Mmla'n 6:7 - NYANMIƐN NDƐ'N 1998

⁷ Amun `fa kle amun mma mun, sɛ amun ti amun awlo lɔ, amun `kan, sɛ amun wo atin su amun su kɔ lika o, amun `kan, sɛ amun wa la o, sɛ amun tinnge o, amun `kan.

Mmla'n 6:7 ပူးပေါင်းရင်းမြစ်များ

Bo Bolɛ 18:19

M'an kpɛ i kɛ ɔ kan kle i mma mun nin be anunman nga be ´wu be'n be kɛ be `fa min atin'n su be nanti sɛsɛ, nan m'an yo like nga n kan kleli i kɛ n ´yo'n.»

Zɔb I Nyrɛnnɛn Wunlɛ 8:10

Be liɛ'n be ´wun wie be ´kan kle wɔ. Afin be si sa mun, ɔ o be klun lɔ. Be wa se wɔ kɛ yo:

Jue Mun 119:13

Ndɛ nga a kannin'n, n ´nian su n ´kɛn i kunngun n ´gua lɔ.

Jue Mun 119:46

Afin sa nga a sie be'n, n ´kan be famiɛn'm be nyrun, n su sa-man nun nyan.

Jue Mun 129:8

Sran nga be ´sin'n be ´kɔ'n, be se-man kɛ: «Man Anannganman yo amun liɛ ye o. E ´yra amun nguan Anannganman i dunman nun!»

Jue Mun 37:30

Sran kpa'n ɔ kan ngwlɛlɛ ndɛ. Sɛ ɔ ´kan ndɛ-ɔ, ɔ kɛn i nuan su sɛsɛ,

Jue Mun 71:17

Ee Nyanmiɛn, kɛ ɔ fin min kaan nun'n yɛ a boli min ngwlɛlɛ klelɛ'n i bo-ɔ. N kusu m'an kan wɔ abonuan sa'm be ndɛ lele ɔ'a fa ju ndɛ.

Nyanndra Mun 10:21

Sran kpa'n i nuan nun ndɛ'n ɔ man sran kaka kpa be fa atin kpa su. Sinnzin wie yɛ be nga be wun-man sa wlɛ'n be wu-ɔ.

Nyanndra Mun 15:2

Ndɛ ng'ɔ fin ngwlɛlɛfuɛ'm bé nuan fite'n, sran ti-ɔ ɔ yo i fɛ. Be nga be si-man ngwlɛlɛ'n, be liɛ, ng'ɔ fin bé nuan fite'n, ɔ ti sinnzin ndɛ ngunmin.

Nyanndra Mun 15:7

Ngwlɛlɛfuɛ'm bé nuan nun ndɛ'n ɔ man akunndan. Be nga be si-man ngwlɛlɛ'n, bé ti sɛ liɛ'n wo lɛ ngbɛn, ngwlɛlɛ ba kun sa nun-man nun.

Nyanndra Mun 6:22

Kɛ a ´nanti sin'n, be yɛ be ´sasa wɔ-ɔ, kɛ a ´lafi'n, be yɛ be ´nian wɔ su-ɔ, kɛ a ´lafi tinnge'n, be ´kle wɔ ngwlɛlɛ.

Ezai 38:19

Be nga bé nyin o su'n, be nga be tɛ o nguan nun'n kɛ min sa'n be yɛ be kwla manman wɔ-ɔ.

Malasi 3:16

Kpɛkuun be nga bé nyin yi Anannganman'n, be yiali be kokoli bé wun. Be ndɛ nga be kannin'n, Anannganman fɛli i su sieli i bo ɔ tili. Be nga bé nyin yi Anannganman b'ɔ kan ndɛ kle be-ɔ be fa'n, be klɛli be dunman i bɔbɔ i nyrun lɛ .

Matthieu 12:35

Sran kpa'n ɔ yi like kpa i ninnge kpakpa'm be nun, yɛ sran tɛ'n ɔ yi like tɛ i ninnge tɛtɛ'm be nun.

JÉSUS-CHRIST I DYASIN FE'N BO LUC KLELI'N 6:45

Sran kpa'n ɔ yi like kpakpa b'ɔ o i anwlɛn b'ɔ ti kɛ bɛtrɔ sa'n nun, sran tɛ'n kusu yi like tɛtɛ i bɛtrɔ'n nun, afin ndɛ kwlaa ng'ɔ o sran i anwlɛn nun'n, yɛ ɔ fite i nuan-an.»

Efɛzfuɛ Mun 4:29

Nán ndɛ tɛ kun sa fin amún nuan fite, sanngɛ an `kan ndɛ ng'ɔ ti kpa bɔ sran ti-ɔ ɔ yo sran'n, nan ɔ yo be kwlaa nga be ti'n be fɛ.

Efɛzfuɛ Mun 6:4

Nja mun, amun kusu, nán an yo sa b'ɔ kun amun mma'm be ya, sanngɛ an `ta be kpa e Min'n liɛ'n su, yɛ an `tu be fɔ, an `kle be ngwlɛlɛ.

Mmla'n 11:19

Amun `fa kle amun mma mun sɛ an ti amun awlo lɔ o, amun `kan, sɛ amun o atin'n su amun su kɔ lika o, amun `kan, sɛ amun wa la o, sɛ amun tinnge o, amun `kan.

Mmla'n 6:2

I waan amun nin amun osu nunfuɛ mun amun `fa be kwlakwla be su titi lele fa ju amun wie cɛn, nan amun nguan nyanman'n ɔ'a yo tɛnndɛn.

Kolɔsfuɛ Mun 4:6

Man amun ijɔlɛ wafa'n yo sran'm be fɛ, man amún nuan nun ndɛ'n yo fɛ kɛ njin sa nan amu'an tɛ sran ng'ɔ usa amun sa'n, i su klanman.

1 Piɛr 3:15

Sanngɛ an `bu Krist sran, yɛ an `bu i amun Min. An `bu sa ti yɛ amún wla o Krist su'n i akunndan sie nan sɛ be usa amun i su sa'n amu'an kwla tɛ su .

Rit I Wun Ndɛ 2:12

Man Anannganman b'ɔ ti Izraɛlfuɛ'm be Nyanmiɛn'n, bɔ i fanngan nun ti yɛ man a juli wa'n ɔ `yo ɔ liɛ ye. A kunndɛ-ɔ, man a nyɛn i.»

Rit I Wun Ndɛ 2:4

Be o lɛ, kpɛkuun Bɔaz ɔ'a fin Bɛtleɛm lɔ ɔ'a ba. Yɛ ɔ yoli junman difuɛ'm be like-ɔ. I waan: «Man Anannganman nin amun tran.» Be kusu be tɛli i su kɛ: «Man Anannganman yo ɔ liɛ ye.»

Rit I Wun Ndɛ 4:11

Be kwlaa nga be o lɛ'n, nin kpɛnngbɛn'm be ngba be waan: «Ɛɛn! Ɔ yoli e nyrun. Anannganman man bla nga ɔ'a wlu wɔ awlo nun yɛ'n ɔ yo kɛ Rasɛl nin Lea bɔ be nnyɔn'n be takali Izraɛl nvle'n sa. Yo sran dan Efrata nvle'n nun man ɔ dunman'n fu Bɛtleɛm wa .