Mmla'n 7:24 - NYANMIƐN NDƐ'N 1998

²⁴ Anannganman ´fa be famiɛn mun ´wla amún sa nun. Amun ´yo man be dunman ´mlin asiɛ'n su, be wie fi su jran-man amun nyrun, san amun ´nunnun be.

Mmla'n 7:24 ပူးပေါင်းရင်းမြစ်များ

Jue Mun 9:5

A buli min ndɛ'n klanman, afin min ndɛ yo fɛ. A ti ɔ famiɛn bia'n su yɛ a di jɔlɛ nin-ɔn, a bu-man ndɛ kwlɛ.

Ezipt Lɔ Tulɛ'n 17:14

Anannganman seli Moiz kɛ: «Klɛ i kwlaa sɔ'n fluwa'n nun nan bé wla ɔ'a fi-man su. Kan kle Zozie kɛ n wa nunnun Amalɛkfuɛ mun. Sran fi wla su kpɛn-man bé su asiɛ'n su wa kun .»

Nyanndra Mun 10:7

Sran kpa sa'n, i dunman liɛ'n ɔ jaso-man bé nuan'n nun le. Sanngɛ klunwifuɛ'm be dunman liɛ'n, ɔ tɔ nzue nun.

Ezai 54:17

Alɛ ninnge kwlaa nga be yi i kɛ be ´fa kun amun'n, ɔ ´yo ngbɛn. Sɛ sran wie fa amun kɔ jɔlɛ difuɛ wie ja su'n, amun ndɛ'n ´tɔ i su, be ´bu i fɔ. Sa nga n ´yo man be nga be ti min sufuɛ mun'n, yɛ ɔ o lɛ-ɔ. Like ng'ɔ ti be liɛ b'ɔ ti i nuan su'n, bɔ n ´yo man be'n, yɛ ɔ o lɛ-ɔ.» Anannganman i ndɛ b'ɔ kan'n, yɛ ɔ o lɛ-ɔ.

Zeremi 10:11

«An `se be kɛ yoo: ‹Ninnge sɔ'm bɔ nán be yɛ be yili nglo lɔ nin asiɛ'n, be ´nunnun asiɛ'n su. Be su wun-man be kun.› »

Sofoni 1:4

«Zida nvle'n nin Zerizalɛmfuɛ mun be wa wun min. Baal wun ninnge ng'ɔ ka wa'n, n ´yi, i sufuɛ nin i nyrun jranfuɛ'm be dunman liɛ'n ´mlin mlɔnmlɔnmlɔn.

Rɔmfuɛ Mun 8:37

Kannzɛ sa sɔ'n kwlaa tɔ e su'n, Jésus b'ɔ kloli ye'n ti, e tra safunyrɛn.

1 Korɛntfuɛ Mun 15:57

Sanngɛ e ´la Nyanmiɛn b'ɔ man e Min Jésus-Krist ti y'a yo kwlafuɛ'n i ase.

Mmla'n 11:25

Sran fi su kwla jran-man amun nyrun. Lika kwlaa nga amun ´kɔ lɛ'n, Anannganman amun Nyanmiɛn'n ɔ ´yo man be ´sro amun yɛ be ´usu amun nyrun kɛ ɔ kan kleli amun'n sa.

Mmla'n 25:19

I sɔ'n ti'n, amun wa ju mɛn nga Anannganman amun Nyanmiɛn'n ɔ'a fa man amun'n i nun lɔ. Cɛn nga Anannganman amun Nyanmiɛn'n yo man amun di alaje amun kpɔfuɛ nga be mantan amun lɛ'n bé sa nun'n, amun `nunnun Amalɛk i osu'n mɛn'n nun. Nán be bo bé su be di jɔlɛ kun. Nán amun wla fi ndɛ nga.

Mmla'n 29:20

Anannganman ɔ ´yo man ɔ ´wun nyrɛnnɛn. Ɔ ´yi i Izraɛl akpasua'm be nun. Sa yalɛ nga be kan be ndɛ mmla bɔ be ti klɛwa fluwa nga nun'n, Anannganman ´fa yi i su. Kɛ Anannganman nin be nuan sɛli su sɔ-ɔ.

