Mmla'n 5:32 - NYANMIƐN NDƐ'N 1998

³² Moiz seli Izraɛlfuɛ'm be kɛ: «Amun `fa ndɛ nga Anannganman amun Nyanmiɛn'n fa mannin amun'n i su kpa. Nán amun yi i ase.

Mmla'n 5:32 ပူးပေါင်းရင်းမြစ်များ

2 Famiɛn Mun 17:37

Mmla fanunfanun nga n klɛ mannin amun'n, amun `fa su cɛn kwlakwla. Nán amun sro amuɛn mun.

2 Famiɛn Mun 21:8

Sɛ Izraɛlfuɛ'm be fa min mmla fanunfanun nga Moiz b'ɔ ti min sufuɛ'n fa sieli be nyrun'n su'n, n su kan-man bé bo mɛn nga n fa mannin be nannan mun'n nun. Be su wlan-wlan-man mɛn'n nun daan be sin-man kun .»

2 Famiɛn Mun 22:2

Like nga Anannganman klo i'n yɛ ɔ yoli-ɔ. Ajalɛ klanman nga i nannan David fali'n i kunngba'n yɛ ɔ fali-ɔ, ɔ'a kaci-mɛn i.

Jue Mun 125:5

Be nga be fa atin klɛklɛ'm be su'n, be liɛ'n, fuan be man be wɔ be nga be yo-man sa i nuan su'n be sin. Man Izraɛlfuɛ'm bé wun jɔ be fɔuun!

Jue Mun 19:12

Anannganman, min bɔ n ti ɔ sufuɛ'n, n nyan bé su ngwlɛlɛ. Sran ng'ɔ fa be su'n, ɔ nyan bé su mmlusuɛ.

Jue Mun 80:19

Yɛ e su kpɔci-man wɔ kun. Man e nguan, wɔ yɛ e ´su wɔ-ɔ.

Nyanndra Mun 3:2

Afin sɛ a ´cɛ asiɛ'n su'n, ɔ fin be. Sɛ a ´di alaje'n, ɔ fin be.

Nyanndra Mun 4:27

Nán kɔ bɛ su, nán kɔ fama su, nán fa atin tɛ su.

Ezai 30:21

Sɛ fama su annzɛ bɛ su yɛ ɔ fata kɛ amun wɔ'n, amun wa ti aniɛn kun b'ɔ ´kpan su amun su. Ɔ ´se kɛ: «Atin'n yɛ ɔ o yɛ, amun `fa su.»

Ezekiɛl 20:19

N ti Anannganman amun Nyanmiɛn, amun `fa mín nuan su ndɛ'n su. Amún nian min mmla be su. Amun `nanti be su.

Ezekiɛl 37:24

Min sufuɛ David yɛ ɔ ´yo be famiɛn nin-ɔn. Be sunianfuɛ'n ɔ ´yo kunngba. Be ´fa mín nuan su ndɛ'm be su, yɛ bé nyin ´yi min. Be ´fa min mmla'm be su.

Mmla'n 11:32

amun `nian nun be nanti mmla fanunfanun nga n ´fa sie amun nyrun ndɛ yɛ'm bé su.

Mmla'n 17:11

Amun `nian mmla nga be kleli amun'n nin ndɛ'n i buwlɛ nga be kleli amun'n i su be `yo. Nán amun yi wie fi ase.

Mmla'n 17:20

I liɛ'n, ɔ su tu-mɛn i wun guɛ-mɛn i wiengu'm bé su, kpɛkuun ɔ su fɔn-man mmla'n i nun ndɛ'm be nun. Ɔ man ɔ nin i osu nunfuɛ mun be ´cɛ Izraɛl bia'n su.

Mmla'n 24:8

Like nga Nyanmiɛn nyrun jranfuɛ bɔ be ti Levifuɛ'm be kle amun kɛ sɛ kokowe yo amun-ɔn, amun `yo'n, man ɔ yo amun cinnjin. Nga n kan kleli be'n, amun `nian su yo.

Mmla'n 28:14

Nán amun yaci mmla nga n ´fa man amun ndɛ yɛ'm be lɛ kɛ amun ´nian bɛ nin fama. Nán amun fa bé wun ko man like uflɛ kɛ amun ´sɔ be.

Mmla'n 29:8

Ɔ man amun `fa aenguɛ nga ɔ nin amun ´trɛ i yɛ'n i nun ndɛ'm bé su, amun `nian su be `nanti nan like kwlaa nga amun ´yo'n ɔ'a yo kpa ɔ'a man amun.»

Mmla'n 6:17

Amun `fa Anannganman amun Nyanmiɛn'n i ndɛ nin i mmla fanunfanun ng'ɔ fa mannin amun'n bé su kpa.

Mmla'n 6:25

Sɛ e fa Anannganman e Nyanmiɛn'n i mmla sɔ mun sie'n kɛ ɔ kan kleli e sa'n, ɔ ´wun kɛ e nanti seiin i nyrun.»

Mmla'n 6:3

Izraɛlfuɛ mun, amun `fa amun su sie mmla sɔ'm be su nan amun `fa bé su. I liɛ'n, amun wun ´jɔ amun fɔuun, kpɛkuun amun ´trɛ dan kɛ Anannganman amun Nyanmiɛn'n kannin'n sa. Ɔ seli amun kɛ mɛn ng'ɔ ´fa man amun'n, i asiɛ'n ɔ ´yo like ye kpa, yɛ i kunngba'n ɔ ti nnɛn tawlɛ klanman.

Mmla'n 8:1

Ndɛ nga n ´kan kle amun yɛ'n, amun `fa be kwlaa sie, amun `fa bé su nan amu'an ka nguan nun nan amu'an trɛ, nan amu'an ko fa mɛn nga Anannganman tali nda kɛ ɔ ´fa man amun nannan mun'n.

Zozie 1:7

Jran kekle, ?A ti? Yo yakpafuɛ. Nian mmla nga min sufuɛ Moiz fa mannin wɔ'n i kwlaa su. Nán nian bɛ, nán nian fama. Sɛ a yo sɔ'n, like kwlaa nga bɔ a yo'n ɔ ´yo ye.

Zozie 23:6

Sanngɛ amun `kplin amún nyin kpa, amun `nanti mmla nga be klɛli i Moiz fluwa nun'n su. Nán amun nian bɛ su, nán amun nian fama su.

2 Piɛr 2:21

Sɛ b'a wun-man atin ng'ɔ ti kpa'n, ɔ ti kpa tra kɛ be wunnin i bɔ be yaci Nyanmiɛn mmla'n b'ɔ fa mannin be'n.