Mmla'n 5:29 - NYANMIƐN NDƐ'N 1998

²⁹ Sɛ ɔ ti kɛ bé nyin yi min sa titi yɛ be fa mín nuan ndɛ'm be kwlaa su'n, wuun nga, be nin be osu nunfuɛ'm be ´nyan ye sa tititi.

Mmla'n 5:29 ပူးပေါင်းရင်းမြစ်များ

1 Be Nyoliɛ 29:18

Anannganman, e nannan Abraam nin Izaak, ɔ nin Izraɛl be Nyanmiɛn, man ɔ nvle'n nunfuɛ'm be bu akunndan sa titi. Yɛ man be fa be wla'n gua wɔ su sakpa.

Jue Mun 106:3

Be nga Anannganman i mmla'n su yɛ be nanti'n, bɔ be yo sa i nuan su titi'n, be liɛ su ti ye!

Jue Mun 19:11

Jɔlɛ ng'ɔ di be sɔ'n be kpa tra sika ɔkwlɛ. Sika ɔkwlɛ nga bɔ b'a tɔn'n, sɛ ɔ sɔnnin kpa bɔbɔ'n, ɔ nin be sɛ-man. Be yo fɛ tra awɛma nzue. Be fɛ'n tra awɛma nzue nga b'a yi i uflɛ-uflɛ'n bɔbɔ.

Jue Mun 19:12

Anannganman, min bɔ n ti ɔ sufuɛ'n, n nyan bé su ngwlɛlɛ. Sran ng'ɔ fa be su'n, ɔ nyan bé su mmlusuɛ.

Jue Mun 78:7

nan b'a fa bé wla'n b'a guɛ i Nyanmiɛn su, nan bé wla ɔ'a fi-man ng'ɔ yoli'n, nan b'a fɛ i mmla'm be su.

Jue Mun 81:16

Kpɛkuun wuun Anannganman i kpɔfuɛ'm be ´yaci bé wun tulɛ akunndan'n, yɛ ɔ ´tu be fɔ.

Ezai 3:10

Amun `se kɛ: «Sran nga Nyanmiɛn bu i sran kpa'n, ɔ wo atin kpa'n su, i sa kpa ng'ɔ yo'n, ɔ ´nyɛn i nuan like.

Ezai 48:18

Sɛ ɔ ti kɛ amun sieli amún su mmla nga m mannin amun'n i bo'n, wuun amun ´di alaje. Sɛ alaje sɔ'n ti nzue'n, wuun n ´se kɛ ɔ ´yo kɛ nzue ba kun b'ɔ sonji kpuu b'ɔ kpɛ-man'n sa. Sɛ ɔ ti kɛ amun sieli amún su mmla sɔ'n i bo'n, wuun amun ´nyan muae. Sɛ muae sɔ'n ti jenvie'n, wuun n ´se kɛ ɔ ´bo gua cenje'n su tititi.

Zeremi 44:4

N sunmannin min sufuɛ'm be kwlaa bɔ be ti min nuan ijɔfuɛ mun bé wun. M'an yaci-man be sunmanlɛ le. N yoli man be seli be kɛ: tete sa'n ɔ ti min ciliɛ, nán amun yo be.

Matthieu 23:37

«Ɔo Zerizalɛmfuɛ mun! Zerizalɛmfuɛ'm bɔ an kun Nyanmiɛn nuan ijɔfuɛ mun'n, bɔ an fin be nga be sunman be amún sin'n be yɛbuɛ'n, blɛ sunman n klo kɛ n ´flɛ amun kɛ akɔ ta kun flɛ i mma mun b'ɔ utu be su'n sa, sanngɛ amu'an kplin-man su!

JÉSUS-CHRIST I DYASIN FE'N BO LUC KLELI'N 11:28

Jésus a kplin-man su, nan ɔ'a se kɛ: «Se kɛ, sran ng'ɔ tie Nyanmiɛn ndɛ'n b'ɔ fa su'n, i liɛ su ti ye!»

