Mmla'n 6:10 - NYANMIƐN NDƐ'N 1998

¹⁰ Anannganman amun Nyanmiɛn'n ɔ ´fa amun kɔ mɛn nga ɔ seli amun nannan Abraam, nin Izaak, nin Zakɔb kɛ ɔ ´fa man amun'n i nun lɔ. Amun ko fa klɔ dandan, nin klɔ kpakpa bɔ nán amun yɛ amun kplannin'n.

Mmla'n 6:10 ပူးပေါင်းရင်းမြစ်များ

Bo Bolɛ 15:18

Le kun sɔ nun'n, Anannganman nin Abram be trali aenguɛ. Anannganman seli i kɛ: «Mɛn ng'ɔ o yɛ'n, kɛ ɔ fɛ i Ezipt nzue ba kan'n i nuan lɛ b'ɔ ´fa ju Efrat nzue ba dan'n i nuan'n, m'an fa man wɔ anunman mun .

Bo Bolɛ 26:3

Tran mɛn sɔ'n nun lɔ, n ´jran ɔ sin, n ´yo wɔ kpa. N ´fa lika nga kwlaa m man wɔ nin wɔ anunman mun. Nda nga n tali ɔ́ si Abraam'n, n ´yiɛ i nuan.

Bo Bolɛ 28:13

Anannganman jin yrɛyrɛ i ti su nglo lɔ, ɔ seli Zakɔb kɛ: «Anannganman ɔ nannan Abraam, nin Izaak be Nyanmiɛn'n yɛlɛ min. Asiɛ nga a la su lɛ'n, n ´fa man wɔ ɔ nin ɔ osu'n.

Neemi 9:25

Be fali klɔ nga talɛ si be wun'n mun ɔ nin asiɛ bɔ be yo like ye'n mun. Be fali sua bɔ ninnge kpakpa'm b'a yi be'n mun, nin nzue gbo bɔ b'a dun mmua kpɛ be'n mun, nin vinyi fie mun, nin olivie fie mun, ɔ nin waka nga be di be mma'n i sɔ kpanngbangban. Be dili like kpa be ku yili, be yoli sa lɔklɔlɔklɔɔ, be dili fɛ ɔ klun-ufue'n ti.

Jue Mun 105:44

Ɔ fali nvle uflɛ wie'm be nunfuɛ'm be asiɛ'n mannin be. Ɔ man junman nga nvle sɔ'm be nunfuɛ'm be dili'n, i nuan like'n kwlaa yoli be liɛ.

Jue Mun 78:55

Ɔ kannin nvle wie'm bé bo be nyrun nan ɔ'a cɛ lika'n ɔ'a man be kɛ ɔ `yo be liɛ titi. Ɔ fali Izraɛl nvle mun sieli i Kanaanfuɛ'm be lika'n nun.

Mmla'n 1:8

Amun `nian, n fali mɛn ng'ɔ o yɛ'n i kwlakwla mannin amun. Mɛn nga n seli kɛ n ´fa man amun nannan Abraam, nin Izaak, nin Zakɔb, ɔ nin be osu'n nunfuɛ mun'n yɛ ɔ o lɛ-ɔ, amun `ko fa.»

Mmla'n 19:1

Kɛ Anannganman amun Nyanmiɛn'n ko nunnun sran nga ɔ'a fa be mɛn'n ɔ'a man amun'n, bɔ amun ko tran be klɔ'm be su nin bé sua'm be nun'n,

Mmla'n 31:20

N wa fa be n ´kɔ lika nga n tali be nannan'm be nda kɛ n ´fa man be'n i nun lɔ. Lɔ asiɛ sɔ'n ɔ yo like kpa, i kunngba'n o ti nnɛn tawlɛ klanman. Be ´di like be ku ´yi, be ´cɛn cɛn luklɔ-luklɔɔ, be ´tu amuɛn'm be ´sɔ be, kpɛkuun be su bu-man min like kun. Be ´saci aenguɛ nga e nin be trali'n.

Mmla'n 6:18

Amun yo sa kpa'n. Amun `yo like ng'ɔ yo Anannganman fɛ'n nan amun wun a jɔ amun fɔuun, nan amu'an kwla fa mɛn klanman ng'ɔ tali amun nannan'm be nda kɛ ɔ ´fa man amun'n.

Mmla'n 6:23

Nan ɔ'a yi e be mɛn sɔ'n nun lɔ, nan ɔ nin e a ba mɛn nga ɔ tali e nannan'm be nda kɛ ɔ ´fa man ye'n nun.

Mmla'n 8:12

Sɛ amun nyan like amun di nan amun ku yi'n, sɛ amun kplan sua kpakpa mun be la nun'n,

Mmla'n 9:1

Izraɛlfuɛ mun, amun `sie amún su! Zurdɛn'n yɛ amun su wa kpɛ i lɛ-ɔ. Amun ´ko fa nvle bɔ be dandan tra amun liɛ'n, bɔ be nun sran'm be kekle tra amun. Nvle sɔ'm be nun klɔ'm be ti dandan, yɛ bé wun talɛ'm be ti cinnjin kpa, yɛ be ti nglo-nglo.

Zozie 24:13

N fali mɛn kun bɔ amu'an kle-man amún wun yalɛ b'a di-man nun junman'n ɔ nin klɔ bɔ nán amun yɛ amun kplannin'n n fa mannin amun kɛ amun `tran nun. Vinyi fie ɔ nin olivie bɔ nán amun yɛ amun tali'n, n fa mannin amun kɛ amun `di bé su mma mun.› »