Mmla'n 9:14

Jran man n nunnun be, nan be dunman'm be wie mɛn'n nun. Yɛ n yo man nvle kun ´fin ɔ nun fite. I nunfuɛ'm be ´nyan wunmiɛn tra sran nga mun, yɛ be ´sɔn tra be.»

Mmla'n 9:3

Ndɛkɛn'n, man amun si kɛ Anannganman amun Nyanmiɛn'n ɔ ´dun mmua amun nyrun, ɔ ti kɛ sin sa, ɔ yra. I yɛ ɔ wa nunnun be-ɔ. I yɛ ɔ ´gua be nyin ase-ɔ. Ɔ man amun wa fuan be, amun wa kun be ndɛndɛ kpa kɛ Anannganman kan kleli amun'n sa.

Zozie 1:5

Sran fi su kwla jran-man ɔ nyrun lele san ɔ́ wie. N wa jran ɔ́ sin kɛ n jrannin Moiz i sin'n sa. N su kpɔci-man wɔ le. N ´jran ɔ́ sin titi.

Zozie 10:23

Yɛ be yoli kɛ Zozie fa kannin'n sa-a. Be fali Zerizalɛm, nin Ebrɔn, nin Zarmit, nin Lakis, ɔ nin Eglɔn be famiɛn'm be blɛli i.

Zozie 10:40

Zozie fali mɛn'n i ngba. Ɔ kwlali famiɛn nga be o oka-oka lika'm be nun'n, nin be nga be o ngua lɔ lika'm be nun'n, nin be nga be o lika kpɛtɛkplɛɛ nun'n, ɔ nin be nga be o kpɔlɛ nga be o jenvie i nuan lɔ'n. Ɔ'a yaci-man sran fi lɛ, ɔ nunnunnin sran'm be ngba kɛ Anannganman b'ɔ ti Izraɛl Nyanmiɛn'n seli kɛ be yo'n sa .

Zozie 10:42

Ɔ fali lika sɔ'm be ngba. Ɔ kwlali be famiɛn mun likawlɛ afin Anannganman bɔbɔ yɛ ɔ uka Izraɛl-ɔ.

Zozie 10:8

Anannganman seli i kɛ: «Nán sro be, m'an fa be m'an man wɔ, be wie fi su jran-man ɔ nyrun.»

Zozie 11:17

Ɔ kwlali famiɛn nga bé mɛn'n wo oka ti su trɔnmintrɔnmin ɔ nin Baal-Gad lika'm be afiɛn nun'n. Oka sɔ'n mantan Seir lika'n b'ɔ o ngua lɔ'n. Baal-Gad kusu o Liban kongo nun lɔ, Ɛrmɔn oka'n i bo ngua nglo lɔ lika'n nun lɔ. Ɔ kunnin i sɔ famiɛn liɛ'm be kwlakwla.

Zozie 12:24

ɔ nin Tirza. Kɛ be kan be kwlaa bo nun'n, be ti famiɛn ablasan-nin-kun.

Zozie 21:44

Anannganman man be trannin fɔuun nun be nvle'n kwlaa nun, kɛ ɔ fa boli bé nannan'm be kasiɛ'n sa. Ɔ man be yoli kwlafuɛ be kpɔfuɛ'm be kwlaa be su. Be nun kun sa ɔ'a kwla jran-man be nyrun.

Zozie 23:3

Amun wunnin sa nga Anannganman b'ɔ ti amun Nyanmiɛn'n fa yoli nvle fanunfanun kwlaa mun amun dunman nun'n, afin Anannganman bɔbɔ yɛ ɔ kunnin alɛ'n mannin amun-ɔn.

Zozie 23:9

Anannganman dunman nun nvle dandan bɔ be yo sro'n be wanndili amun nyrun, lele ndɛ be wie fi a kwla jran-man amun nyrun.

Zozie 6:2

Anannganman seli Zozie kɛ: «Nian, m'an fa Zeriko nin i famiɛn'n, ɔ nin i sonja mun m'an man wɔ.