Mmla'n 9:21 - NYANMIƐN NDƐ'N 1998

²¹ Yɛ sika ɔkwlɛ nannin ba'n b'ɔ ti amún sa tɛ'n i nzɔliɛ'n, n fa yili i sin nun. Kpɛkuun n fufuli nun, n nunkunnin i, nan m'an fɛ i sanmlɛn'n m'an gua nzue b'ɔ fin oka'n su lɔ sonji jra'n nun.

Mmla'n 9:21 ပူးပေါင်းရင်းမြစ်များ

1 Famiɛn Mun 15:13

I nannan bla bɔ be flɛ i kɛ Maaka'n takali waka kun bɔ be sɔ i. Sa sɔ'n ti, ɔ yoli man i nannan bla sɔ'n ɔ'a nyan-man nyrun kun, b'a bu-mɛn i wlengbi bla kun. Aza tuli amuɛn ba'n i bo, ɔ ko wɔli nun Sedrɔn nzue ba'n nuan lɔ.

2 Be Nyoliɛ 34:7

Ɔ bubuli amuɛn sɔwlɛ mun. Waka nga be kplan be bɔ be sɔ be'n nin amuɛn mun'n, ɔ bubuli be nun be kacili sanmlɛn. Ɔ bubuli ansans yrawlɛ mun. I sin ɔ sɛli i sin Zerizalɛm.

Ezipt Lɔ Tulɛ'n 32:20

Ɔ fali nannin ba nga be yoli'n, nan ɔ'a yrɛ i sin'n nun. I osu ng'ɔ kali'n, ɔ nunkunnin i ɔ kacili sanmlɛn. Ɔ fa guali nzue'n nun, yɛ ɔ fa mannin Izraɛlfuɛ'm be kɛ be nɔn, nan b'a nɔn.

Ezai 30:22

Amun amuɛn mun bɔ amun klo jɛtɛ ufue annzɛ sika ɔkwlɛ gua be wun'n, amun `bu be like fiɛnfiɛn. Amun `gua be blo kɛ be gua like tɛtɛ'm be blo'n sa. Amun `se be kɛ: «Amun `fɛ li sɔ'n be fite lɔ.»

Ezai 31:7

Cɛn sɔ nun'n, amun amuɛn bɔ be ti sika ɔkwlɛ annzɛ jɛtɛ ufue'n, bɔ amun fa amún sa yoli'n, amun ´gua be blo.

Ndɛ Nga Nyanmiɛn I Nuan Ijɔfuɛ Oze Kannin'n 8:11

Sraka yiwlɛ nga Efraimfuɛ'm b'a yo be kpanngban be ti be bɔbɔ be sa tɛ'n i su ukalɛ. Be jran sraka yiwlɛ sɔ'm bé su be yo sa tɛ'n sakpa.

Mise 1:7

I amuɛn'm be kwlaa be nun ´wie bubu. Sa tɛ junman nga i nunfuɛ'm be dili'n i nuan ninnge nga be nyɛnnin i'n, be ´to be guɛ i sin nun. Amuɛn nga be sili tekle yɛ be toli be'n, n ´saci be. Afin i sɔ amuɛn mun'n, tekle bɔ be sili'n, i nuan sika yɛ be fa toli be-ɔ. Ɔ man ninnge sɔ'm be kusu be ´yo tekle uflɛ silɛ nuan akatua.» Anannganman'n yɛ ɔ kan sɔ-ɔ.

Mmla'n 9:20

Anannganman fali ya dan kpa Aarɔn wun, i waan ɔ ´kun i, nan m'an srɛ m'an mɛn i wie le kun sɔ'n nun.