Mmla'n 8:14 - NYANMIƐN NDƐ'N 1998

¹⁴ amun `nian amun wun, nán amun tu amún wun. Nán amún wla fi Anannganman amun Nyanmiɛn'n b'ɔ fali amun kanga nun Ezipt lɔ bali'n.

Mmla'n 8:14 ပူးပေါင်းရင်းမြစ်များ

2 Famiɛn Mun 14:10

Nan yoo, kɛ a kwlali Edɔmfuɛ mun'n ti, a yo ɔ wun kpakpa. Ka ɔ klɔ lɔ, nan ɔ nyrun bɔ a nyɛnnin i'n, fa di ɔ nuan. ?A su wa kunndɛ-man ndɛnngan yi-man a nin Zidafuɛ mun amún su yɛ ɔ o lɛ-ɔ? ?A nin Zidafuɛ mun, amun su wa wu yɛ a ´yo i lɛ-ɔ?»

2 Famiɛn Mun 17:38

Nán amun wla fi aenguɛ nga e nin amun trali'n. Nán amun sro amuɛn mun,

2 Be Nyoliɛ 26:16

I nyrun b'ɔ nyɛnnin i'n ti'n, ɔ tuli i wun. Ɔ man ɔ yoli sa tɛ. Ɔ fɔnnin Anannganman b'ɔ ti i Nyanmiɛn'n wun. Cɛn kun ɔ wluli Anannganman i sua'n nun lɔ. I bɔbɔ ko yrali ansans kan be yrɛ i lɛ'n.

2 Be Nyoliɛ 32:25

Sanngɛ sa kpa nga Anannganman yo mannin Ezekias'n, ɔ'a si-mɛn i wun ye. Ɔ tuli i wun dan, i ti Anannganman fɛli i wun ya, yɛ ɔ fali Zerizalɛmfuɛ mun nin Zidafuɛ'm bé wun ya.

Jue Mun 106:21

Bé wla fili Nyanmiɛn b'ɔ ti be defuɛ'n, be wla fili i b'ɔ yoli like dandan mun Ezipt mɛn'n nun lɔ'n.

Jue Mun 78:7

nan b'a fa bé wla'n b'a guɛ i Nyanmiɛn su, nan bé wla ɔ'a fi-man ng'ɔ yoli'n, nan b'a fɛ i mmla'm be su.

Ezipt Lɔ Tulɛ'n 13:3

Moiz seli nvlefuɛ'm be kɛ: «Man amún wla kpɛn cɛn nga su, afin cɛn sɔ'n nun yɛ Anannganman i tinmin dan bɔ sran fi kwla jrɛn-mɛn i nyrun'n ti ɔ fali amun Ezipt lɔ bali nin-ɔn. Kɛ ɔ ´yo sɔ'n, wuun amun tɛ o kanga'n nun. Kɛ amun ´di cɛn sɔ'n, nán amun di kpaun bɔ kpaun ayre o nun'n.

Zeremi 2:31

?Ajulisufuɛ mun, an `sie amún su tie ndɛ nga Anannganman kan'n, i waan: «?Izraɛlfuɛ mun, m'an kaci amun nyrun kɛ aawlɛ flɛnnɛn sa annzɛ kɛ lika nga aosin'n dun su tritritri'n b'ɔ yo sro'n sa?» ?Min nvlefuɛ mun, nguɛ ti yɛ an ijɔ se kɛ: «Kan e klo kɛ e ´kɔ lɛ'n, e su kɔ! E su sa-man e sin ɔ́ wun» nin-ɔn?

Zeremi 2:6

B'a usa-man kɛ: ‹?Anannganman'n b'ɔ fali ye Ezipt lɔ bali'n, b'ɔ kleli ye atin aawlɛ flɛnnɛn nun lɔ'n, ɔ liɛ lika kee sɔ'n, lika kunman-kunman sɔ'n, nzue we lika sɔ'n, awlaboɛ lika sɔ'n, lika bɔ sran fi sin-man nun'n, bɔ sran fi tran-man lɔ'n, Anannganman sɔ'n wo nin?

