Mmla'n 9:24 - NYANMIƐN NDƐ'N 1998

²⁴ Kɛ n si amun lele'n, amun nian yaci-man nyin kekle yolɛ'n Anannganman su le.

Mmla'n 9:24 ပူးပေါင်းရင်းမြစ်များ

Jue Mun 78:8

I liɛ'n, be su yo-man kɛ be nannan'm, bɔ be yoli nyin kekle dan'n, bɔ be anwlɛn'n yoli nnyɔn-nnyɔn'n, bɔ be akunndan'n ɔ'a tran-man Nyanmiɛn su'n sa.

Ezipt Lɔ Tulɛ'n 32:22

Aarɔn tɛli i su kɛ: «Yaci, nán fa ya. Ɔ bɔbɔ a si kɛ sran nga be o yɛ mun, be sa tɛ yolɛ fin'an wa ju'a wa.

Ezai 48:8

B'a kan kle-man amun, amu'an ti-man nun ndɛ fi, amún su wa ti-man nun mlɔnmlɔn. Afin n si kɛ amun ti gblɛfuɛ. Kɛ amun wo amún nin klun bɔbɔ'n, be flɛ amun kɛ: Nyin Keklefuɛ mun.

Zeremi 4:17

Be bo sin yia Zerizalɛm kɛ fie sunianfuɛ wie mun yɛ b'a bo b'a sin a yia fie'n sa. Nyin kekle b'ɔ yoli i min su'n ti yɛ be yoli i sɔ-ɔ.› » Anannganman'n yɛ ɔ kan sɔ-ɔ.

Ezekiɛl 20:8

Sanngɛ be jasoli mín wun, yɛ bé nyin ɔ'a yi-man min. Be nun kun sa ɔ'a yi-mɛn i tete sa nga i nyin blo su'n i wie fi ase. B'a yaci-man Eziptfuɛ mun be amuɛn'm be sɔlɛ. M buli akunndan kɛ n ´fa bé wun ya nan n ´fa ya sɔ'n lele n guɛ i bo Eziptfuɛ'm be afiɛn lɔ.

Kalɛ 14:9

Sanngɛ like kunngba ng'ɔ fata-man kɛ amun yo'n, yɛlɛ Anannganman su nyin kekle yolɛ'n. Nán amun sro mɛn sɔ'n nun sran mun. Be su ju-man e lika fi, e ´kwla be ndɛndɛ kpa. Afin be amuɛn nga be sasa be'n b'a wanndi be, sanngɛ Anannganman jin é sin. I ti nán man srɛ kun amun.»

Kalɛ 17:10

«Amun `jaso sran nga'm be afiɛn man n nunnun be kpɛ kunngba.» Moiz nin Aarɔn be tɔli yɛ be utuli be nyin ase.

Kalɛ 23:21

Anannganman wun-man sa tɛ fi Zakɔb wun. Ɔ wun-man sa nga Izraɛlfuɛ'm be yo b'ɔ ti-mɛn i su-ɔ. Ɔ ti be Nyanmiɛn, ɔ nin be yɛ ɔ tran-an yɛ be mɛnmɛn i kɛ be fa manman famiɛn sa.

Kalɛ 32:14

?Siɛn'n, amun bɔ amun ti sa tɛ yofuɛ'n, amun waan amun ´fa amún si'm be ajalɛ kunngba sɔ'n nan amun ´yo nan Anannganman fa ya dan Izraɛlfuɛ'm bé wun?

Sa nga bé yôli'n 7:51

Nyin keklefuɛ mun bɔ amun anwlɛn'n nin amún su'm be ti kɛ be bɔ be ti-man Zuif'm be liɛ'n sa, an kpalo Nyanmiɛn Wawɛ'n i ndɛ titi kɛ amun nannan'm be yoli'n sa .

Mmla'n 31:27

Afin n si kɛ be ti nyin keklefuɛ dan kpa, be bli be-ɔ ɔ bli-man. Nian sunnzun bɔ min nyin tɛ o su'n, nian jasolɛ bɔ be ´jaso Anannganman wun-ɔn. ?Yɛ sɛ be waan m'an wu nin?

Mmla'n 9:4

Sɛ Anannganman amun Nyanmiɛn'n ɔ fuan be amun nyrun'n, nán amun di amún nuan se kɛ: «E kpa bɔ e ti'n ti yɛ Anannganman fali e bali kɛ e wa tran mɛn nga nun-ɔn.» Afin nvle sɔ'm be aeliɛ tɛtɛ'n ti yɛ Anannganman ´fuan be amun nyrun-ɔn.