Mmla'n 7:25 - NYANMIƐN NDƐ'N 1998

²⁵ Be amuɛn nga be yoli be mun'n, amun `yi be sin nun, amun `wɔ be nun. Nán amun nyin blo jɛtɛ ufue annzɛ sika ɔkwlɛ nga be o bé amuɛn sɔ'm be wun'n be su. Nán amun fa amuɛn sɔ mun sie amún wun. Sɛ amun yo sɔ-ɔ, ɔ cɛ-man nan amu'an sɔ be, afin be ti tete like Anannganman nyrun.

Mmla'n 7:25 ပူးပေါင်းရင်းမြစ်များ

2 Famiɛn Mun 23:14

Ɔ bubuli yɛbuɛ nga be takali'n be nun, ɔ kpɛkpɛli waka nga be takali be bɔ be sɔ be'n be nun. Yɛ ɔ fali sran owie tiantiannin be osu lɛ.

1 Be Nyoliɛ 14:12

Kɛ Filistifuɛ'm be ´wanndi kɔ'n, be amuɛn'm be kali lɛ, nan David ɔ'a se i sran'm be kɛ be `wɔ be nun.

Ezipt Lɔ Tulɛ'n 20:17

Nán man ɔ́ nyin blo ɔ wiengu like su, i sua o, i yi o, i sa nun junman difuɛ bla o, i sa nun junman difuɛ yasua o, i nannin o, i aflunmun o, nán man ɔ nyin blo i wie fi su .»

Ezipt Lɔ Tulɛ'n 32:20

Ɔ fali nannin ba nga be yoli'n, nan ɔ'a yrɛ i sin'n nun. I osu ng'ɔ kali'n, ɔ nunkunnin i ɔ kacili sanmlɛn. Ɔ fa guali nzue'n nun, yɛ ɔ fa mannin Izraɛlfuɛ'm be kɛ be nɔn, nan b'a nɔn.

Ezipt Lɔ Tulɛ'n 8:26

Moiz tuli i bo famiɛn'n i wun lɛ, ɔ ko kpatali Nyanmiɛn.

Ezai 30:22

Amun amuɛn mun bɔ amun klo jɛtɛ ufue annzɛ sika ɔkwlɛ gua be wun'n, amun `bu be like fiɛnfiɛn. Amun `gua be blo kɛ be gua like tɛtɛ'm be blo'n sa. Amun `se be kɛ: «Amun `fɛ li sɔ'n be fite lɔ.»

Ezai 41:24

Amun `nian, amun ti-man like fi mlɔnmlɔn, yɛ ninnge nga amun yo be'n, be ti ninnge ngbɛn-ngbɛn ngunmin. Sran ng'ɔ fɛ i wun wla amun sa nun'n, wuun ɔ'a bo tete dan .

Saun Yolɛ 13:52

Kpɛkuun sɛ tralɛ o, sɛ tannin o, sɛ triko o, man min nyrun jranfuɛ'n ɔ wɔ like sɔ'n nun. Sɛ ɔ ti like wie kusu bɔ kplo yɛ be fa yoli'n, man ɔ `yrɛ i. Afin i sɔ atre liɛ'n bɔ like'n ɔ'a di'n, be kwla be bu-mɛn nyrun. I sɔ'n ti ɔ fata kɛ like sɔ'n be wlɛ i nun sin nan sin'n `saci i ngba.

Saun Yolɛ 19:4

Nán amun su amuɛn'm be kun. Amun `yaci amuɛn nga be fa blalɛ annzɛ like ng'ɔ ti kɛ blalɛ sa be yo be mun. Min yɛ n ti Anannganman amun Nyanmiɛn nin-ɔn.

Sofoni 1:3

N ´nunnun sran nin nnɛn mun, anunman nga be tu be sin nglo'n nin kpatra nga be o jenvie nun'n, n ´nunnun be, klunwifuɛ mun nin bé sa nuan ninnge tɛtɛ nga be yoli'n, n ´nunnun be. N su yaci-man sran ba kun sa asiɛ'n su.» Anannganman'n yɛ ɔ kan sɔ-ɔ.

Mmla'n 12:3

Amun `bubu be amuɛn sɔwlɛ mun, amun `bubu be yɛbuɛ nga be takali be mun, amun `yra be waka nga be sɔ be'n, amun `bubu be amuɛn nga be yoli be mun, yɛ amun `nunnun be dunman'n lika nga be o nun lɛ'n be nun.

Mmla'n 13:16

amun `kun klɔ sɔ'n i su sran'm be ngba. Amun `bo klɔ'n mlɔnmlɔnmlɔn. Amun `nunnun i nun ninnge nin i nun nnɛn'm be sekeseke kpan.

Mmla'n 17:1

Nannin annzɛ bua, annzɛ boli nga lɛ o i wun'n, nán amun fa yi tɛ man Anannganman amun Nyanmiɛn'n. I sɔ'n ti tete like i nyrun.

Mmla'n 23:18

Nán Izraɛl yasua fi bo tekle. Bla'm be kusu nán man be bo tekle.

Mmla'n 27:15

«Sran ng'ɔ yo waka sran, annzɛ ɔ klo blalɛ fa yi like wie, nan ɔ fa fia lika wie nan ɔ su i'n, nán man ɔ wun ye le. Afin like sɔ bɔ ajuin difuɛ'm be yo'n, Anannganman nyin ci i.» Kpɛkuun man Izraɛlfuɛ'm be kwlakwla be tɛ su kɛ: «Man ɔ yo sɔ!»

Mmla'n 7:16

Amun `nunnun nvle nga Anannganman amun Nyanmiɛn'n fa be man amun'n be kwlakwla. Nán amun si be aunnvuɛ. Nán amun sɔ be amuɛn'm be wie. Sɛ amun yo sɔ-ɔ, amuɛn sɔlɛ ɔ ´tra amun kɛ aya sa.

Mmla'n 7:5

Ng'ɔ fata kɛ amun yo'n yɛ: amun `bubu be amuɛn sɔwlɛ mun, amun `bubu be yɛbuɛ nga be takali mun'n, ɔ nin be ninnge nga be sɔ be mun'n, yɛ amun `yra be amuɛn mun.

Zozie 7:1

Izraɛlfuɛ'm b'a fa-man Anannganman i ndɛ'n su. Like ng'ɔ seli be kɛ nán be fa'n, be fali. Zida i awlofuɛ kun, be flɛ i Akan, Karmi wa-a. Karmi i si'n yɛlɛ Zabdi, Zabdi kusu liɛ yɛlɛ Zerak. Akan sɔ'n yɛ ɔ fali ninnge sɔ mun-ɔn, nan Anannganman ɔ'a fa ya Izraɛlfuɛ'm be wun.

Zozie 7:21

N wunnin Mezopotami lɔ tralɛ klanman kpa kun, ɔ nin jɛtɛ ufue b'ɔ tra kilo nnyɔn, ɔ nin sika ɔkwlɛ kpɔlɛ kun b'ɔ ju kilo kun nin bue e kpɔfuɛ'm be bɔlɛ nun. Nanwlɛ, kɛ n wunnin ninnge sɔ mun'n, m'an kwla tra-man min anwlɛn yɛ n fali-ɔ. N fuli kunman yɛ n fa be n fa fiali min tannin sua'n nun lɔ, jɛtɛ ufue'n wo i bo.»

Sa nglô yile 17:5

Be klɛli dunman kun bɔ be si-mɛn i bo'n i ngban su. Be klɛli i kɛ: «Babilɔni klɔ dan'n, tekle bla'm be nin asiɛ'n su tete sa yofuɛ'm bé nin'n.»