Mmla'n 6:13 - NYANMIƐN NDƐ'N 1998

¹³ Amun `nyin yi Anannganman amun Nyanmiɛn'n, amun `su i. Sɛ amun ´ta nda'n, amun `fɛ i dunman'n yɛ amun fa ta-a.

Mmla'n 6:13 ပူးပေါင်းရင်းမြစ်များ

Bo Bolɛ 24:3

nan fa Anannganman b'ɔ ti nglo nin asiɛ'n be Nyanmiɛn'n i dunman ta min nda kɛ a su ja-man Kanaanfuɛ nga e nin be tran wa yɛ'n bé sa nun bla a su man-man mín wa'n.

2 Famiɛn Mun 17:36

Amun nyin `yi min kunngba, amun `koto min kunngba min bo, amun `yi sraka man min kunngba. Afin min yɛ n ko fali amun Ezipt lɔ n bali-ɔ. Min wunmiɛn'n, nin min tinmin bɔ like fi kwla jrɛn-mɛn i nyrun'n be ti yɛ n kwlaa n ko fali amun m bali-ɔ.

Jue Mun 15:4

Ɔ nin sran nga Nyanmiɛn a yi i blo'n bé nuan sɛ-man. Sanngɛ ɔ klo sran nga i nyin yi Nyanmiɛn'n. Sɛ ɔ ta nda wie'n, kannzɛ ɔ wa miɛn i sa kasiɛn'n, ɔ kpɛ-mɛn i ndɛ ng'ɔ kannin'n i wun.

Jue Mun 63:11

Man be wɔ sran sɔ'm be kue sa bi! Man nsoso'm be di be fuɛn'n.

Ezipt Lɔ Tulɛ'n 20:7

Nán bo min Anannganman bɔ n ti ɔ Nyanmiɛn'n min dunman'n ngbɛn, afin sran ng'ɔ bo min dunman ngbɛn'n, n su yaci-mɛn i lɛ, san n ´tu i fɔ.

Ezipt Lɔ Tulɛ'n 23:25

M bɔbɔ min Anannganman bɔ n ti amun Nyanmiɛn'n yɛ amún `su min-ɔn. N ´yra min nuan klanman man amun, i ti amun ´nyan aliɛ diwa nin nzue nɔnwa. N ´yo man amun su tɔ-man tukpacɛ.

Ezai 45:23

M bɔbɔ n ta mín wun nda, ndɛ ng'ɔ ti su'n yɛ ɔ fin mín nuan fite-ɔ, ndɛ sɔ'n n su kaci-mɛn i, sran'm be kwlaa be ´koto ḿ bo yɛ be kwlaa be ´ta nda min dunman nun .

Ezai 48:1

Zakɔb osu'n nunfuɛ mun, amun bɔ Izraɛl dunman'n wo amun su'n, amun bɔ amun ti Zida i osu'n nunfuɛ mun'n, amun bɔ amun fa Anannganman i dunman'n ta nda'n, amun bɔ amun bo Izraɛl Nyanmiɛn'n i dunman'n, bɔ amun di-man nanwlɛ, yɛ amun yo-man sa i nuan su'n, amun `sie amún su be `tie.

Ezai 65:16

Mɛn'n nga nun wa'n, be nga be klo kɛ be `yra be nguan'n, be ´se kɛ be `bo min Nyanmiɛn bɔ n ti nanwlɛfuɛ'n min dunman yɛ be `fa yo-ɔ. Be nga be waan be ´ta nda'n, be ´bo min Nyanmiɛn bɔ n ti nanwlɛfuɛ'n min dunman yɛ be ´fa ta-a .› » «Bé wla wa fi laa nyrɛnnɛn liɛ mun, n su wun-man nyrɛnnɛn sɔ mun kun.

Zeremi 12:16

Laa, be kleli min nvlefuɛ mun kɛ be `fa Baal dunman'n be ta nda, sanngɛ sɛ be suan min nvlefuɛ'm be nantilɛ'n nan sɛ be fa min dunman'n be ta nda be se kɛ: ‹N kan Anannganman'n, n ´fa be n ´sie i min nvlefuɛ'm be nun.

Zeremi 4:2

Kɛ a ta nda se kɛ: ‹N kan Anannganman Nyanmiɛn.› Sɛ a tɛ i nanwlɛ su kpa weiin'n, nvle kun nga'm be ´fa min dunman'n yɛ be ´fa yra be wiengu nguan-an. Kpɛkuun be ´bo min dunman'n be ´sin.

Zeremi 5:2

Sran'm be ta nda be se kɛ: «N kan Anannganman'n» ato yɛ be buɛ i sɔ-ɔ.

Zeremi 5:7

«?N ´yaci ɔ wun sa'n cɛ wɔ sɛ? Zerizalɛm bɔ ɔ fuɛ'm be yili min ase'n, bɔ amuɛn mun yɛ be bo be dunman be fa ta nda'n, like ng'ɔ nin be fata'n, n fa mannin be tratrali su bɔbɔ, sanngɛ kpɛkuun be ko kunndɛ bian min bo. Be kpli yɛ be kɔ tekle bla'n i awlo lɔ-ɔ.

