Mmla'n 9:12 - NYANMIƐN NDƐ'N 1998

¹² Ɔ seli min kɛ: «Jaso, kan ɔ́ wun jra, afin ɔ sran nga a fa be Ezipt lɔ bali'n, b'a yo sa tɛ dan. B'a yaci atin nga n kleli be'n lɛ lalaa, b'a klo sika ɔkwlɛ b'a yo amuɛn.»

Mmla'n 9:12 ပူးပေါင်းရင်းမြစ်များ

Jue Mun 78:57

Be ɔli i wun mmua, be jasoli i sin kɛ be nannan'm be sa. Be yoli kɛ ta bɔ be lafi su kpɛkuun be ´to-ɔ i nyanman'n ɔ'a glɔ'n sa.

Ezipt Lɔ Tulɛ'n 13:3

Moiz seli nvlefuɛ'm be kɛ: «Man amún wla kpɛn cɛn nga su, afin cɛn sɔ'n nun yɛ Anannganman i tinmin dan bɔ sran fi kwla jrɛn-mɛn i nyrun'n ti ɔ fali amun Ezipt lɔ bali nin-ɔn. Kɛ ɔ ´yo sɔ'n, wuun amun tɛ o kanga'n nun. Kɛ amun ´di cɛn sɔ'n, nán amun di kpaun bɔ kpaun ayre o nun'n.

Ezipt Lɔ Tulɛ'n 32:1

Kɛ nvlefuɛ'm be wunnin i kɛ Moiz su cɛ oka'n su lɔ ngboko'n, be ko sin yiali Aarɔn nan b'a se i kɛ: «Jaso, yo amuɛn kun man ye, man ɔ dun mmua e nyrun. Afin Moiz'n, bian sɔ'n b'ɔ fali ye Ezipt lɔ bali'n, e si-man like nga ɔ'a yo i-ɔ.»

Ndɛ Nga Nyanmiɛn I Nuan Ijɔfuɛ Oze Kannin'n 6:4

Sanngɛ Anannganman ´tɛ amun su kɛ yoo: «?Efraimfuɛ mun, nguɛ li bɔ cɛ yɛ amun waan n yo m man amun-ɔn? ?Zidafuɛ mun kusu, amun waan n yo amun sɛ? Amun Nyanmiɛn klolɛ'n ti kɛ nyanmiɛn ble bɔ be wun i nglɛmun nun'n sa, ɔ ti kɛ nglɛmun nyansue sa, be wielɛ yo-man ya.

Galasifuɛ Mun 1:6

Kɛ e ´se yɛ'n, amu'an kaci amún sin a si Nyanmiɛn b'ɔ flɛli amun'n ye bɔ Krist yoli amun'n ti'n yɛ amu'an fa jasin uflɛ su-ɔ. I sɔ'n ɔ bo min nuan kpa.

Mmla'n 31:29

N si jrɛiin kɛ sɛ n wu'n, ɔ lɛ-man kɛ amun su saci-man. Amun ´yaci atin nga n kleli amun'n i lɛ, amun ´fa uflɛ. Amun ´yo sa tɛtɛ mun Anannganman i nyrun amun ´fa kun i ya. Ɔ man sa yalɛ'n kusu ´tɔ amún su le.»

Mmla'n 32:5

Sɛ b'a saci'n, ɔ fin-mɛn i, ɔ fin be lika. Be ti nvle kun bɔ be ti tɛ lele tra su, gblɛ'n ɔ'a yi be piɛ.

Mmla'n 4:16

Nán amun yo like wie b'ɔ ti like wie nzɔliɛ amun fa saci amún wun. Nán amun yo like b'ɔ ti amuɛn'm be nzɔliɛ. Nán amun yo like wie b'ɔ ti sran yasua annzɛ bla wie nzɔliɛ,

Mmla'n 5:15

Nán ɔ́ wla fi kɛ a yoli kanga Ezipt mɛn'n nun lɔ yɛ min Anannganman ɔ Nyanmiɛn'n n fali wɔ lɔ n bali-ɔ. Afin sran fi kwla jran-man min nyrun. I sɔ'n ti yɛ min Anannganman ɔ Nyanmiɛn'n n waan a de wunmiɛn wunmiɛn-delɛ-cɛn'n nun nin-ɔn.

Mmla'n 9:16

N wunnin kɛ amu'an fɔn Anannganman amun Nyanmiɛn'n i wun sakpa. Afin amun kloli sika ɔkwlɛ amun fa yoli amuɛn, i wafa'n ti kɛ nannin ba sa. Atin nga Anannganman kleli amun'n, amun yacili i lɛ ndɛndɛ kpa, amu'an fa-man su.

Mmla'n 9:26

Nan m'an srɛ Anannganman m'an se kɛ: «Anannganman Nyanmiɛn, nán nunnun ɔ sran mun. Be ti ɔ liɛ, a kpɔli be ti afin a ti dan, ɔ tinmin bɔ be jrɛn i nyrun-ɔn ɔ yo-man ye'n ti, a fali be Ezipt lɔ bali.

Mmla'n 9:29

Be ti ɔ sran mun, be ti ɔ liɛ. A fali be Ezipt lɔ bali, sran fi ɔ'a jran-man wɔ.»

Jude 1:10

Sanngɛ sran sɔ'm be liɛ'n, like nga be wun-mɛn i wlɛ'n, be kɛn i ndɛ kɛ ɔ ti-man kpa. Yɛ bé sa wlɛ nga be wun i'n, ɔ ti kɛ blo nnɛn'm be liɛ'n bɔ be wuli be nin i'n sa. Sa nga be wun be wlɛ sɔ'n be yɛ be saci be-ɔ.

Jɔlɛ Difuɛ Mun 2:17

Sanngɛ kɛ be jɔlɛ difuɛ sɔ'm be kan ndɛ kle be'n, nán tilɛ yɛ be ko ti i kɛ ɔ fata'n sa-a. Be sin ko tu amuɛn nga, be sin ko tu amuɛn nga, be koto bé bo. Be kaci bé sin sili atin nga bé nannan'm be fali su'n. Bé nannan'm be nantili Anannganman i mmla'm bé su, sanngɛ b'a nian-man bé si'm be liɛ'n su.