Mmla'n 7:14 - NYANMIƐN NDƐ'N 1998

¹⁴ Ɔ ´man amun muae ´tra nvle'm be kwlakwla. Yasua ng'ɔ wu-man ba'n, annzɛ bla klun kpanfuɛ'n, annzɛ nnɛn nga be wu-man ba'n, be su wun-mɛn i sɔ amun mɛn'n nun.

Mmla'n 7:14 ပူးပေါင်းရင်းမြစ်များ

Jue Mun 107:38

Nyanmiɛn yo be ye, be wu ba kpanngban kpa, bé sa nun nnɛn'm be trɛ.

Jue Mun 115:15

Man Anannganman b'ɔ yili nyanmiɛn'n b'ɔ la nglo lɔ plaii'n nin asiɛ'n, ɔ yo amun wun sa ye.

Jue Mun 127:3

Aja nga Anannganman fa man awlo kun'n, like ng'ɔ fa cɛ i'n, i ti nin i bo'n yɛlɛ be klun ba .

Saun Yolɛ 26:9

N ´jran amún sin, amun ´wu ba kaka, amun ´sɔn. N su yi-man amun ase. Aenguɛ nga min nin amun e trali'n, n ´di su titi .

Kalɛ 22:12

Nyanmiɛn seli Balaam kɛ: «Nán a nin be wɔ. Nán bo nvle sɔ'n i sannzan afin m'an dun mmua m'an yo i nunfuɛ'm be ye.»

Mmla'n 28:11

Anannganman ɔ ´yo man amun nyan ninnge kpanngban lika ng'ɔ tali amun nannan'm be nda kɛ ɔ ´fa man amun'n i nun. Amun ´trɛ, amun nnɛn'm be ´trɛ, amun fie'm be ´yo kpa.

Mmla'n 28:4

Amun ´wu ba kaka, amun fie'm be ´yo kpa, amun nnɛn'm be kusu, i nannin o, i bua o, i boli o, be ´wu ba kpanngban.

Mmla'n 30:9

Anannganman amun Nyanmiɛn'n ɔ ´yo amun kpa, ɔ man amún sa nun ninnge'm be kwlaa be ´yo ye. Amun ´wu ba kpanngban, amun nnɛn'm be ´trɛ, amun fie'm be ´yo kpa. Ye kunngba nga Anannganman yoli amun nannan mun'n, yɛ ɔ ´yo amun-ɔn.

Mmla'n 33:29

Izraɛlfuɛ mun amun liɛ su ti ye. ?Wan yɛ ɔ nin amun sɛ-ɔ? Amun ngunmin yɛ Anannganman deli amun-ɔn. Ɔ ti kɛ amun nyrɛn sa. Ɔ ti kɛ amun tokofi sa bɔ man amun nyan kwlalɛ-ɔ. Sɛ amun kpɔfuɛ'm be ba amun yaci selɛ'n, amun wa tia be amuɛn sɔwlɛ'm be su.»