JÉSUS-CHRIST I DYASIN FE'N BO LUC KLELI'N 19:42

ɔ seli kɛ: «Sɛ ɔ ti kɛ ndɛ an si like nga be man amun alaje'n! Sanngɛ julɛ nga ɔ'a ju yɛ'n, an su wun-mɛn i wlɛ kun.

Jean 15:14

Sɛ an fa min ndɛ'n su'n, an ti n janvuɛ.

2 Korɛntfuɛ Mun 5:20

Ɔ man e ti Krist i ja nun jranfuɛ, ndɛ nga Nyanmiɛn klo kɛ ɔ ´kan kle amun'n, i bɔbɔ fa wla é nuan, ɔ man e ´srɛ amun Krist dunman nun, man Nyanmiɛn siesie amun nin i bɔbɔ amun afiɛn.

2 Korɛntfuɛ Mun 6:1

I sɔ'n ti'n, e bɔ e nin Nyanmiɛn e di junman kun'n, e ´srɛ amun, nán man ye nga Nyanmiɛn yoli amun'n ɔ yo ngbɛn,

Efɛzfuɛ Mun 6:3

«Ɔ wun jɔ wɔ fɔuun, a ´cɛ .»

Mmla'n 10:12

?Izraɛlfuɛ mun, like nga Anannganman amun Nyanmiɛn'n waan amun `yo'n yɛlɛ onin? ?Ɔ'a se-man kɛ amun nyin yi i? ?Ɔ'a se-man kɛ amun fɛ i atin su? ?Ɔ'a se-man kɛ amun klo i? ?Ɔ'a se-man kɛ amun su i nan amun fa amun wla kwlaa'n guɛ i su nan amun akunndan'n kwlaa trɛn i su?

Mmla'n 10:20

Amun `nyin yi Anannganman amun Nyanmiɛn'n, amun `su i, amun `fa amún wun `mɛntɛn i. Amun `fɛ i dunman yɛ amun fa ta nda-a.

Mmla'n 11:1

Amun `klo Anannganman amun Nyanmiɛn'n, amun `fɛ i mmla fanunfanun'm be kwlaa bé su tititi.

Mmla'n 12:25

Sɛ amun waan amun nin amun osu nunfuɛ amun wun jɔ amun fɔuun nán amun di mmoja. Amun `yo sa ng'ɔ ti kpa Anannganman nyrun'n.

Mmla'n 12:28

Amun `tie ndɛ nga n ´kan kle amun yɛ'n kpa, amun `fa sie nan amun nin amun osu nunfuɛ mun amun wun jɔ amun fɔuun tititi. Afin sɛ amun yo i sɔ'n, wuun amu'an yo sa kpa ng'ɔ nin Anannganman amun Nyanmiɛn'n i nyrun fata'n.

Mmla'n 19:13

Nán amun si i sɔfuɛ'n i aunnvuɛ. Sran nga i wiengu ɔ'a yo-man sa, b'ɔ kun i'n, amun `kun i wie man ɔ tu Izraɛl mɛn'n nun, nan amu'an di alaje.

Mmla'n 22:7

Sɛ ɔ waan a fɛ i mma mun'n, a ko fa be sanngɛ yaci be nin'n i nun man ɔ wɔ. Sɛ a yo sɔ'n, ɔ wun ɔ ´jɔ wɔ fɔuun yɛ ɔ nguan nyanman'n ɔ ´yo tɛnndɛn.

Mmla'n 4:10

Nán amún wla fi cɛn nga amun jrannin Anannganman amun Nyanmiɛn'n i nyrun Orɛb lɔ'n i su. Ɔ seli min kɛ: «Flɛflɛ sran mun man be bla min wun wa. N ´kan ndɛ kle be nan be nyin ɔ'a yi min titi kɛ be o Kanaan asiɛ'n su wa'n. Be kusu ndɛ nga n kan'n, ɔ fata kɛ be fa kle be osu nunfuɛ mun.»

Mmla'n 4:2

Ndɛ nga n fa sie amun nyrun'n, nán amun kpɛ wie gua nun, nán amun yi wie ase. Sanngɛ amun `nian Anannganman amun Nyanmiɛn'n i nuan ndɛ nga n fa sie amun nyrun'n su.