Saun Yolɛ 19:12

Sɛ amun ´kan ndɛ-ɔ, nán an bo min dunman liɛ'n sa ngbɛn kɛ wie-ɔ: n kan Nyanmiɛn, bɔ amun fa i sɔ'n kpɛ gblɛ-ɔ. I sɔ'n ti min dunman'n i finfin yolɛ. Min yɛ n ti Anannganman amun Nyanmiɛn nin-ɔn.

Matthieu 4:10

Yɛ Jésus seli i kɛ: «Satan, jaso lɛ! Afin be klɛli i kɛ: ‹Koto ɔ Min Nyanmiɛn'n i bo, yɛ su i kunngba cɛ .› »

Matthieu 5:33

«An tili i ekun kɛ be kan kleli laafuɛ'm be kɛ: ‹Nán ta nda ngbɛn, sanngɛ nda nga a ta e Min Nyanmiɛn'n, yiɛ i nuan.›

JÉSUS-CHRIST I DYASIN FE'N BO LUC KLELI'N 4:8

Jésus seli i kɛ: «Be klɛli i kɛ: ‹Koto ɔ Min Nyanmiɛn'n i bo, yɛ su i kunngba cɛ .› »

Mmla'n 10:12

?Izraɛlfuɛ mun, like nga Anannganman amun Nyanmiɛn'n waan amun `yo'n yɛlɛ onin? ?Ɔ'a se-man kɛ amun nyin yi i? ?Ɔ'a se-man kɛ amun fɛ i atin su? ?Ɔ'a se-man kɛ amun klo i? ?Ɔ'a se-man kɛ amun su i nan amun fa amun wla kwlaa'n guɛ i su nan amun akunndan'n kwlaa trɛn i su?

Mmla'n 10:20

Amun `nyin yi Anannganman amun Nyanmiɛn'n, amun `su i, amun `fa amún wun `mɛntɛn i. Amun `fɛ i dunman yɛ amun fa ta nda-a.

Mmla'n 13:4

nán amun tie sran nga i waan ɔ ti Nyanmiɛn nuan ijɔfuɛ sɔ'n, annzɛ i ti'n wuun ase'n i ndɛ mun. Amun si kɛ Anannganman amun Nyanmiɛn'n yɛ ɔ su sa amun nian-an, sɛ amun klo i kpa kɛ ɔ fata'n sa o, sɛ amun fa amun wla'n kwlaa guɛ i su o, yɛ sɛ amun akunndan kwlaa o i su o.

Mmla'n 13:5

Anannganman amun Nyanmiɛn'n yɛ amun `su i-ɔ. Amun nyin `yi i, amun `fɛ i mmla'm bé su, amun `tie i aniɛn'n, amun `su i, yɛ amun `fa amún wun mɛntɛn i kpa.

Mmla'n 5:11

Nán bo min Anannganman ɔ Nyanmiɛn'n min dunman'n ngbɛn, afin sran ng'ɔ bo min dunman ngbɛn'n, n su yaci-mɛn i lɛ, san n ´tu i fɔ.

Mmla'n 5:29

Sɛ ɔ ti kɛ bé nyin yi min sa titi yɛ be fa mín nuan ndɛ'm be kwlaa su'n, wuun nga, be nin be osu nunfuɛ'm be ´nyan ye sa tititi.

Mmla'n 6:2

I waan amun nin amun osu nunfuɛ mun amun `fa be kwlakwla be su titi lele fa ju amun wie cɛn, nan amun nguan nyanman'n ɔ'a yo tɛnndɛn.

Zozie 2:12

I sɔ'n ti, amun `ta nda Anannganman nyrun kɛ ye nga n yoli amun'n, amun kusu amun ´fa yo min nin min awlofuɛ mun e wie. Amun `kle min nzɔliɛ kun bɔ n kwla lafi su.

Zozie 23:7

Nán amun nin nvle nga be tɛ o amun afiɛn'n be sanngan. Nán amun bo be amuɛn'm be dunman'n su be di jɔlɛ. Nán amun fa be dunman'm be ta nda. Nán amun koto bé bo, nan amun sɔ be.

Zozie 24:14

Zozie kan guali su kɛ: «I sɔ'n ti, amun `nyin yi Nyanmiɛn, amun `tu amún klun be su i. Nán amun kpɔci i mlɔnmlɔn. Amun `gua amuɛn nga amun nannan'm be sɔ be kɛ be o Efrat i bue kun lɔ'n annzɛ Ezipt lɔ'n be ase nan amun `su Anannganman.

1 Samiɛl 20:3

David waan: «?Yɛ b'ɔ si kɛ a klo min'n, ɔ ´kan kle wɔ sɛ? Atrɛkpa-a, ɔ kan kɛ: ‹Sɛ Zonatan ti'n, ɔ ´sɛnngɛn i akunndan.› N kan Nyanmiɛn nin wɔ be ti, m'an wu a wie. »

1 Samiɛl 7:3

Yɛ Samiɛl seli be kɛ: «Sɛ amun klo kɛ amun ´sa amún sin amun ´su Anannganman sakpa'n, amun `gua amuɛn nga amun ko tuli be nvle wie be nun bɔ i wie yɛlɛ Astarte be blo. Amun `fa amún wun mantan Anannganman yɛ amun `su i kunngba, kpɛkuun ɔ wa de amun Filistifuɛ'm bé sa nun.»