Mmla'n 6:18 - NYANMIƐN NDƐ'N 1998

¹⁸ Amun yo sa kpa'n. Amun `yo like ng'ɔ yo Anannganman fɛ'n nan amun wun a jɔ amun fɔuun, nan amu'an kwla fa mɛn klanman ng'ɔ tali amun nannan'm be nda kɛ ɔ ´fa man amun'n.

Mmla'n 6:18 ပူးပေါင်းရင်းမြစ်များ

Jue Mun 19:11

Jɔlɛ ng'ɔ di be sɔ'n be kpa tra sika ɔkwlɛ. Sika ɔkwlɛ nga bɔ b'a tɔn'n, sɛ ɔ sɔnnin kpa bɔbɔ'n, ɔ nin be sɛ-man. Be yo fɛ tra awɛma nzue. Be fɛ'n tra awɛma nzue nga b'a yi i uflɛ-uflɛ'n bɔbɔ.

Ezipt Lɔ Tulɛ'n 15:26

Ɔ seli be kɛ: «Sɛ amún nyin yi min Anannganman bɔ n ti amun Nyanmiɛn'n nan amun yo like nga be ti kpa min nyrun'n, sɛ amun sie amún su min mmla'm bé bo nan amun kwlaa amun fa bé su'n, tukpacɛ nga n fa yili i Eziptfuɛ'm bé su lɔ'n, n su fa yi-man amún su wie. Afin min yɛ n ti Anannganman bɔ n yo amun juejue nin-ɔn.»

Ezai 3:10

Amun `se kɛ: «Sran nga Nyanmiɛn bu i sran kpa'n, ɔ wo atin kpa'n su, i sa kpa ng'ɔ yo'n, ɔ ´nyɛn i nuan like.

Ezai 38:3

ɔ seli i kɛ: «Ee! Anannganman, yaci! Nán ɔ wla fi kɛ m'an fɔn-man. Yɛ n nantili wɔ atin'n su kɛ ɔ fata'n sa. N yoli sa nga be yo wɔ fɛ'n.» Ezekias sunnin sunlɛ kpa.

Ezekiɛl 18:19

Amun usa kɛ: ‹?Nguɛ ti yɛ ba'n ɔ fɛ-mɛn i si i sa tɛ i su afɛ nin-ɔn?› Amun `nian, i bo'n yɛlɛ kɛ ba'n ɔ yoli sa seiin nin sa i nuan su, yɛ ɔ fali min mmla'm be su. Ɔ ´nyan nguan.

Ezekiɛl 18:21

«Sɛ klunwifuɛ ɔ yaci i sa tɛtɛ'm be yolɛ'n, sɛ ɔ fa min mmla'm be su, ɔ su wu-man. Ɔ ´nyan nguan.

Ezekiɛl 18:27

Sɛ sa tɛ yofuɛ'n ɔ yaci i sa tɛ ng'ɔ yo'n i yolɛ'n, nan ɔ yo sa seiin nin sa ng'ɔ ti i nuan su'n, ɔ ´nyɛn i ti.

Ezekiɛl 18:5

Sran ng'ɔ ti kpa'n, b'ɔ yo sa sein'n, b'ɔ yo sa i nuan su'n,

Ezekiɛl 33:14

Sɛ kusu n se klunwifuɛ'n kɛ ɔ nin wulɛ fata'n, sɛ ɔ yaci i nzuɛn tɛ'n, nan ɔ yo sa ng'ɔ ti kpa'n, b'ɔ ti i nuan su'n, ɔ su wu-man.

Ezekiɛl 33:16

Bé wla su kpɛn-mɛn i sa tɛ ng'ɔ yoli be'n i wie fi su kun, afin ɔ yo sa seiin, yɛ ɔ yo sa i nuan su, ɔ ´nyɛn i ti.›

Ezekiɛl 33:19

Sɛ klunwifuɛ'n ɔ yaci i klunwi nan ɔ yo sa seiin nin sa i nuan su'n, ɔ ´nyan nguan i sɔ'n ti.

