Mmla'n 7:6 - NYANMIƐN NDƐ'N 1998

⁶ Afin amun ti nvle kun bɔ Anannganman amun Nyanmiɛn'n kpali amun sieli amun ngunmin. Ɔ kpali amun nvle nga be o asiɛ wunmuan'n su'n be kwlakwla be nun kɛ amun yo i liɛ klonglo.

Mmla'n 7:6 ပူးပေါင်းရင်းမြစ်များ

1 Famiɛn Mun 3:8

Nvle nga a kpali'n, i nun sran'm be sɔnnin, be si-man bé nuan, be ka be-ɔ, ɔ yo-man ye, yɛ e nin be yɛ e o yɛ.

Ɛsdras 9:2

afin b'a ja nvle sɔ'm be nun mmla mun. B'a ja wie b'a man be mma mun. Ɔ man b'a fa Nyanmiɛn i nvle b'a sanngan nvle sɔ'm be nun. Famiɛn i awlo lɔ sran dandan nin jɔlɛ difuɛ'm be yɛ be kleli be atin tɛ sɔ nin-ɔn .»

Jue Mun 114:2

sɛ e ´kwla se'n, Nyanmiɛn fali Zida'n yoli i bɔbɔ i sua. Izraɛl'n kusu kacili i asiɛ .

Jue Mun 135:4

Ɔ fali Zakɔb nin Izraɛlfuɛ mun kɛ be yo i bɔbɔ i liɛ .

Jue Mun 50:5

I waan: «Amun `yia min sufuɛ nanwlɛfuɛ mun bɔ be yi sraka be fa tali min nda kɛ be nin min ´tra aenguɛ'n.»

Ezipt Lɔ Tulɛ'n 6:7

N ´fa amun nvle'n n ´yo min nvle, n ´yo amun Nyanmiɛn, yɛ amun wa wun i wlɛ jrɛin kɛ n ti Anannganman amun Nyanmiɛn ng'ɔ ´de amun Eziptfuɛ'm be junman kekleekle nga be mian amun kɛ amun di be'n be nun.

Ezai 41:8

Sanngɛ Izraɛlfuɛ mun, amun bɔ amun ti min sran mun'n, amun, Zakɔb i osu'n nunfuɛ mun, amun bɔ amun fin min janvuɛ Abraam i osu nun'n ,

Ezai 41:9

amun bɔ n ko fali amun asiɛ'n i awieliɛ lɔ'n, amun bɔ n ko flɛli amun mmua-mmua lɔ m bali'n, amun bɔ n seli amun kɛ: «Amun ti min sran mun, n kpali amun, n su yi-man amun blo,»

Ezai 6:13

Sɛ sran kanngan ka lɛ'n, sin ´di be. Kɛ be bu waka dandan mun bɔ bé bo'm be ka lɛ'n, i kunngba nin-ɔn, sran wie'm be wa jaso su sran sɔ'm be osu'n nun, be ´yo Anannganman i sran.

Ezai 62:12

Be wa flɛ amun kɛ Anannganman i Nvle Nunfuɛ Mun, yɛ be ´flɛ amun ekun kɛ Be Nga Anannganman Deli Be'n. Yɛ wɔ Zerizalɛm, be su flɛ-man wɔ kɛ Klɔ Bɔ Be Wanndi I'n kun, sanngɛ be ´flɛ wɔ siɛn'n kɛ Klɔ Bɔ Be Konvi Sɔ I'n.

Zeremi 2:3

I blɛ sɔ nun'n, wuun Izraɛl ti min liɛ mlɔnmlɔn kɛ mma klikli nga afuɛ nuan'n ju be ti'n sa. Sran kwlaa ng'ɔ kɛn i-ɔ, ɔ nin min e lɛ i. I sɔfuɛ'n ´wun nyrɛnnɛn.› » Anannganman'n yɛ ɔ kan sɔ-ɔ.

Ezekiɛl 20:5

Se be kɛ: ‹Anannganman Nyanmiɛn wan yoo: Cɛn nga bɔ n ´fa Izraɛl'n, m mannin mín sa su n tali nda kleli Zakɔb i osu nunfuɛ sɔ mun, n fali mín wun kleli be kɛ be o Ezipt lɔ'n. M mannin mín sa su n kleli be, n seli kɛ: Min ti Anannganman amun Nyanmiɛn.

Saun Yolɛ 20:24

I sɔ'n ti yɛ n seli amun kɛ: Be asiɛ nga be o su lɔ'n, ɔ ti amun liɛ nan min yɛ n fa n wlali amún sa nun nin-ɔn. Asiɛ sɔ'n ɔ yo like ye kpa. I kunngba'n, ɔ ti nnɛn tawlɛ klanman. Min yɛ n ti Anannganman amun Nyanmiɛn nin-ɔn. Min yɛ man amun nin nvle kun nga mun b'a sanngan-man nin-ɔn.

Saun Yolɛ 20:26

Man amun nzuɛn'n ɔ fa min liɛ'n. Afin min Anannganman, min nzuɛn'n liɛ'n nin klɔ sran liɛ'n ti-man kun. Min waan amun yo min liɛ ti yɛ n waan nán amun nin nvle uflɛ nunfuɛ mun be sanngan nin-ɔn.

Amɔs 3:2

«Sran beblebe nga be wo asiɛ'n su'n, amun kunngba cɛ yɛ n fali amun kɛ e nin amun e su nanti-ɔ. I sɔ'n ti amún sa tɛ kwlaa nga amun yoli'n, e nin amun e ´kɛn i ngba'n i ti ndɛ.»