Zeremi 23:27

Be ´kan be laliɛ nun ndɛ'm be kle be wiengu sɔ nan min sran'm be wla fi min kɛ be nannan'm bé wla fili min, Baal dunman nun'n sa.

Daniɛl 11:12

Ezipt famiɛn'n ɔ wa fɛ i kwlalɛ sɔ'n fa tu i wun dan kpa. Ɔ nin i sɔ'n ngba'n, kannzɛ ɔ kunnin sran kpanngban'n, ɔ su kwla-man be guɛ-mɛn i ti nin i bo.

Ndɛ Nga Nyanmiɛn I Nuan Ijɔfuɛ Oze Kannin'n 13:6

Kɛ amun nyannin aliɛ dili bɔ amun ku yili'n, yɛ amun boli amún wun tulɛ'n bo-ɔ.

Kalɛ 15:39

Tralɛ ng'ɔ lɛ nuan su njɔlɛ'n yɛ amun `wla-a. I liɛ'n, kɛ amun wun be'n, amún wla ´kpɛn min mmla'm bé su, kpɛkuun amun ´fa bé su. Nán amun yo amun klun klo ninnge nin konvi ninnge bɔ be fa sran wla amuɛn sɔlɛ nun mun.

Mmla'n 13:6

Sran nga i waan ɔ ti Nyanmiɛn nuan ijɔfuɛ sɔ'n, annzɛ i ti wun ase'n, man be kun i. Afin Anannganman amun Nyanmiɛn b'ɔ ko yili amun kanga nun Ezipt mɛn'n nun lɔ'n, sran sɔ i waan amun jaso i wun. I waan amun yaci Anannganman amun Nyanmiɛn'n i atin ng'ɔ kleli amun kɛ an fa su'n. I sɔ'n ti, sɛ be kun i'n, sa tɛ'n ´tu amun afiɛn.

Mmla'n 17:20

I liɛ'n, ɔ su tu-mɛn i wun guɛ-mɛn i wiengu'm bé su, kpɛkuun ɔ su fɔn-man mmla'n i nun ndɛ'm be nun. Ɔ man ɔ nin i osu nunfuɛ mun be ´cɛ Izraɛl bia'n su.

Mmla'n 4:9

Sanngɛ amun `nian amún wun kpa cɛn kwlakwla kɛ ɔ ´yo nan amún wla ɔ'a fi-man sa nga amun bɔbɔ amun wunnin be'n ti. Nán man be fin amun akunndan nun fite le. Amun `fa kle amun mma mun nin amun anunman mun.

Mmla'n 5:6

«N ti Anannganman ɔ Nyanmiɛn'n. Min yɛ man a tuli Ezipt lɔ blɛ bɔ a tɛ o kanga nun nin-ɔn.

Mmla'n 6:11

Amun ´fa sua bɔ amu'an kunndɛ-man ninnge b'a wla-man be nun sanngɛ bɔ ninnge kpakpa'm b'a yi be piɛ'n, amun ´fa nzue gbo bɔ nán amun yɛ amun kpɛli'n, amun ´fa vinyi fie mun nin olivie fie mun bɔ nán amun yɛ amun dili be'n. Amun ´nyan aliɛ kaka kpa amun ´di.

Mmla'n 8:11

Amun `nian amún wun kpa. Nán amún wla fi Anannganman amun Nyanmiɛn'n. Nán amun kpa i ndɛ nin i mmla fanunfanun nga n ´fa man amun ndɛ yɛ'n bé su falɛ'n su.

Mmla'n 8:13

sɛ amun nannin mun, nin amun bua mun, nin amun boli'm be trɛ'n, sɛ amun nyan jɛtɛ ufue nin sika ɔkwlɛ kaka'n, sɛ amún sa nun ninnge'm be kwlaa be yo ye'n,

Jɔlɛ Difuɛ Mun 3:7

Izraɛlfuɛ'm be yoli like ng'ɔ kun Anannganman i ya'n. Bé wla fili Anannganman. Be ko sɔli amuɛn nga be flɛ be Baal nin waka nga be taka be bɔ be sɔ be'n.