Mmla'n 7:17 - NYANMIƐN NDƐ'N 1998

¹⁷ Wienun-ɔn amun wa se kɛ: «?Nvle nga bɔ be nun sran'm be sɔnnin tra e yɛ nin-ɔn, e ´yo sɛ nan y'a de be lika'n bé sa nun?»

Mmla'n 7:17 ပူးပေါင်းရင်းမြစ်များ

Ezai 14:13

A seli ɔ klun lɔ kɛ: «N ´fu lele n ju nyanmiɛn su lɔ. N ´fa min famiɛn bia'n n ´sie i Nyanmiɛn i nzraama'm be su nglo. N ´ko tran oka bɔ ninnge nga be su be'n be kwlakwla be yia su'n i su. N ´ko tran be oka su'n wie.

Ezai 47:8

Mmo b'ɔ klo mɛn dilɛ'n, b'ɔ tran ase fouun'n, bɔ i klun ti-mɛn i'n, b'ɔ se i klun lɔ kɛ: ‹M bɔbɔ min'n, sran fi nin min sɛ-man'n, n su di-man angboti le'n, min mma'm be su fi-man mín sa le'n,› sie ɔ su siɛn'n.

Ezai 49:21

Amun wa usa amún wun kɛ: ‹?Wan yɛ ɔ wuli ba nga mun mannin ye-ɔ? Afin e liɛ'm be fili é sa. E yoli klun kpanfuɛ. Be fali ye ɔli mɛn uflɛ nun, be kannin ye bo. ?Yɛ ba nga mun'n, wan yɛ ɔ tali be-ɔ? E ba kunngba yɛ e trannin sa lele-ɔ. ?Kɛ ɔ ´yo sɔ'n, wuun ba nga'm be o nin?› »

Zeremi 13:22

A wa usa ɔ́ wun kɛ: ‹?Nguɛ ti yɛ sa nga'm be ju min su-ɔ?› Sɛ a ti bla'n, wuun n ´se kɛ sa tɛ dan bɔ a yoli'n ti yɛ be trali wɔ bɔ be nin wɔ lali kekle nun nin-ɔn.

Kalɛ 13:32

Be nga be ɔli Kanaan lɔ be bali'n, be kannin mɛn sɔ'n i wun ndɛ tɛtɛ be kleli Izraɛlfuɛ mun. Be seli be kɛ: «Mɛn nga e ɔli nun lɛ'n, ɔ ti mɛn kun bɔ sɛ e waan e ´ko tran nun'n, e su nyan-man alaje.

Kalɛ 21:34

Anannganman seli Moiz kɛ: «Nán sro i. N wa yo man a ´kwlɛ nin i alɛ kunfuɛ mun, ɔ nin i mɛn wunmuan'n bɔbɔ. Kɛ a fa yoli Amɔrfuɛ'm be famiɛn'n b'ɔ tran Ɛsbɔn'n, i sɔ yɛ a wa fa yo i-ɔ.»

Kalɛ 33:53

Amun `de be lika'n bé sa nun nan amun `tran nun, afin min yɛ n fa mannin amun-ɔn, ɔ ti amun liɛ.

JÉSUS-CHRIST I DYASIN FE'N BO LUC KLELI'N 9:47

Kɛ Jésus wunnin be akunndan nga be bu'n, ɔ fa ba kaan kun jrɛnnin i wun lɛ, yɛ ɔ seli be kɛ:

Mmla'n 1:28

?Ninfan cɛ yɛ e ´sin bɔ e ´kpɛn lɔ-ɔ?› E niaan'm be bubuli é sa sin. Be waan: ‹Lɔ sran'm be tɛnndɛn tra ye, yɛ be lɛ wunmiɛn tra ye. Be klɔ'm be ti dandan, talɛ ng'ɔ si klɔ sɔ'm bé wun'n be ti nglo-nglo kpa, be to nyanmiɛn'n lɔ. Yɛ e wunnin Anak i anunman'm bɔ be ti sran blamiɛn'n be lɔ wie bɔbɔ.› »

Mmla'n 15:9

Amun `nian amún wun kpa, nán amun bu akunndan tɛ se kɛ: «Afuɛ'n i nso su b'ɔ ti kalɛ'n i yaci cɛlɛ afuɛ'n ɔ'a mantan.» Sɛ ɔ yo sɔ'n, amun su si-man amun niaan yalɛfuɛ'm be aunnvuɛ, kpɛkuun sɛ be srɛ amun like'n, amun su man-man be. Be kusu be ´kpan flɛ Anannganman be ´kan kle i, kpɛkuun Anannganman ɔ ´bu amun fɔ.

Mmla'n 18:21

Wienun-ɔn, amun ´usa amún wun kɛ: «?E ´yo sɛ nan y'a si kɛ nán Anannganman yɛ ɔ kannin ndɛ nga-a, annzɛ i yɛ ɔ kannin-ɔn?

Mmla'n 8:17

Nán amun si amun wue nun se kɛ: «E bɔbɔ e wunmiɛn nin é sa kekle yɛ man e kwla nyannin e wun-ɔn.»

Zozie 23:3

Amun wunnin sa nga Anannganman b'ɔ ti amun Nyanmiɛn'n fa yoli nvle fanunfanun kwlaa mun amun dunman nun'n, afin Anannganman bɔbɔ yɛ ɔ kunnin alɛ'n mannin amun-ɔn.