Mmla'n 9:15 - NYANMIƐN NDƐ'N 1998

¹⁵ Yɛ n ´fin oka'n su lɔ n ´jrali-ɔ. M ´ba-a, aenguɛ nga Anannganman nin e trali'n i yɛbuɛ paplaapla nnyɔn'm be o n sa nnyɔn'm be nun. Kɛ ɔ ´yo sɔ'n, wuun sin'n ´jue oka'n su lɔ.

Mmla'n 9:15 ပူးပေါင်းရင်းမြစ်များ

Ezipt Lɔ Tulɛ'n 19:18

Sin wɛnsrɛn'n fali oka wunmuan'n, afin Anannganman jrali sin'n i afiɛn. Sin wɛnsrɛn'n jaso mlemlemle kɛ ngbɛ nun sin wɛnsrɛn sa, yɛ oka wunmuan'n kejeli kpa.

Ezipt Lɔ Tulɛ'n 9:23

Moiz mɛnnin i kpɔnman'n su nglo. Anannganman yacili ngblannan'n nin nzraama'n nun, ngblannan'n dun mmua kpɛnnin asiɛ'n su, i sin, Nyanmiɛn yoli man nzraama guali.

Mmla'n 4:11

Amun bali amun wa jrannin Orɛb oka'n i bo lɛ. Kɛ ɔ ´yo sɔ'n, wuun oka'n ti sin ngunmin, sin sɔ'n ɔ jaso lele ju nyanmiɛn su lɔ. Aosin tritri kpa nin nyanmiɛn ble tuun kpa be sin yia oka'n.

Mmla'n 5:23

Kɛ sin'n fali oka wunmuan'n, bɔ amun tili Anannganman i nɛn'n aosin tuun nun'n, kpɛkuun amun awlobo kpɛnngbɛn mun nin amun kpɛnngbɛn mun be ko toli min,

Mmla'n 9:16

N wunnin kɛ amu'an fɔn Anannganman amun Nyanmiɛn'n i wun sakpa. Afin amun kloli sika ɔkwlɛ amun fa yoli amuɛn, i wafa'n ti kɛ nannin ba sa. Atin nga Anannganman kleli amun'n, amun yacili i lɛ ndɛndɛ kpa, amu'an fa-man su.

Hébreu 12:18

Amun liɛ'n nán oka wie bɔ be kɛn i-ɔ ɔ yo ye'n bɔ sin dan nin bɔlɛ tukuu, nin aosin, ɔ nin aunngban dan o su'n i bo yɛ amun ɔli kɛ Izraɛlfuɛ'm be liɛ'n sa-a.