Ndɛ Nga Nyanmiɛn I Nuan Ijɔfuɛ Oze Kannin'n 14:9

?Efraimfuɛ mun, nguɛ ti yɛ man amun ko bua amuɛn ndɛ nun-ɔn? M bɔbɔ min n ´tɛ amun srɛlɛ'n su, n ´nian amun su. M bɔbɔ n ti kɛ siprɛs waka bɔ blɛ kwlaa nun i nnya'm be ti ble mlanmlan klanman'n sa. Min fanngan nun ti yɛ amun ninnge'm be ´yo ye-ɔ.»

Jean 8:29

Sran ng'ɔ sunmannin min'n, ɔ jin ń sin. Ɔ'a jao-man ń sin, afin n yo i klun sa cɛn kwlaa.»

Rɔmfuɛ Mun 12:2

Nán an yo kɛ sran mun bɔ be o lɛ ndɛ'n be sa, sanngɛ man Nyanmiɛn kaci amun akunndan'n nan an kaci mlɔnmlɔn. Kɛ ɔ ko yo sɔ'n, amun ´wun Nyanmiɛn i klun sa'n i wlɛ, yɛ amun ´si sa ng'ɔ ti kpa, b'ɔ jɔ i klun, b'ɔ man amun ´yo kpa'n.

Mmla'n 12:25

Sɛ amun waan amun nin amun osu nunfuɛ amun wun jɔ amun fɔuun nán amun di mmoja. Amun `yo sa ng'ɔ ti kpa Anannganman nyrun'n.

Mmla'n 12:28

Amun `tie ndɛ nga n ´kan kle amun yɛ'n kpa, amun `fa sie nan amun nin amun osu nunfuɛ mun amun wun jɔ amun fɔuun tititi. Afin sɛ amun yo i sɔ'n, wuun amu'an yo sa kpa ng'ɔ nin Anannganman amun Nyanmiɛn'n i nyrun fata'n.

Mmla'n 13:18

Nán lika sɔ bɔ amun sacili i'n, i nun like wie fi ka amún sa nun. Sɛ amun ti Anannganman amun Nyanmiɛn'n i aniɛn'n, sɛ amun fɛ i ndɛ nga n ´kan kle amun ndɛkɛn yɛ'n su, sɛ amun yo sa ng'ɔ ti kpa Anannganman amun Nyanmiɛn'n i nyrun'n, ɔ ´yaci i ya dan b'ɔ fali'n, ɔ ´si amun aunnvuɛ, ɔ ´yo amun ye, ɔ man amun ´trɛ kɛ ɔ fa tali amun nannan'm be nda'n sa.

Mmla'n 4:40

Ɔ man i mmla nin i ndɛ bɔ n ´fa man amun yɛ'n, amun `fa bé su. I liɛ'n, amun nin amun osu nunfuɛ nga be wa jaso su'n, amun ´nyan ye, yɛ amun nguan nyanman'n ɔ ´yo tɛnndɛn mɛn nga Anannganman amun Nyanmiɛn'n ɔ'a fa man amun mlɔnmlɔn'n i nun.

Mmla'n 5:29

Sɛ ɔ ti kɛ bé nyin yi min sa titi yɛ be fa mín nuan ndɛ'm be kwlaa su'n, wuun nga, be nin be osu nunfuɛ'm be ´nyan ye sa tititi.

Mmla'n 5:33

Amun `fa atin nga Anannganman amun Nyanmiɛn'n kleli amun'n su seiin nan amu'an wu-man, nan amun wun ɔ'a jɔ amun fɔuun, nan amun nguan nyanman'n ɔ'a yo tɛnndɛn mɛn nga amun wa fa'n nun.»

Mmla'n 6:10

Anannganman amun Nyanmiɛn'n ɔ ´fa amun kɔ mɛn nga ɔ seli amun nannan Abraam, nin Izaak, nin Zakɔb kɛ ɔ ´fa man amun'n i nun lɔ. Amun ko fa klɔ dandan, nin klɔ kpakpa bɔ nán amun yɛ amun kplannin'n.

Mmla'n 6:19

Ɔ ´dun mmua fuan amun kpɔfuɛ mun kɛ ɔ fa kannin'n sa.

Mmla'n 8:11

Amun `nian amún wun kpa. Nán amún wla fi Anannganman amun Nyanmiɛn'n. Nán amun kpa i ndɛ nin i mmla fanunfanun nga n ´fa man amun ndɛ yɛ'n bé su falɛ'n su.