Malasi 3:17

Anannganman b'ɔ sie mɛn wunmuan'n waan: «Be ´yo min liɛ, cɛn nga n ´yi mín wun nglo nun'n, be ´yo min liɛ mlɔnmlɔn. N ´si be aunnvuɛ kɛ sran fa si i wa bɔ i nyin yi i'n i aunnvuɛ'n sa.

Sa nga bé yôli'n 13:17

Izraɛlfuɛ'm be Nyanmiɛn'n fa e nannan mun be ko trannin Ezipt mɛn'n nun. Kɛ be o lɔ'n, ɔ man be trɛli, kpɛkuun be nvle'n yoli dan. I sin ɔ deli be kekle su mɛn sɔ'n nun .

Rɔmfuɛ Mun 9:4

Be ti Izraɛlfuɛ, Nyanmiɛn man be kacili i wa, ɔ nin be trannin, ɔ kleli be like ng'ɔ se kɛ ɔ ´yo man be'n, ɔ fɛ i mmla'n mannin be, yɛ ɔ kleli be i sɔlɛ wafa'n nin like nga ɔ wa yo'n .

Mmla'n 14:2

Afin amun ti Anannganman amun Nyanmiɛn i sran mun klonglo. Anannganman niannin mɛn'n nun nvle'm be kwlaa be nun ɔ kpali amun kɛ amun yo i liɛ mlɔnmlɔn.

Mmla'n 14:21

Nán amun di nnɛn fuɛn. Amun `fa man aofuɛ nga be tran amun afiɛn mun man be di, annzɛ kusu amun `yo i atɛ aofuɛ wie'm bé sa nun. Amun liɛ'n, amun ti Anannganman amun Nyanmiɛn'n i nvle nun sran mun, amun ti i liɛ klonglo. Nán amun tɔn boli ba i nin i nyɔnflɛn nzue'n nun.

Mmla'n 26:18

Ndɛkɛn'n, amun kusu amu'an ta nda kɛ amun ´yo i nvle klonglonglo kɛ ɔ fa kannin'n sa, nan amun ´fɛ i mmla'm bé su.

Mmla'n 26:19

Anannganman amun Nyanmiɛn'n, ɔ klo kɛ amun nyan nyrun. Ɔ klo kɛ amun nvle'n yo dan nan i dunman'n fu, nan i nyrun ba nyan tra nvle ng'ɔ jrali be asiɛ'n su'n be kwlakwla. I liɛ'n, amun ´yo i nvle klonglonglo kɛ ɔ fa kannin'n sa.»

Mmla'n 28:9

Sɛ amun fa mmla nga Anannganman amun Nyanmiɛn'n ɔ fa mannin amun'n bé su'n, nan amun nanti atin ng'ɔ kle amun'n bé su'n, ɔ ´fa amun nvle'n ´yo i liɛ klonglo, afin ɔ tali nda sɔ.

Mmla'n 33:3

Anannganman klo Izraɛl akpasua-akpasua be sufuɛ mun. Ɔ sasa be bɔ be ti i liɛ mlɔnmlɔn'n, ɔ sasa be bɔ be trɛn i bo lɛ kɛ be ´ti i ndɛ'n.

Mmla'n 4:20

Amun liɛ'n, Anannganman bɔbɔ ko fali amun nyrɛnnɛn dan nun Ezipt lɔ bali. I waan ɔ ´fa amun ´fa yo i nvle b'ɔ ti i liɛ klonglo kɛ amun fa ti ndɛ yɛ'n sa.

Mmla'n 4:37

Ɔ kloli amun nannan mun, yɛ ɔ buli be osu nunfuɛ'm be akunndan sieli, i wunmiɛn b'ɔ lɛ i'n ti ɔ yili amun Ezipt lɔ fiteli.

Tite 2:14

E ti Jésus ɔ fɛli i wun mannin nan ɔ ´yi ye sa tɛtɛ'n kwlaa nun nan e `kaci i sa ti sran bɔ é wun sa tɛtɛ'n kwlaa ɔ'a wie, bɔ e tu e klun yo sran ye .

1 Piɛr 2:9

Sanngɛ amun liɛ'n, an ti sran bɔ Nyanmiɛn fali amun, an ti Famiɛn Nyanmiɛn'n i nyrun jranfuɛ mun, an ti Nyanmiɛn i nvle'n nun sran mun, yɛ an ti i liɛ mlɔnmlɔn. Ɔ fali amun kɛ an yi i b'ɔ flɛli amun kɛ an jao aosin nun, an bla lika ng'ɔ kpaja kpa nun'n i ayɛ .

2 Piɛr 2:5

Laa mɛn liɛ'n, Nyanmiɛn a yaci-mɛn i lɛ, ɔ man nzue'n tɔli ɔ yili dan kpa nan ɔ'a kun sran tɛtɛ nga be o mɛn nun'n be kwlaa. Sanngɛ ɔ deli Noe b'ɔ bo sa nga be yo-ɔ ɔ ti su'n i ndolo'n, yɛ ɔ deli sran nso ekun .

2 Piɛr 2:9

Ɔ man e si kɛ e Min'n kwla de be nga be sro i bɔ sa tɔ bé su'n. Yɛ ɔ si be nga be yo sa tɛ'n be siewlɛ nan jɔlɛ dilɛ cɛn'n nun ɔ'a bu be fɔ.

1 Samiɛl 12:22

Anannganman su yi-mɛn i nvle'n i blo, yɛlɛ kɛ i dunman'n ti dan, afin i bɔbɔ yɛ ɔ guguli kɛ ɔ ´fa amun yo i nvle-ɔ.