Mmla'n 6:5 - NYANMIƐN NDƐ'N 1998

⁵ Amun `klo Anannganman amun Nyanmiɛn'n kpa, amun `fa amún wla'n kwlaa guɛ i su, amun `fa amun wunmiɛn'n kwlaa yo like ng'ɔ kle kɛ amun klo i'n.

Mmla'n 6:5 ပူးပေါင်းရင်းမြစ်များ

1 Famiɛn Mun 3:3

Kɛ Salomɔn klo Anannganman Nyanmiɛn'n ti'n ɔ nian nga i si David kan kleli i'n su, sanngɛ i kusu ɔ yi i tɛ mun, ɔ nin ansans sraka mun sraka yiwlɛ lika sɔ'm bé su.

2 Famiɛn Mun 23:25

Famiɛn nga be dunnin mmua Zozias nyrun'n, wie fi nun-man lɛ b'ɔ kacili i ajalɛ nin-ɔn, b'ɔ kloli Anannganman kpa-a, b'ɔ fɛli i wun mɛntɛnnin i-ɔ, b'ɔ fɛli i wla'n kwlaa guɛli i su-ɔ, b'ɔ fɛli i wunmiɛn'n kwlaa yoli like ng'ɔ kle kɛ ɔ klo Anannganman'n kɛ Zozias liɛ'n sa-a. Be nga be bali kasiɛn'n kusu, be nun wie fi ɔ'a yo-man sɔ. Be nga be dunnin mmua o, be nga be kali siɛn o, be nun wie fi ɔ'a yo-man nga Moiz i mmla'n kannin'n.

2 Be Nyoliɛ 15:12

Be tali nda kɛ be ´fa bé wun mantan Anannganman b'ɔ ti be nannan'm be Nyanmiɛn'n kpa. Be tali nda kɛ be fa bé wla'n kwlaa guɛ i su, yɛ be akunndan'n kwlaa ´trɛn i su.

2 Be Nyoliɛ 34:31

Famiɛn'n jrannin nglo Anannganman'n i sua'n nun kɛ ɔ jran lɛ titi'n. Ɔ tali nda Anannganman i mmla fanunfanun'n kwlaa su. Ɔ tali nda ekun kɛ aenguɛ nga Anannganman nin be trali'n, bɔ i wun ndɛ'n wo fluwa'n nun'n, ɔ ´nian su. Yɛ ɔ kɛnnin i ekun kɛ ɔ ´klo Anannganman kpa, yɛ ɔ ´fɛ i wla'n kwlaa ´guɛ i su.

Jue Mun 119:2

Be nga be nian sa ng'ɔ fa sie be nyrun'n su be yo'n, bɔ be tu be klun be kunndɛ i'n, be liɛ su ti ye!

Jue Mun 31:24

Nyanmiɛn sufuɛ nanwlɛfuɛ mun, amun `klo Anannganman! Afin Anannganman nian be bɔ be lafi i su'n be su, sanngɛ tutrefuɛ mun'n, ɔ man be tutre i nuan akatua lele kpe nun.

Matthieu 10:37

Sran ng'ɔ klo i si annzɛ i nin tra min'n, ɔ su yo-man n liɛ, yɛ sran ng'ɔ klo i wa yasua annzɛ i wa bla tra min'n, ɔ su yo-man n liɛ,

Matthieu 22:37

Jésus tɛli i su kɛ: «Klo ɔ Min Nyanmiɛn'n kpa, fa ɔ́ wla'n kwlaa guɛ i su, man wɔ akunndan'n kwlaa trɛn i su.

Marc 12:30

Amun `klo amun Nyanmiɛn'n kpa, amun `fa amún wla'n kwlaa guɛ i su, man amun akunndan'n kwlaa trɛn i su, yɛ amun fa amun wunmiɛn'n kwlaa yo like ng'ɔ kle kɛ amun klo i'n.»

Marc 12:33

Yɛ kɛ be klo i kpa'n, bɔ be fa bé wla'n kwlaa guɛ i su'n, bɔ be akunndan'n kwlaa trɛn i su'n, bɔ be fa be wunmiɛn'n kwlaa yo like ng'ɔ kle kɛ be klo i'n, bɔ be klo be wiengu kɛ be bɔbɔ sa'n, i sɔ'n ti kpa tra tɛ nga be yrɛ i nnɛn kɔlikɔli'n, nin like nga be fa man Nyanmiɛn'n i kwlaa .»

JÉSUS-CHRIST I DYASIN FE'N BO LUC KLELI'N 10:27

Yɛ ɔ seli i kɛ: «Amun klo amun Min Nyanmiɛn'n kpa, amun fa amún wla'n kwlaa guɛ i su, amun fa amun wunmuan'n kwlaa mɛn i, yɛ man amun akunndan'n kwlaa trɛn i su, yɛ amun klo amun wiengu kɛ an fa klo amun bɔbɔ amun wun'n sa .»

