Mmla'n 8:11 - NYANMIƐN NDƐ'N 1998

¹¹ Amun `nian amún wun kpa. Nán amún wla fi Anannganman amun Nyanmiɛn'n. Nán amun kpa i ndɛ nin i mmla fanunfanun nga n ´fa man amun ndɛ yɛ'n bé su falɛ'n su.

Mmla'n 8:11 ပူးပေါင်းရင်းမြစ်များ

Jue Mun 103:2

N ´la Anannganman i ase, n wla su fi-man like ng'ɔ yo mannin min'n i wie fi su.

Jue Mun 106:21

Bé wla fili Nyanmiɛn b'ɔ ti be defuɛ'n, be wla fili i b'ɔ yoli like dandan mun Ezipt mɛn'n nun lɔ'n.

Nyanndra Mun 1:32

Yɛ amún sa su kpalɛ'n mlin amun, afin amun sinnglinfuɛ mun amún ti totolɛ'n ɔ ´kun amun.

Nyanndra Mun 30:9

Sɛ n nyɛn i pɛ'n, ɔ cɛ-man nan mín wla'n ɔ'a tra wɔ su nan m'an se kɛ: ‹?Wan li yɛlɛ Anannganman?› Sɛ yalɛ'n kusu yɛ ɔ di min'n, ɔ cɛ-man nan m'an ko wua nan m'an gua ɔ i nyin ase .»

Ezai 51:13

Anannganman b'ɔ yili amun'n, b'ɔ tinngɛli nglo lɔ ng'ɔ la plaii'n nun kɛ bɛ sa'n, b'ɔ wlali asiɛ'n i bo ase'n, amún wla fi i su. Cɛn kwlaa amun usu, srɛ b'ɔ kun amun be nga be tin amun su'n be ya bɔ be fa'n ti, ɔ waan be su wa nunnun amun sa! ?Sanngɛ be ya sɔ'n bɔ be fa'n, ɔ yo nzu ye?

Zeremi 23:27

Be ´kan be laliɛ nun ndɛ'm be kle be wiengu sɔ nan min sran'm be wla fi min kɛ be nannan'm bé wla fili min, Baal dunman nun'n sa.

Saun Yolɛ 13:48

sɛ tɔfu o, sɛ kusu triko yɛ be fa bua ndrɛ annzɛ lɛn be fa wuli o, sɛ kplo o, sɛ kusu like wie yɛ be fa kplo be fa yoli o,

Kalɛ 15:39

Tralɛ ng'ɔ lɛ nuan su njɔlɛ'n yɛ amun `wla-a. I liɛ'n, kɛ amun wun be'n, amún wla ´kpɛn min mmla'm bé su, kpɛkuun amun ´fa bé su. Nán amun yo amun klun klo ninnge nin konvi ninnge bɔ be fa sran wla amuɛn sɔlɛ nun mun.

Mmla'n 11:32

amun `nian nun be nanti mmla fanunfanun nga n ´fa sie amun nyrun ndɛ yɛ'm bé su.

Mmla'n 4:1

Siɛn'n, Izraɛlfuɛ mun, amun `tie mmla fanunfanun nga n fa kle amun'n, amun `fa be su. I liɛ, amun ´tran nguan nun, kpɛkuun mɛn nga Anannganman amun nannan'm be Nyanmiɛn'n fa mannin amun'n, amun ´ko fa.

Mmla'n 4:5

Amun si kɛ mmla fanunfanun nga Anannganman min Nyanmiɛn'n fa mannin min'n yɛ n kusu n fa kleli amun-ɔn. Sɛ amun ju mɛn nga amun ´kɔ i falɛ yɛ'n nun lɔ'n, amun `nian be su `fa nanti.

Mmla'n 4:9

Sanngɛ amun `nian amún wun kpa cɛn kwlakwla kɛ ɔ ´yo nan amún wla ɔ'a fi-man sa nga amun bɔbɔ amun wunnin be'n ti. Nán man be fin amun akunndan nun fite le. Amun `fa kle amun mma mun nin amun anunman mun.

Mmla'n 6:11

Amun ´fa sua bɔ amu'an kunndɛ-man ninnge b'a wla-man be nun sanngɛ bɔ ninnge kpakpa'm b'a yi be piɛ'n, amun ´fa nzue gbo bɔ nán amun yɛ amun kpɛli'n, amun ´fa vinyi fie mun nin olivie fie mun bɔ nán amun yɛ amun dili be'n. Amun ´nyan aliɛ kaka kpa amun ´di.

Mmla'n 7:11

I sɔ'n ti, ndɛ nin mmla fanunfanun nga n ´fa man amun ndɛkɛn yɛ'n, amun `nian be su, yɛ amun `fa bé su.

Mmla'n 8:14

amun `nian amun wun, nán amun tu amún wun. Nán amún wla fi Anannganman amun Nyanmiɛn'n b'ɔ fali amun kanga nun Ezipt lɔ bali'n.

Jɔlɛ Difuɛ Mun 3:7

Izraɛlfuɛ'm be yoli like ng'ɔ kun Anannganman i ya'n. Bé wla fili Anannganman. Be ko sɔli amuɛn nga be flɛ be Baal nin waka nga be taka be bɔ be sɔ be'n.