Mmla'n 7:18 - NYANMIƐN NDƐ'N 1998

¹⁸ Nán amun sro be. Sa nga Anannganman amun Nyanmiɛn'n fa yoli Ezipt famiɛn'n nin Ezipt mɛn wunmuan'n, man amun wla kpɛn su.

Mmla'n 7:18 ပူးပေါင်းရင်းမြစ်များ

Jue Mun 105:5

Anannganman i sufuɛ Abraam i osu nunfuɛ mun, Zakɔb i osu nunfuɛ b'ɔ kpali amun'n, man amún wla kpɛn sa nyɛnmɛn-nyɛnmɛn ng'ɔ yoli be'n be su. Man amun wla kpɛn abonuan sa ng'ɔ yoli be'n, ɔ nin jɔlɛ ng'ɔ dili be'n be su.

Jue Mun 77:11

Ɔ man n se min wun kɛ: «Nga b'ɔ yo min ya'n yɛlɛ like bɔ Nyanmiɛn b'ɔ like fi nun-mɛn i sin'n ɔ yo-man man-man e kun'n.»

Jue Mun 77:12

Min Min, min nyin kpɛn sa nga a yoli be laa'n be su. Mín nyin kpɛn abonuan sa nga a yoli be laa'n be su.

Jue Mun 78:11

Bé wla fili sa dandan ng'ɔ yoli'n mun, ɔ nin abonuan sa ng'ɔ yoli kleli be'n mun.

Kalɛ 13:9

Bɛnzamɛn akpasua'n su'n, Rafi i wa Palti yɛ ɔ ɔli-ɔ,

Kalɛ 21:34

Anannganman seli Moiz kɛ: «Nán sro i. N wa yo man a ´kwlɛ nin i alɛ kunfuɛ mun, ɔ nin i mɛn wunmuan'n bɔbɔ. Kɛ a fa yoli Amɔrfuɛ'm be famiɛn'n b'ɔ tran Ɛsbɔn'n, i sɔ yɛ a wa fa yo i-ɔ.»

Mmla'n 1:21

Amun `nian, mɛn'n yɛ Anannganman amun Nyanmiɛn'n ɔ'a fa sie amun nyrun yɛ. Amun `nian ndɛ nga Anannganman amun nannan'm be Nyanmiɛn'n kannin'n su, amun `ko fa. Nán srɛ kaan sa kun amun. Nán amun usu.›

Mmla'n 1:29

N seli amun kɛ: «Nán srɛ kun amun. Nán an sro be.

Mmla'n 1:30

Anannganman amun Nyanmiɛn b'ɔ dun mmua amun nyrun'n, i bɔbɔ ɔ ´kun amún ti alɛ kɛ ɔ fa yoli i Eziptfuɛ'm bé su amun bɔbɔ amun nyrun'n sa,

Mmla'n 20:1

Sɛ amun ´kɔ alɛ kunlɛ'n, nan amun ´nian-an, amun kpɔfuɛ'm be nnɛn kpanngɔ mun, nin be kakaklolo'm be kpanngban ɔ tra amun liɛ'n, nán amun sro be, afin Anannganman amun Nyanmiɛn b'ɔ fali amun Ezipt mɛn'n nun lɔ bali'n, ɔ nin amun wo nun.

Mmla'n 3:6

E sacili be kwlakwla kɛ e fa yoli Siɔn b'ɔ ti Ɛsbɔn famiɛn'n i liɛ'n sa. E nunnunnin be su sran mun. I yasua o, i bla o, i bakan o, e nunnunnin be ngba.

Mmla'n 31:5

Anannganman ´fa be ´man amun. Mmla nga m mannin amun'n, amun `nian su sɛsɛ amun ´yo be.

Mmla'n 31:6

Amun `jran kekle, amun `tra amun anwlɛn. Nán amun usu be nyrun, nán srɛ kun amun afin Anannganman amun Nyanmiɛn'n ɔ nin amun wo nun, ɔ su kpɔci-man amun. Ɔ su yi-man amun ase.»

Zozie 8:1

Anannganman seli Zozie kɛ: «Nán srɛ kun wɔ, nán ɔ klun titi wɔ. A nin wɔ alɛ kunfuɛ'm be kwlaa amun nin Aifuɛ'm be `ko kun. Nian, Ai famiɛn nin i sran mun, nin i klɔ'n nin i nvle'n, n fa be wlali ɔ sa nun.

Jɔlɛ Difuɛ Mun 6:13

Zedeɔn tɛli i su kɛ: «?Ai nannan, sɛ Anannganman nin e o nun'n, yɛ wuun ɔ yo sɛ ti yɛ sa nga'm be ju e su-ɔ? ?Abonuan sa nga e si'm be kan kle e bɔ be waan: ‹Anannganman i fanngan nun yɛ e fin Ezipt lɔ e bali'n,› i sɔ abonuan sa liɛ ɔ yo sɛ ti yɛ e wun-man be kun-ɔn? Andɛ e yɛ Anannganman ɔ'a yi e blo yɛ, ɔ'a fa e ɔ'a wlɛ i Madianfuɛ'm bé sa nun.»