Mmla'n 6:4 - NYANMIƐN NDƐ'N 1998

⁴ Izraɛlfuɛ mun, amun `tie. Anannganman e Nyanmiɛn'n i kunngba cɛ yɛ ɔ ti Anannganman nin-ɔn.

Mmla'n 6:4 ပူးပေါင်းရင်းမြစ်များ

1 Famiɛn Mun 18:21

Eli jrannin nzrafuɛ'm be nyrun, ɔ seli kɛ: «?Nan kɛ amun ´fa atin nnyɔn su tititi sa? Sɛ Anannganman yɛ ɔ ti Nyanmiɛn'n, amun `su i e! Sɛ kusu Baal yɛ ɔ ti Nyanmiɛn'n, amun `su i e!» Nzrafuɛ'm b'a tɛ-mɛn i su.

2 Famiɛn Mun 19:5

Ezekias i sunmanfuɛ'm be ko toli Ezai.

1 Be Nyoliɛ 29:10

David lali Anannganman ase sran nga be yiali'n be kwlaa be nyrun. Ɔ seli kɛ: «Anannganman, e nannan Izraɛl i Nyanmiɛn, e la wɔ ase titi, e su yaci-mɛn i le.

2 Be Nyoliɛ 17:9

Kɛ be ´kɔ'n, be fali Nyanmiɛn mmla fluwa'n be ɔli, be sinsinnin Zida klɔ'm be su be kleli sran'm be kwlaa be like.

Neemi 9:6

Ɔ kunngba yɛ a ti Anannganman nin-ɔn. Wɔ yɛ a yili nyanmiɛn ng'ɔ o nglo yɛ nin-ɔn, ɔ nin ng'ɔ o i sin lɔ nglo mmua kpa lɔ nin-ɔn, ɔ nin i su nzraama mun-ɔn. Wɔ yɛ a yili asiɛ'n nin i su ninnge'n kwlaa-a. Wɔ yɛ a yili jenvie'n nin ninnge kwlaa nga be o nun nin-ɔn, wɔ yɛ a man ninnge'm be kwlaa be nguan-an. Nglo lɔ tinminfuɛ'm be koto ɔ bo.

Jue Mun 78:5

Ɔ kleli Zakɔb osu nunfuɛ'm be nantilɛ ng'ɔ fata'n, ɔ kpɛli mmla kun Izraɛl mɛn'n nun. Ɔ fa mmla sɔ'n sieli e nannan'm be nyrun kɛ be `kan be kle be mma mun

Jue Mun 86:10

Afin a ti kpli, a yo abonuan sa mun. Wɔ kunngba wɔ yɛ a ti Nyanmiɛn nin-ɔn.

Ezai 42:8

N ti Anannganman, min dunman'n yɛ o lɛ-ɔ. N fa-man min nyrun bɔ n lɛ i'n m man-man sran, n fa man-man amuɛn mun.

Ezai 44:6

Anannganman b'ɔ ti Izraɛl famiɛn'n, b'ɔ kpɔli Izraɛlfuɛ'm bé ti'n, b'ɔ sie mɛn wunmuan'n, i waan: «Min yɛ n ti ninnge'm be kwlaa be klikli'n nin be kasiɛn nin-ɔn. Nyanmiɛn fi nun-man mín sin kun .

Ezai 44:8

Nán srɛ kun amun, yɛ nán amun usu. ?M'an kan-man sa sɔ mun m'an kle-man amun laa? ?M'an bo-man bé su m'an kle-man amun? ?Nyanmiɛn uflɛ o mín sin ekun? Amun ti min lalofuɛ: Yɛbuɛ uflɛ fi nun-man lɛ kun, n si-man wie fi kun.»

Zakari 14:9

Anannganman'n yɛ ɔ ´sie mɛn wunmuan nin-ɔn. I kunngba yɛ ɔ ´yo Nyanmiɛn bɔ sran'm be kwlaa be su i-ɔ. I kunngba yɛ sran'm be kwlaa be ´bo i dunman-an.

Matthieu 22:37

Jésus tɛli i su kɛ: «Klo ɔ Min Nyanmiɛn'n kpa, fa ɔ́ wla'n kwlaa guɛ i su, man wɔ akunndan'n kwlaa trɛn i su.

JÉSUS-CHRIST I DYASIN FE'N BO LUC KLELI'N 10:27

Yɛ ɔ seli i kɛ: «Amun klo amun Min Nyanmiɛn'n kpa, amun fa amún wla'n kwlaa guɛ i su, amun fa amun wunmuan'n kwlaa mɛn i, yɛ man amun akunndan'n kwlaa trɛn i su, yɛ amun klo amun wiengu kɛ an fa klo amun bɔbɔ amun wun'n sa .»

Jean 10:30

Min nin n Si e ti kun.»

Jean 17:3

Kɛ be se kɛ be ´nyan anannganman nguan'n, i bo'n yɛlɛ kɛ be ´si wɔ bɔ ɔ kunngba cɛ yɛ a ti Nyanmiɛn'n nin Jésus-Krist bɔ a sunmɛnnin i'n.

Rɔmfuɛ Mun 3:30

afin be nga be lafi i su'n sɛ be wlali be klɛn o, sɛ b'a wla-man be klɛn o, Nyanmiɛn kunngba'n yɛ ɔ bu be sran kpa-a .

Efɛzfuɛ Mun 4:6

Nyanmiɛn'n ti kun, yɛ ɔ ti sran'm be kwlaa be si. Ɔ sie be kwlaa, ɔ o be kwlaa be afiɛn yɛ ɔ o be kwlaa bé nun.

Mmla'n 4:39

I sɔ'n ti, man amun wun i wlɛ ndɛkɛn, yɛ man ɔ tran amun akunndan nun titi kɛ Anannganman kunngba yɛ ɔ ti Nyanmiɛn nin-ɔn, man amun wun i wlɛ kɛ nyanmiɛn su lɔ o, asiɛ'n su wa o, like fi nin i sɛ-man.

Mmla'n 5:6

«N ti Anannganman ɔ Nyanmiɛn'n. Min yɛ man a tuli Ezipt lɔ blɛ bɔ a tɛ o kanga nun nin-ɔn.

1 Timote 2:5

Afin Nyanmiɛn'n ti kun, yɛ kpatafuɛ ng'ɔ jran sran'm bé nuan kpata Nyanmiɛn'n ti kun kusu, yɛlɛ Krist-Jésus, ɔ ti sran.

Jacques 2:19

A lafi su kɛ Nyanmiɛn ti kunngba cɛ, ɔ ti nanwlɛ. Mmusu'm be kusu be lafi su sɔ wie, ɔ man bé wun usu be.