Mmla'n 4:40

Ɔ man i mmla nin i ndɛ bɔ n ´fa man amun yɛ'n, amun `fa bé su. I liɛ'n, amun nin amun osu nunfuɛ nga be wa jaso su'n, amun ´nyan ye, yɛ amun nguan nyanman'n ɔ ´yo tɛnndɛn mɛn nga Anannganman amun Nyanmiɛn'n ɔ'a fa man amun mlɔnmlɔn'n i nun.

Mmla'n 5:16

Bu ɔ́ si nin ɔ́ nin be sran kɛ min Anannganman ɔ Nyanmiɛn'n n kan kleli wɔ'n sa, nan ɔ nguan nyanman'n ɔ'a yo tɛnndɛn nan ɔ wun ɔ'a jɔ wɔ fɔuun mɛn nga min Anannganman ɔ Nyanmiɛn'n fa man wɔ'n i nun'n ti.

Mmla'n 5:30

Kɔ ko se be kɛ be `sa be sin be tannin sua'm be nun.

Mmla'n 5:33

Amun `fa atin nga Anannganman amun Nyanmiɛn'n kleli amun'n su seiin nan amu'an wu-man, nan amun wun ɔ'a jɔ amun fɔuun, nan amun nguan nyanman'n ɔ'a yo tɛnndɛn mɛn nga amun wa fa'n nun.»

Mmla'n 6:17

Amun `fa Anannganman amun Nyanmiɛn'n i ndɛ nin i mmla fanunfanun ng'ɔ fa mannin amun'n bé su kpa.

Mmla'n 6:18

Amun yo sa kpa'n. Amun `yo like ng'ɔ yo Anannganman fɛ'n nan amun wun a jɔ amun fɔuun, nan amu'an kwla fa mɛn klanman ng'ɔ tali amun nannan'm be nda kɛ ɔ ´fa man amun'n.

Mmla'n 6:3

Izraɛlfuɛ mun, amun `fa amun su sie mmla sɔ'm be su nan amun `fa bé su. I liɛ'n, amun wun ´jɔ amun fɔuun, kpɛkuun amun ´trɛ dan kɛ Anannganman amun Nyanmiɛn'n kannin'n sa. Ɔ seli amun kɛ mɛn ng'ɔ ´fa man amun'n, i asiɛ'n ɔ ´yo like ye kpa, yɛ i kunngba'n ɔ ti nnɛn tawlɛ klanman.

Mmla'n 8:6

Amun `fa Anannganman amun Nyanmiɛn'n i ndɛ'm be sie. Amun `fɛ i atin'n su, yɛ amún nyin `yi i.

Hébreu 12:25

An `nian amún wun kpa, nán an kpalo ndɛ nga be kan kle amun'n. Be nga be kpaloli sran ng'ɔ kan ndɛ kleli be asiɛ'n su wa'n i ndɛ'n, b'a fite-man nun. Sɛ e kusu e kaci e sin si sran ng'ɔ o nyanmiɛn su lɔ b'ɔ kan ndɛ kle ye'n, e su fite-man nun mlɔnmlɔn.

Jacques 1:25

Sanngɛ Nyanmiɛn mmla'n b'ɔ ti niannun kpa'n, b'ɔ man sran'm be nyan bé ti'n, sran ng'ɔ nian nun'n, b'ɔ nian nun tititi'n, bɔ kɛ ɔ ti mmla'n i wla fi-man sanngɛ ɔ fa su'n, Nyanmiɛn man like ng'ɔ yo'n ɔ ´yo ye.

Sa nglô yile 22:14

Be nga be kpuli be tralɛ'n, b'ɔ man be kwla di waka ng'ɔ man nguan'n i mma'n, bɔ be kwla sin klɔ'n i anuan nun'n, be liɛ su ti ye !

Rit I Wun Ndɛ 3:1

Be o lɛ cɛn kun kpɛkuun Naomi seli Rit kɛ: «Mín wa, kɛ ɔ ko yo nan cɛn wie ɔ́ wla ɔ'a gua ase'n , i wun atin yɛ n su wa kunndɛ-ɔ.