Mmla'n 8:17 - NYANMIƐN NDƐ'N 1998

¹⁷ Nán amun si amun wue nun se kɛ: «E bɔbɔ e wunmiɛn nin é sa kekle yɛ man e kwla nyannin e wun-ɔn.»

Mmla'n 8:17 ပူးပေါင်းရင်းမြစ်များ

Zɔb I Nyrɛnnɛn Wunlɛ 31:25

Ninnge kpakpa kpanngban annzɛ ninnge wafa-wafa nga n nyannin be'n, nán be ti yɛ n klun'n ɔ jɔli-ɔ.

Jue Mun 44:3

Be kan kleli ye kɛ a deli nvle wie'm be lika'n a fa mannin be kɛ be `tran nun. A kleli nvle sɔ'm be nyrɛnnɛn nan ɔ nvlefuɛ'm b'a nyan tranwlɛ.

Akunndanfuɛ'n 3:6

Ɔ lɛ blɛ kun bɔ be fa kunndɛ like-ɔ, yɛ ɔ lɛ blɛ kun bɔ be fa saci like bɔ be nyɛnnin nin-ɔn. Ɔ lɛ blɛ kun bɔ be fa yia like su-ɔ, yɛ ɔ lɛ blɛ kun bɔ be fa yi like blo-ɔ.

Akunndanfuɛ'n 9:11

N wunnin i nyanmiɛn'n bo wa ekun kɛ wanndilɛ i akatua'n ɔ ti-man be nga bé wun kpɛ'n be liɛ titi, kwlalɛ'n kusu ti-man safunyrɛn'm be liɛ titi. Nán cɛn kwlaa yɛ ngwlɛlɛfuɛ'n nyɛn i nuan nun aliɛ di-ɔ. Ngwlɛlɛfuɛ'n yo-man anyanbeunfuɛ cɛn ngba. Nán be nga be si sa'n yɛ be man be kɔmin su cɛn ngba-a. Afin kɛ blɛ'n fa ti bɔ sa'm be fa ju'n, i su like yɛ be wun i-ɔ.

Zeremi 9:22

Anannganman'n wan yoo: «Nán ngwlɛlɛfuɛ'n fɛ i ngwlɛlɛ di i nuan. Nán wunmiɛnfuɛ'n fɛ i wunmiɛn'n di i nuan. Nán anyanbeunfuɛ fɛ i anyanbeun di i nuan.

Ezekiɛl 28:5

Wɔ aata nga a si i di'n ti'n, a nyannin ɔ́ wun. Yɛ ɔ́ wun bɔ a nyɛnnin'n ti, a tu ɔ wun.›

Daniɛl 4:27

Kpɛkuun ɔ kpan seli kɛ: «?Nán Babilɔni klɔ dan bɔ m bɔbɔ n fali min wunmiɛn dan'n n kplɛnnin i kɛ n ´fa yo min famiɛn klɔ'n yɛ ɔ o yɛ? ?M'an kplɛn-mɛn i kɛ n ´fa yi min fanngan nin min anyrunnyan'n i nglo?»

Daniɛl 4:30

Bé ja kunngba'n nun lɛ ndɛ sɔ'n i su sa'n juli. Be fuannin Nɛbikadnɛzar sran'm be nun. Ɔ tɔli ijre dilɛ'n su kɛ nannin sa. Nyansue'n yɛ ɔ bo i siɛn nin-ɔn. I timuɛn'n yoli tɛnndɛn kɛ anunman nyin i ndrɛ'n sa. I sa bui'm be yoli glaunglaun kɛ anunman'm bé ja bui'n sa.

Ndɛ Nga Nyanmiɛn I Nuan Ijɔfuɛ Oze Kannin'n 12:8

Kanaanfuɛ'm bé sa nun toe'm be ti-man kpa, akpo bolɛ'n yɛ ɔ ti be junman-an.

Abakik 1:16

Be kun nnɛn be fa sɔ be lala mun. Be yra ansans be man be afin sɛ be ´di aliɛ kpa-a, ɔ fin be.

1 Korɛntfuɛ Mun 4:7

?Wan yɛ ɔ se ɔ kɛ a ti kpa tra ɔ wiengu-ɔ? ?Nguɛ yɛ a lɛ i bɔ nán Nyanmiɛn yɛ ɔ mannin wɔ-ɔ? ?Sɛ i yɛ ɔ mannin wɔ'n, nguɛ ti yɛ a fa di ɔ́ nuan kɛ ɔ bɔbɔ ɔ́ sa ti like sa nin-ɔn?

Mmla'n 7:17

Wienun-ɔn amun wa se kɛ: «?Nvle nga bɔ be nun sran'm be sɔnnin tra e yɛ nin-ɔn, e ´yo sɛ nan y'a de be lika'n bé sa nun?»

Mmla'n 9:4

Sɛ Anannganman amun Nyanmiɛn'n ɔ fuan be amun nyrun'n, nán amun di amún nuan se kɛ: «E kpa bɔ e ti'n ti yɛ Anannganman fali e bali kɛ e wa tran mɛn nga nun-ɔn.» Afin nvle sɔ'm be aeliɛ tɛtɛ'n ti yɛ Anannganman ´fuan be amun nyrun-ɔn.

Jɔlɛ Difuɛ Mun 7:2

Anannganman seli Zedeɔn kɛ: «Sran nga be o ɔ́ sa nun'n be sɔnnin ngboko. Sɛ n yi Madian m man Izraɛlfuɛ mun'n, be wa fa di bé nuan be ´se kɛ: ‹E bɔbɔ é sa kekle yɛ e fa nyannin e ti-ɔ.› Kpɛkuun be ´kpi min dunman'n i ase.

1 Samiɛl 2:7

Anannganman man sran di yalɛ, i kunngba'n man sran ɔ nyɛn i wun. I kunngba'n ɔ man sran su, i kunngba'n ɔ kan sran ase.

1 Samiɛl 30:23

David waan: «Aniaan mun, nán amun yo sɔ. Like nga Anannganman ɔ'a man ye'n ti dan, ɔ'a nian é su, i kunngba'n ɔ'a yi alɛ kunfuɛ nga be bali e kunlɛ'n ɔ'a wla é sa nun.