Mmla'n 7:15 - NYANMIƐN NDƐ'N 1998

¹⁵ Anannganman ´yo man tukpacɛ fi su nyan-man amun, yɛ ɔ ´yo man sa sroesroe nga be juli Eziptfuɛ'm bé su bɔ amun bɔbɔ amun wunnin be'n, be su nyan-man amun, amun kpɔfuɛ'm bé su yɛ be ´tɔ-ɔ.

Mmla'n 7:15 ပူးပေါင်းရင်းမြစ်များ

Jue Mun 91:10

Sa tɛ fi su ju-man ɔ su, nyrɛnnɛn fi su wunnge-man wɔ awlo'n wun.

Ezipt Lɔ Tulɛ'n 15:26

Ɔ seli be kɛ: «Sɛ amún nyin yi min Anannganman bɔ n ti amun Nyanmiɛn'n nan amun yo like nga be ti kpa min nyrun'n, sɛ amun sie amún su min mmla'm bé bo nan amun kwlaa amun fa bé su'n, tukpacɛ nga n fa yili i Eziptfuɛ'm bé su lɔ'n, n su fa yi-man amún su wie. Afin min yɛ n ti Anannganman bɔ n yo amun juejue nin-ɔn.»

Ezipt Lɔ Tulɛ'n 23:25

M bɔbɔ min Anannganman bɔ n ti amun Nyanmiɛn'n yɛ amún `su min-ɔn. N ´yra min nuan klanman man amun, i ti amun ´nyan aliɛ diwa nin nzue nɔnwa. N ´yo man amun su tɔ-man tukpacɛ.

Ezipt Lɔ Tulɛ'n 9:11

Ezipt lɔ atrɛ yifuɛ'm b'a kwla fite-man Moiz nyrun yra sɔ'n dunman nun ti. Afin yra'n yoli be wie.

Mmla'n 28:27

Anannganman ɔ ´yo man yra ng'ɔ tru guali Eziptfuɛ'm be wun'n, i wie ɔ ´yo amun, koko ´yo amun, asiɛn ´gua amun, kpɛkuun klele b'ɔ lɛ-man ayre'n ɔ ´gua amun.

Mmla'n 28:60

Sa ng'ɔ fa yili Eziptfuɛ'm bé su bɔ be yo amun sro'n, ɔ ´fa yi amun su wie, yɛ be ´ka amun wun.

Mmla'n 30:7

Anannganman amun Nyanmiɛn'n ɔ ´yo man sa yalɛ sɔ'm be kwlaa be ´tɔ amun kpɔfuɛ fanunfanun bɔ be yaci-man amun diin'n bé su.