Mmla'n 9:1 - NYANMIƐN NDƐ'N 1998

¹ Izraɛlfuɛ mun, amun `sie amún su! Zurdɛn'n yɛ amun su wa kpɛ i lɛ-ɔ. Amun ´ko fa nvle bɔ be dandan tra amun liɛ'n, bɔ be nun sran'm be kekle tra amun. Nvle sɔ'm be nun klɔ'm be ti dandan, yɛ bé wun talɛ'm be ti cinnjin kpa, yɛ be ti nglo-nglo.

Mmla'n 9:1 ပူးပေါင်းရင်းမြစ်များ

Bo Bolɛ 11:4

Be seli kɛ: «An man e kplan klɔ kun nin sua mlomlo kun. Man i sɔ sua liɛ'n i ti'n to nyanmiɛn'n lɔ. E `yo sɔ nan e dunman'n fu nan kusu y'a bo y'a sanndi-man asiɛ wunmuan'n su.»

Ezipt Lɔ Tulɛ'n 32:1

Kɛ nvlefuɛ'm be wunnin i kɛ Moiz su cɛ oka'n su lɔ ngboko'n, be ko sin yiali Aarɔn nan b'a se i kɛ: «Jaso, yo amuɛn kun man ye, man ɔ dun mmua e nyrun. Afin Moiz'n, bian sɔ'n b'ɔ fali ye Ezipt lɔ bali'n, e si-man like nga ɔ'a yo i-ɔ.»

Daniɛl 4:11

Ɔ kpannin kekle kpa kɛ: Amun `bu waka nga bo, amun `kpɛkpɛ i sama mun, amun `kpɛkpɛ i nnya mun, yɛ amun `sanndi i su mma be nun! Man nnɛn'm be wanndi i bo be wɔ mmua, man anunman'm be jaso i sama'm be nun!

Amɔs 2:9

Sanngɛ wuun Amɔrfuɛ mun bɔ be tɛnndɛn'n ti kɛ sɛdri waka sa'n, bɔ be kekle'n ti kɛ sɛni waka sa'n, m bɔbɔ min m'an nunnun be m'an guɛ i ti nin bo m'an man amun.

Kalɛ 13:22

Be ´kɔ'n, be sinnin ngua lɔ lika'n nun, be ɔli lele be juli Ebrɔn, kan Anak i mma Aiman nin Sesai, ɔ nin Talmai be osu'n nunfuɛ'm be tran lɛ'n. Ba sɔ'm be ti blamiɛn. Sran nga be kplannin Ebrɔn klɔ'n be dun mmua kplannin ɔ dili afuɛ nso kwlaa nan sran uflɛ'm b'a kplan Zɔan b'ɔ wo Ezipt lɔ'n.

Kalɛ 33:51

I waan ɔ `se Izraɛlfuɛ'm be kɛ: «Sɛ amun kpɛ Zurdɛn nzue'n nan amun ju Kanaan mɛn'n nun lɔ'n,

Mmla'n 1:28

?Ninfan cɛ yɛ e ´sin bɔ e ´kpɛn lɔ-ɔ?› E niaan'm be bubuli é sa sin. Be waan: ‹Lɔ sran'm be tɛnndɛn tra ye, yɛ be lɛ wunmiɛn tra ye. Be klɔ'm be ti dandan, talɛ ng'ɔ si klɔ sɔ'm bé wun'n be ti nglo-nglo kpa, be to nyanmiɛn'n lɔ. Yɛ e wunnin Anak i anunman'm bɔ be ti sran blamiɛn'n be lɔ wie bɔbɔ.› »

Mmla'n 11:23

Ɔ ´fuan nvle nga be o amun nyrun lɔ'n i nunfuɛ mun, yɛ amun ko fa nvle bɔ be dandan tra amun liɛ'n bɔ i nunfuɛ'm be kekle tra amun'n.

Mmla'n 11:31

Zurdɛn'n yɛ amun su wa kpɛ amun ´ko fa mɛn nga Anannganman amun Nyanmiɛn'n ɔ'a fa man amun'n lɛ-ɔ. Kɛ amun fa mɛn sɔ'n, amun ´tran nun lɛ'n,

Mmla'n 27:2

Cɛn nga amun kpɛ Zurdɛn'n nan amun wlu mɛn nga Anannganman amun Nyanmiɛn'n ɔ'a fa man amun yɛ'n nun lɔ'n, amun `kplankplan yɛbuɛ dandan mun, amun `kan be ayre ufue.

Mmla'n 3:18

I blɛ sɔ nun'n, n kannin ndɛ kleli amun, n jrannin su, n seli amun kɛ: «Anannganman amun Nyanmiɛn'n fali lika nga mannin amun. Sonja mun, amun kwlakwla amun `fa amun alɛ ninnge mun nan amun `dun mmua amun niaan Izraɛlfuɛ kun nga'm be nyrun.

