Mmla'n 6:14 - NYANMIƐN NDƐ'N 1998

¹⁴ Nán amun koto like wie fi bo, nán amun fa nvle nga be mantan amun'n be amuɛn mun.

Mmla'n 6:14 ပူးပေါင်းရင်းမြစ်များ

2 Famiɛn Mun 17:35

Anannganman nin be trali aenguɛ. Yɛ ɔ seli be kɛ: «Nán amun sro amuɛn mun, nán amun koto be nyrun, nán amun su be, yɛ nán amun yi sraka man be.

Jue Mun 44:20

Sanngɛ kpɛkuun a tia e su, yɛ a su e bo ko yi e blo nsoso'm be lika'n nun, wɔ man aosin'n dun ye su tritritri.

Ezipt Lɔ Tulɛ'n 20:3

Nán su like uflɛ fi, san min kunngba cɛ.

Zeremi 25:6

Be seli amun kɛ: ‹Nán an fa amun wun mantan amuɛn mun, nán an sɔ be, nán an koto be bo. Nán an fa amún sa nuan like man be, be kun min ya. Sɛ amu'an yo-man sɔ'n, n su yo-man amun like fi.

Zeremi 35:15

N sunmannin min sufuɛ bɔ be ti min nuan ijɔfuɛ mun, nán andɛ yɛ m boli be sunmanlɛ bo-ɔ. N waan be `se amun kɛ: ‹Amun kwlaa an `yaci amun nzuɛn tɛ'n nan amun kaci ajalɛ'n. Nán an ko tu amuɛn, nán an sɔ be, i liɛ amun ´ka lika nga n fa mannin amun nin amun nannan mun'n i nun, sanngɛ n kleli mín nuan yalɛ ngbɛn, amu'an sie-man amún su nan se kɛ amun ´fa su.

Zeremi 7:6

sɛ an yo-man aofuɛ nin aika ba, ɔ nin angboti bla'm be tɛtɛ'n, sɛ an yaci sran nga b'a yo-man sa'm be kunlɛ lika nga nun wa'n,

Mmla'n 11:28

Sɛ kusu amu'an ti-man Anannganman amun Nyanmiɛn'n i mmla'n, nan amun yaci atin nga n ´kle amun ndɛkɛn yɛ'n i lɛ amun ko sɔ amuɛn bɔ amun si-man be laa'n, amun ´sokpa.

Mmla'n 13:7

Sɛ ɔ wie amún nin wa wie, annzɛ amun wa yasua wie, annzɛ amun wa bla wie, annzɛ amún bo bla wie, annzɛ amun janvuɛ ng'ɔ ti amun anwlɛn su sran'n wie, ɔ wa se amun blɛlɛlɛ kɛ amun ko sɔ amuɛn bɔ nán kɛ amun si i-ɔ, bɔ kusu nán kɛ amun nannan'm be sili i-ɔ, b'ɔ ti nvle wie nun amuɛn'n, nán amun kplin su. Nán amun tie sran sɔ'm be ndɛ'n, nán amun si be aunnvuɛ, nán amun yaci cɛ be, amun `yi be nglo. Sɛ nvle ng'ɔ mantan amun lɛ i nun amuɛn o, sɛ kusu mmua lɔ nvle wie nun amuɛn o, i kunngba nin-ɔn. Asiɛ wunmuan'n i su amuɛn'n kwlakwla be ndɛ yɛ n kan-an.

Mmla'n 5:7

Nán su like uflɛ fi, san min kunngba cɛ.

Mmla'n 8:19

Sɛ amún wla fi Anannganman amun Nyanmiɛn'n nan amun su amuɛn'm bé su amun sɔ be'n, nan amun koto bé bo'n, n ´kan kle amun ndɛkɛn weiin kpa kɛ amun ´wie wu.

Zozie 23:7

Nán amun nin nvle nga be tɛ o amun afiɛn'n be sanngan. Nán amun bo be amuɛn'm be dunman'n su be di jɔlɛ. Nán amun fa be dunman'm be ta nda. Nán amun koto bé bo, nan amun sɔ be.

1 Jean 5:21

M mma mun, an `nian amún wun amuɛn'm be lika.