Mmla'n 6:8 - NYANMIƐN NDƐ'N 1998

⁸ Amun `fa cici amún sa kɛ nzɔliɛ sa, amun `fa wie sie amun ngban su amun nyinma nnyɔn'm be afiɛn.

Mmla'n 6:8 ပူးပေါင်းရင်းမြစ်များ

Ezipt Lɔ Tulɛ'n 12:14

Amun `fa cɛn sɔ'n amun `fa kpɛn amún wun wla. Kɛ ɔ ko ju'n, amun kwlaa amun `yia, amun `manman min Anannganman sa nga n yoli'n ti. Kɛ ɔ fɛ i blɛ nga nun'n, amun nin amun osu nunfuɛ mun amun `di i sɔ cɛn'n titi. Ɔ ti mmla kun bɔ be kwla kaci-mɛn i.»

Ezipt Lɔ Tulɛ'n 13:16

Tɛ sɔ'n bɔ amun ´yi'n, ɔ ´yo amún wla kpɛnlɛ like kɛ amún sa i su annzɛ amun ngban su nzɔliɛ wie sa. Man ɔ kpɛn amún wla kɛ Anannganman i tinmin bɔ be jrɛn i nyrun-ɔn yo-man ye ti'n, ɔ fali e Ezipt lɔ bali.»

Ezipt Lɔ Tulɛ'n 13:9

Cɛn sɔ'n wa yo amún wla kpɛnlɛ like kɛ amún sa'n i su annzɛ amun ngban su nzɔliɛ wie sa. Man ɔ kpɛn amún wla kɛ ɔ fata kɛ amun kan Anannganman i mmla'n i ndɛ. Afin i yɛ ɔ fali i tinmin bɔ be jrɛn i nyrun-ɔn ɔ yo-man ye'n, ɔ fali amun Ezipt lɔ bali.

Nyanndra Mun 3:3

Nán yaci klun-ufue yolɛ'n, nán ɔ́ nyin kpa sran su. Man ninnge sɔ'm be yo wɔ cinnjin kpa .

Nyanndra Mun 6:21

Fa be sie ɔ klun cɛ! Fa be yo kɛ ɔ kɔmin nyanman sa, wla.

Nyanndra Mun 7:3

Nán fa be tratra ɔ́ sa bɛ'n nun. Fa be sie ɔ klun kpa!

Matthieu 23:5

Like kwlaa nga be yo'n, be yo i kɛ sran'm be `wun be. Be wla sɛbɛ dandan mun, yɛ be yo be tralɛ'n i nuan njɔlɛ'n tɛnndɛn .

Mmla'n 11:18

An `fa ndɛ sɔ mun `sie amun klun, man be tran amun anwlɛn'n nun tititi. Amun `fa cici amún sa kɛ nzɔliɛ sa, amun `fa sie amun ngban su amun nyinma nnyɔn'm be afiɛn.

Hébreu 2:1

I sɔ'n ti'n, man e fa ndɛ nga e tili be'n sie e klun kpa tra laa'n, sɛ y'a yo-man sɔ-ɔ ɔ cɛ-man nan y'a to a fuan atin'n.