Mmla'n 4:1

Siɛn'n, Izraɛlfuɛ mun, amun `tie mmla fanunfanun nga n fa kle amun'n, amun `fa be su. I liɛ, amun ´tran nguan nun, kpɛkuun mɛn nga Anannganman amun nannan'm be Nyanmiɛn'n fa mannin amun'n, amun ´ko fa.

Mmla'n 4:38

Ɔ fuannin nvle wie'm be nun sran mun, yɛ ɔ fali be mɛn'n mannin amun kɛ amun tran nun. Amun bɔbɔ amun nyinma ta sa sɔ mun kɛ e se yɛ'n. Nvle sɔ'm be dan tra amun liɛ yɛ be nunfuɛ'm be kekle tra amun.

Mmla'n 6:10

Anannganman amun Nyanmiɛn'n ɔ ´fa amun kɔ mɛn nga ɔ seli amun nannan Abraam, nin Izaak, nin Zakɔb kɛ ɔ ´fa man amun'n i nun lɔ. Amun ko fa klɔ dandan, nin klɔ kpakpa bɔ nán amun yɛ amun kplannin'n.

Mmla'n 7:1

Anannganman amun Nyanmiɛn'n ɔ ´fa amun wlu mɛn nga amun wa ko fa'n nun. Ɔ ´kankan nvle nga be o yɛ'n be bo amun nyrun: Ɛtfuɛ, Girgazfuɛ, Amɔrfuɛ, Kanaanfuɛ, Ferezfuɛ, Evfuɛ, yɛ Zɛbisfuɛ mun. Be sɔnnin tra amun, yɛ be lɛ wunmiɛn tra amun.

Zozie 1:11

be `wlan nanmue nun be `se Izraɛlfuɛ'm be kɛ: «Amun `tɔn aliɛ be sie, afin ɔ ka le nsan amun wa kpɛ Zurdɛn'n, amun ´ko fa mɛn nga Anannganman amun Nyanmiɛn'n waan ɔ ´fa man amun'n.»

Zozie 1:15

lele san be ´fa mɛn nga Anannganman fa man be nzue i bue kun lɔ'n. Bé wun ´jɔ be wie kɛ amun sa ka nan amu'an sa be sin mɛn nga Anannganman i sufuɛ Moiz fa mannin amun Zurdɛn'n i bue nga su'n nun.»

Zozie 14:12

I ti oka lika nga Anannganman boli i kasiɛ kleli min kɛ ɔ ´fa man min'n, fa man min. N seli wɔ kɛ Anakfuɛ bɔ be ti blamiɛn'n be tranwlɛ'n yɛlɛ lɛ. Be klɔ'm be ti dandan yɛ be si bé wun talɛ. Sɛ Anannganman jran mín sin'n n ´fuan be lɛ kɛ ɔ fa kannin'n sa.»

Zozie 3:14

Izraɛlfuɛ'm be fɛli i ngblaliɛ nun lɛ be ɔli Zurdɛn'n i kpɛlɛ. Nyanmiɛn nyrun jranfuɛ nga be sua Nyanmiɛn i alaka'n be o be nyrun.

Zozie 3:16

nzue'n i bue ng'ɔ fin nglo lɔ'n, ɔ jrannin, ɔ boli kofie kunndunngluun'n mmua lɔ, klɔ nga be flɛ i Adam b'ɔ mantan Zartan'n i kokolɛ'n i ndɛnman. Kpɛkuun i bue ng'ɔ sonji kɔ jenvie b'ɔ ti njin nzue klakla'n nun lɔ'n, ɔ wieli nun weiin, nan Izraɛlfuɛ'm b'a kpɛ i be ja nun Zeriko ndɛnman lɛ .

Zozie 3:6

Kɛ i aliɛ cɛnnin'n, Zozie seli Nyanmiɛn nyrun jranfuɛ mun kɛ be `sua Anannganman i alaka'n nan be `dun sran'm be nyrun mmua. Yɛ be suali alaka'n nan b'a dun mmua.

Zozie 4:19

Anglo klikli'n i le blu'n su yɛ Izraɛlfuɛ'm be kpɛli Zurdɛn nin-ɔn. Be boli be nanmue'n Gilgal lɛ, Zeriko i wia afiliɛ lɔ.

Zozie 4:5

nan ɔ'a se be kɛ: «Amun `sin Anannganman amun Nyanmiɛn'n i alaka'n i nyrun, Zurdɛn i afiɛn lɔ, nan amun kwlaa amun `fa yɛbuɛ kunngun amun wati su, akpasua kun yɛbuɛ kun akpasua kun yɛbuɛ kun.