Mmla'n 8:18 - NYANMIƐN NDƐ'N 1998

¹⁸ Nán amún wla fi Anannganman amun Nyanmiɛn'n, afin i kunngba cɛ yɛ ɔ kwla man amun wunmiɛn kɛ amun `fa di junman nan amun `nyan like-ɔ. I waan ɔ ´yo i sɔ nan aenguɛ nga ɔ nin amun nannan mun be trali'n ɔ'a taka kɛ ɔ fa taka ndɛ yɛ'n sa.

Mmla'n 8:18 ပူးပေါင်းရင်းမြစ်များ

Bo Bolɛ 32:14

Zakɔb lali lɛ le kun sɔ'n nun. Ɔ fɛli i sa nun ninnge'n wie kɛ ɔ ´fa ko cɛ i niaan bian Ezau.

1 Be Nyoliɛ 29:12

Anyanbeun nin anyrunnyan'n be fin wɔ, afin wɔ yɛ a sie ninnge'n kwlaa-a. Kwlalɛ nin tinmin'n be ti ɔ liɛ. Sran mun nin ninnge nga ɔ waan be `taka'n be taka, a man be su.

2 Be Nyoliɛ 25:9

Amazia usali Nyanmiɛn nuan ijɔfuɛ'n kɛ: «?Yɛ jɛtɛ ufue tɔnun nsan nga n fa mannin Izraɛl sonja mun i nun ndɛ liɛ'n ti sɛ?» Ɔ tɛli i su kɛ: «Anannganman kwla yo man a ´nyan uflɛ b'ɔ ´tra ng'ɔ o lɛ'n.»

Jue Mun 144:1

Jue nga o David i jue fluwa'n nun. I waan: N la Anannganman i ase, afin ɔ ti kɛ yɛbuɛ sa i yɛ n talo i-ɔ. I yɛ ɔ kle min alɛ kunlɛ-ɔ. I yɛ man n si tanndan n kɔ alɛ-ɔ.

Jue Mun 44:3

Be kan kleli ye kɛ a deli nvle wie'm be lika'n a fa mannin be kɛ be `tran nun. A kleli nvle sɔ'm be nyrɛnnɛn nan ɔ nvlefuɛ'm b'a nyan tranwlɛ.

Nyanndra Mun 10:22

Kɛ sran kun ´nyɛn i wun sa'n, ɔ fin Anannganman. Ɔ man anyanbeun fin-man sran.

Akunndanfuɛ'n 12:1

Blɛ bɔ a tɛ yo gbanflɛn'n, man ɔ́ wla kpɛn ɔ yifuɛ'n i su kwlaa nan nyrɛnnɛn blɛ'n ɔ'a ju. Man ɔ wla kpɛn i su nan w'a yo kpɛnngbɛn, afin ɔ kpɛnngbɛn blɛ sɔ'n nun'n, ɔ nyin wa tu nguan'n su .

Akunndanfuɛ'n 9:11

N wunnin i nyanmiɛn'n bo wa ekun kɛ wanndilɛ i akatua'n ɔ ti-man be nga bé wun kpɛ'n be liɛ titi, kwlalɛ'n kusu ti-man safunyrɛn'm be liɛ titi. Nán cɛn kwlaa yɛ ngwlɛlɛfuɛ'n nyɛn i nuan nun aliɛ di-ɔ. Ngwlɛlɛfuɛ'n yo-man anyanbeunfuɛ cɛn ngba. Nán be nga be si sa'n yɛ be man be kɔmin su cɛn ngba-a. Afin kɛ blɛ'n fa ti bɔ sa'm be fa ju'n, i su like yɛ be wun i-ɔ.

Zeremi 23:27

Be ´kan be laliɛ nun ndɛ'm be kle be wiengu sɔ nan min sran'm be wla fi min kɛ be nannan'm bé wla fili min, Baal dunman nun'n sa.

Ndɛ Nga Nyanmiɛn I Nuan Ijɔfuɛ Oze Kannin'n 2:8

I sɔ'n ti m bɔbɔ min Anannganman'n, kɛ ɔ ´yo nan ɔ'a kwla wun-man atin'n ti n ´si i wun talɛ, n ´fa owie n ´tannin i.

Mmla'n 26:10

Ɔ man kusu Anannganman, asiɛ nga a fa mannin min'n i su mma klikli'n yɛ n ´fa blɛ wɔ yɛ.» Kpɛkuun man sran'n ɔ fa ninnge sɔ mun sie Anannganman amun Nyanmiɛn'n i nyrun lɛ, nan ɔ `koto Anannganman amun Nyanmiɛn'n i nyrun.

Mmla'n 6:11

Amun ´fa sua bɔ amu'an kunndɛ-man ninnge b'a wla-man be nun sanngɛ bɔ ninnge kpakpa'm b'a yi be piɛ'n, amun ´fa nzue gbo bɔ nán amun yɛ amun kpɛli'n, amun ´fa vinyi fie mun nin olivie fie mun bɔ nán amun yɛ amun dili be'n. Amun ´nyan aliɛ kaka kpa amun ´di.

Mmla'n 7:12

Sɛ amun fa amún su sie mmla sɔ'm bé bo nan amun nian be su, nan amun fa bé su'n, Anannganman kusu ɔ ´nian aenguɛ ng'ɔ nin amún si'm be trali'n su, yɛ ɔ ´yo amun ye, afin ɔ tali be nda.

Mmla'n 7:8

Sanngɛ kɛ Anannganman klo amun'n ti'n, yɛ aenguɛ ng'ɔ nin amun nannan'm be trali'n i su bɔ i waan ɔ ´nian'n ti, ɔ yili amun Ezipt lɔ fiteli. Kɛ ɔ ´yo sɔ'n, wuun amun wo kanga nun, i tinmin bɔ be jrɛn i nyrun ɔ yo-man ye'n ti, ɔ deli amun Ezipt famiɛn'n i sa nun.

Mmla'n 8:1

Ndɛ nga n ´kan kle amun yɛ'n, amun `fa be kwlaa sie, amun `fa bé su nan amu'an ka nguan nun nan amu'an trɛ, nan amu'an ko fa mɛn nga Anannganman tali nda kɛ ɔ ´fa man amun nannan mun'n.

Jɔlɛ Difuɛ Mun 3:7

Izraɛlfuɛ'm be yoli like ng'ɔ kun Anannganman i ya'n. Bé wla fili Anannganman. Be ko sɔli amuɛn nga be flɛ be Baal nin waka nga be taka be bɔ be sɔ be'n.

Jɔlɛ Difuɛ Mun 7:2

Anannganman seli Zedeɔn kɛ: «Sran nga be o ɔ́ sa nun'n be sɔnnin ngboko. Sɛ n yi Madian m man Izraɛlfuɛ mun'n, be wa fa di bé nuan be ´se kɛ: ‹E bɔbɔ é sa kekle yɛ e fa nyannin e ti-ɔ.› Kpɛkuun be ´kpi min dunman'n i ase.

1 Samiɛl 2:7

Anannganman man sran di yalɛ, i kunngba'n man sran ɔ nyɛn i wun. I kunngba'n ɔ man sran su, i kunngba'n ɔ kan sran ase.