Mmla'n 6:23 - NYANMIƐN NDƐ'N 1998

²³ Nan ɔ'a yi e be mɛn sɔ'n nun lɔ, nan ɔ nin e a ba mɛn nga ɔ tali e nannan'm be nda kɛ ɔ ´fa man ye'n nun.

Mmla'n 6:23 ပူးပေါင်းရင်းမြစ်များ

Ezipt Lɔ Tulɛ'n 13:5

Kɛ Anannganman ko fa amun ko wɔ mɛn bɔ Kanaanfuɛ mun, nin Ɛtfuɛ mun, nin Amɔrfuɛ mun, nin Ferezfuɛ mun, nin Evfuɛ mun, yɛ Zɛbisfuɛ'm be tran nun lɔ'n i nun'n, afuɛ kwlaa nun anglo kunngba nga nun'n, amun `di cɛn sɔ'n. Mɛn sɔ'n yɛ Anannganman kan kleli amun nannan'm be kɛ ɔ ´fa man amun nin-ɔn. Lɔ asiɛ'n ɔ yo like ye kpa. I kunngba'n, ɔ ti nnɛn tawlɛ klanman.

Mmla'n 1:35

‹Akpasua tɛ nga nun sran wie fi nyinma su ta-man mɛn nga n seli be nannan'm be kɛ n ´fa man be'n.

Mmla'n 1:8

Amun `nian, n fali mɛn ng'ɔ o yɛ'n i kwlakwla mannin amun. Mɛn nga n seli kɛ n ´fa man amun nannan Abraam, nin Izaak, nin Zakɔb, ɔ nin be osu'n nunfuɛ mun'n yɛ ɔ o lɛ-ɔ, amun `ko fa.»

Mmla'n 6:10

Anannganman amun Nyanmiɛn'n ɔ ´fa amun kɔ mɛn nga ɔ seli amun nannan Abraam, nin Izaak, nin Zakɔb kɛ ɔ ´fa man amun'n i nun lɔ. Amun ko fa klɔ dandan, nin klɔ kpakpa bɔ nán amun yɛ amun kplannin'n.

Mmla'n 6:18

Amun yo sa kpa'n. Amun `yo like ng'ɔ yo Anannganman fɛ'n nan amun wun a jɔ amun fɔuun, nan amu'an kwla fa mɛn klanman ng'ɔ tali amun nannan'm be nda kɛ ɔ ´fa man amun'n.

Mmla'n 6:22

Anannganman yili atrɛ mun, ɔ yoli abonuan ninnge sroesroe mun e nyrun. Ɔ fali sa yalɛ yili i Eziptfuɛ mun nin famiɛn'n i bɔbɔ, ɔ nin i awlofuɛ'm bé su.

Mmla'n 6:24

I ti yɛ Anannganman waan e nian mmla sɔ'm bé su e nanti nin-ɔn. I waan e nyin `yi i Anannganman e Nyanmiɛn'n, nan e wun a jɔ e fɔuun cɛn'n kwlakwla, nan y'a tran nguan nun kɛ e fa o yɛ'n sa.