlaa nun'n, nin be bɔ be aniɛn'n ti wafa-wafa'n kwlaa'n, ɔ nin be nga be fin mɛnmɛn'n kwlaa nun, a fa ɔ́ wun toli be mannin Nyanmiɛn .

1 Samiɛl 7:9

Samiɛl fali bua nga b'a kpɛ cro'n kun. Ɔ fɛli i wunmuan'n yili tɛ nga be yrɛ i nnɛn'n kɔlikɔli'n mannin Anannganman. Izraɛlfuɛ'm be ti, Samiɛl sun flɛli Anannganman. Anannganman kusu tɛli i su.