Mmla'n 10:12

?Izraɛlfuɛ mun, like nga Anannganman amun Nyanmiɛn'n waan amun `yo'n yɛlɛ onin? ?Ɔ'a se-man kɛ amun nyin yi i? ?Ɔ'a se-man kɛ amun fɛ i atin su? ?Ɔ'a se-man kɛ amun klo i? ?Ɔ'a se-man kɛ amun su i nan amun fa amun wla kwlaa'n guɛ i su nan amun akunndan'n kwlaa trɛn i su?

Mmla'n 11:1

Amun `klo Anannganman amun Nyanmiɛn'n, amun `fɛ i mmla fanunfanun'm be kwlaa bé su tititi.

Mmla'n 11:13

Sɛ sakpa amun fa mmla nga n ´fa man amun ndɛkɛn yɛ'n su'n, nan amun klo Anannganman amun Nyanmiɛn'n, nan amun fa amun wla'n kwlaa guɛ i su, nan amun akunndan'n kwlaa trɛn i su'n,

Mmla'n 13:3

sɛ sa ng'ɔ kannin'n ɔ ju sakpa'n, yɛ sɛ i ti i waan amun sɔ amuɛn bɔ amun si-man be laa'n nan amun su be'n,

Mmla'n 13:4

nán amun tie sran nga i waan ɔ ti Nyanmiɛn nuan ijɔfuɛ sɔ'n, annzɛ i ti'n wuun ase'n i ndɛ mun. Amun si kɛ Anannganman amun Nyanmiɛn'n yɛ ɔ su sa amun nian-an, sɛ amun klo i kpa kɛ ɔ fata'n sa o, sɛ amun fa amun wla'n kwlaa guɛ i su o, yɛ sɛ amun akunndan kwlaa o i su o.

Mmla'n 30:10

Ɔ ´yo i sɔ sɛ amun sa amun sin bɛ i sin o, yɛ sɛ amun fɛ i nuan ndɛ nin i mmla bɔ be ti klɛwa fluwa nga nun'n be su'n. Ɔ ´yo i sɔ sɛ amun fa amun wla'n kwlaa guɛ i su'n, yɛ sɛ amun akunndan'n kwla trɛn i su'n.

Mmla'n 30:16

Ndɛ nga n ´kan kle amun ndɛkɛn yɛlɛ kɛ amun `klo Anannganman amun Nyanmiɛn'n, nan amun `fɛ i atin'n su, nan amun `fɛ i mmla fanunfanun'm bé su. I liɛ'n, amun ´nyan nguan, amun ´trɛ, yɛ Anannganman amun Nyanmiɛn'n ɔ ´yo amun ye lika nga amun su kɔ i falɛ'n nun lɔ.

Mmla'n 30:20

Amun `klo Anannganman amun Nyanmiɛn'n, amun `fɛ i nuan ndɛ'n su, amun `fa amún wun mɛntɛn i. I liɛ'n, amun ´kwla tran mɛn ng'ɔ tali amun nannan Abraam, nin Izaak, nin Zakɔb be nda kɛ ɔ ´fa man be'n i nun, yɛ amun ´cɛ.

Mmla'n 30:6

Anannganman amun Nyanmiɛn'n i bɔbɔ, ɔ ´yo man amun nin amun osu nunfuɛ mun amun anwlɛn'n ɔ ´yo kpa. Ɔ man amun wa klo i kpa, amun wa fa amun wla'n kwlaa guɛ i su, yɛ amun akunndan'n kwlaa wa trɛn i su, kpɛkuun amun ´tran nguan nun.

Mmla'n 4:29

Kpɛkuun amun wa kunndɛ kɛ amun ´mantan Anannganman amun Nyanmiɛn'n. Sɛ amun tu amun klun amun fa amun wun mɛntɛn i kpa'n, yɛ sɛ amun fa amun wla'n kwlaa guɛ i su'n, ɔ ´fɛ i wun ´kle amun.

Zozie 22:5

Sanngɛ amun `fa mmla nga Moiz b'ɔ ti Anannganman i sufuɛ'n, fa mannin amun'n i kwlaa su: amun `klo Anannganman b'ɔ ti amun Nyanmiɛn'n, amun `fɛ i atin'n su, amun `niɛn i ndɛ'm be su, amun `fa bé wun mɛntɛn i, amun `nian nun be su i kpa kɛ ɔ fata'n sa.»

1 Jean 5:3

Nyanmiɛn i klolɛ'n yɛlɛ kɛ e fɛ i ndɛ'n su, i ndɛ sɔ'n i su falɛ'n yo-man ya .