Mmla'n 7:16 - NYANMIƐN NDƐ'N 1998

¹⁶ Amun `nunnun nvle nga Anannganman amun Nyanmiɛn'n fa be man amun'n be kwlakwla. Nán amun si be aunnvuɛ. Nán amun sɔ be amuɛn'm be wie. Sɛ amun yo sɔ-ɔ, amuɛn sɔlɛ ɔ ´tra amun kɛ aya sa.

Mmla'n 7:16 ပူးပေါင်းရင်းမြစ်များ

Jue Mun 106:34

Nvle nga Anannganman waan be `nunnun i nun sran mun'n, b'a nunnun-man be.

Jue Mun 106:36

Be amuɛn nga be sɔ be'n, be ko sɔli wie. I sɔ amuɛn liɛ'm be kacili kɛ aya sa mannin be.

Ezipt Lɔ Tulɛ'n 23:33

Nán amun kplin be su kɛ be tran amun mɛn'n nun kɛ ɔ ´yo nan b'a laka-man amun nan amu'an fɔn-man mín wun'n ti. Afin sɛ amun su be amuɛn mun'n, wuun amu'an tɔ amuɛn sɔlɛ aya'n nun.»

Zeremi 21:7

I sin, Sedesias b'ɔ ti Zida famiɛn'n nin i awlo lɔ sran dandan mun, ɔ nin klɔ'n nun sran nga tukpacɛ b'ɔ sa ndɛndɛ'n nin alɛ'n, ɔ nin awe'n ɔ'a kun-man be'n, n ´fa be n ´wla Nɛbikadnɛzar b'ɔ ti Babilɔni famiɛn'n i sa nun. N ´fa be ´wla be kpɔfuɛ mun nin be bɔ be klo-man be nin nguan'n bé sa nun. Nɛbikadnɛzar su si-man be aunnvuɛ, ɔ su yo-man be blɛblɛ mlɔnmlɔn, ɔ ´kun be.› »

Kalɛ 33:55

Sɛ kusu amu'an kan-man mɛn'n i nun sran nga be o amun nyrun'n bé bo'n nan amun yaci be lɛ'n, be ´kaci kɛ owie sa, be ´wɔ amun nyinma su, annzɛ be ´kaci kɛ kpɛngbɛ piembie sa, be ´wɔ amun nvɛn mma'n. Be ´kaci amun kpɔfuɛ mɛn nga amun wa tran nun'n i nun.

1 Korɛntfuɛ Mun 15:33

Nán an laka amún wun, sɛ sran kpa nin sran tɛ san nun'n, i nzuɛn tɛ'n sɛ i.

Mmla'n 19:13

Nán amun si i sɔfuɛ'n i aunnvuɛ. Sran nga i wiengu ɔ'a yo-man sa, b'ɔ kun i'n, amun `kun i wie man ɔ tu Izraɛl mɛn'n nun, nan amu'an di alaje.

Mmla'n 19:21

Nán amun si i sɔ abɔlɛfuɛ'm be aunnvuɛ. Amun `tu be fɔ. Sɛ sran kun ɔ kun sran'n, be `kun i wie sie i osu. Sɛ ɔ bo sran kun nyinma'n, be `bo i liɛ'n wie sie i osu. Sɛ ɔ tu sran je'n, be `tu i liɛ'n wie sie osu. Sɛ ɔ bu sran sa'n, be `bu i liɛ'n wie sie osu. Sɛ ɔ bu sran ja'n, be `bu i liɛ'n wie sie osu.

Mmla'n 25:12

man be kpɛ bla sɔ'n i sa'n, nán be si i aunnvuɛ.

Mmla'n 7:2

Sɛ Anannganman amun Nyanmiɛn'n fa be man amun nan amun kwla be'n, amun `nunnun be mlɔnmlɔn. Nán amun nin be tra aenguɛ, nán amun si be aunnvuɛ.

Mmla'n 7:25

Be amuɛn nga be yoli be mun'n, amun `yi be sin nun, amun `wɔ be nun. Nán amun nyin blo jɛtɛ ufue annzɛ sika ɔkwlɛ nga be o bé amuɛn sɔ'm be wun'n be su. Nán amun fa amuɛn sɔ mun sie amún wun. Sɛ amun yo sɔ-ɔ, ɔ cɛ-man nan amu'an sɔ be, afin be ti tete like Anannganman nyrun.

Zozie 11:20

Afin Anannganman man mɛn sɔ nunfuɛ'm be waan san alɛ yɛ be nin Izraɛlfuɛ'm be ´kun-ɔn. I sɔ'n ti, Izraɛlfuɛ'm be kusu be kunnin be kwlakwla kɛ Anannganman fa kan kleli Moiz'n sa.

Jɔlɛ Difuɛ Mun 2:12

Anannganman b'ɔ ti bé nannan'm be Nyanmiɛn'n, bɔ i yɛ ɔ fali be Ezipt lɔ bali'n, be yacili i lɛ be ɔli nvle nga be o bé wun lɛ'n nun, be ko tuli be amuɛn mun, be kotoli bé bo. Ɔ man Anannganman fali ya.

Jɔlɛ Difuɛ Mun 2:3

I sɔ'n ti, n ´kan kle amun kɛ, n su fuan-man nvle sɔ'n nun sran mun amun nyrun. Be nin amun ´tran. Be amuɛn'm be wa yo kɛ aya yɛ b'a suɛ i amun bo sa.»

Jɔlɛ Difuɛ Mun 3:6

Be jali nvle sɔ'm be nun bla mun, be fali be mma mmla'm be mannin be kɛ be ja be, kpɛkuun be sɔli be amuɛn mun .

Jɔlɛ Difuɛ Mun 8:27

Zedeɔn fali sika ɔkwlɛ'n fa yoli sika ɔkwlɛ sran. Ɔ fa sieli i klɔ lɔ, be flɛ i klɔ'n kɛ Ofra. Yɛ Izraɛlfuɛ'm be kwlaa be ko koto i bo be sɔ i-ɔ. Ɔ yoli kɛ Zedeɔn nin i awlofuɛ'm be bɔbɔ bé wun aya sa.