Mmla'n 5:14 - NYANMIƐN NDƐ'N 1998

¹⁴ Sanngɛ cɛn ba'n i nso sufuɛ'n, ɔ ti min Anannganman ɔ Nyanmiɛn'n min wunmiɛn-delɛ-cɛn. Nán di junman fi cɛn sɔ'n nun. Sɛ wɔ o, sɛ ɔ́ wa yasua o, ɔ́ wa bla o, ɔ́ sa nun junman difuɛ yasua o, ɔ́ sa nun junman difuɛ bla o, ɔ nannin o, wɔ aflunmun o, ɔ nnɛn'm be kwlaa o, aofuɛ ng'ɔ tran wɔ awlo o, nán amun wie fi di junman cɛn sɔ'n nun mlɔnmlɔn. Man ɔ sa nun junman difuɛ, sɛ bla o, sɛ yasua o, be de wunmiɛn kɛ ɔ bɔbɔ sa.

Mmla'n 5:14 ပူးပေါင်းရင်းမြစ်များ

Bo Bolɛ 2:2

Kɛ cɛn nso'n ´ju'n, wuun Nyanmiɛn ɔ'a wie junman'n kwlakwla di. Ɔ man cɛn nso su'n ɔ deli wunmiɛn .

Neemi 13:15

Blɛ kunngba sɔ nun'n, n wunnin kɛ Zida nvle nun sran wie'm be cuɛn be vinyi mma i nzue'n yɛ be sua be ble'n wunmiɛn-delɛ-cɛn'n nun. Wie'm be fa aflunmun'm be sua nzan nin vinyi mma, nin figie mma, annzɛ trɔ uflɛ. Be fa ba Zerizalɛm wunmiɛn-delɛ-cɛn'n nun. Cɛn nga be ´yo be ninnge'm be atɛ sɔ'n, n ijɔli be.

Neemi 13:16

Tirfuɛ nga be tran Zerizalɛm'n be kusu, be fa jue annzɛ aata ninnge uflɛ mun ba, be yo be atɛ wunmiɛn-delɛ-cɛn'n nun Zidafuɛ'm bé sa nun Zerizalɛm lɛ.

Neemi 13:21

N ijɔli be kpa. Yɛ n usali be kɛ: «?Ɔ yo sɛ ti yɛ amun la talɛ'n sin-ɔn? Sɛ amun yo i sɔ ekun'n, n ´yo man be tra amun.» Kɛ ɔ fɛ lɛ'n, b'a ba-man wunmiɛn-delɛ-cɛn'n nun kun.

Neemi 5:5

Kusu wuun e nin e niaan mun e kwlakwla e ti mmoja kun. E mma mun nin be liɛ'm be ti kun'n, sanngɛ wuun ɔ fata kɛ e mma'm be yo kanga. E wa bla wie'm be o kanga'n nun kɛ e ´se yɛ'n bɔbɔ. E lɛ-mɛn i yowlɛ uflɛ, afin e fie nin e vinyi'm be ti sran uflɛ liɛ.»

Ezipt Lɔ Tulɛ'n 23:12

Fa cɛn ba nsiɛn fa di ɔ junman mun. Sanngɛ cɛn'n i nso su'n, ɔ ti wunmiɛn-delɛ-cɛn. Nán di junman, kɛ ɔ ´yo nan ɔ nannin mun, nin aflunmun mun, nin ɔ sa nun junman difuɛ mun, ɔ nin aofuɛ'm b'a kwla de wunmiɛn'n ti.

Saun Yolɛ 23:3

Le mɔcuɛ kun nun amun `fa cɛn ba nsiɛn be `di junman. I cɛn ba nso'n su'n, ɔ ti wunmiɛn-delɛ-cɛn, amun fa be `yia min dunman nun. Kan kwlaa bɔ amun wo'n, i sɔ wunmiɛn-delɛ-cɛn liɛ nun'n, nán man amun di junman, amun `fɛ i sɔ cɛn liɛ'n be man min.»

Marc 2:27

I sin Jésus seli be ekun kɛ: «Be sie wunmiɛn-delɛ-cɛn'n mannin sran, nán wunmiɛn-delɛ-cɛn'n ti yɛ sran o lɛ-ɔ .»

JÉSUS-CHRIST I DYASIN FE'N BO LUC KLELI'N 23:56

Kɛ be sali bé sin'n, be ko yoli ayre fannin nin nyanngo. Yɛ wunmiɛn-delɛ-cɛn nun'n, be trannin ase deli wunmiɛn, afin kɛ ɔ ti sɔ be mmla'n nun-ɔn .

Mmla'n 5:13

Fa cɛn ba nsiɛn di junman. Junman kwlakwla nga a ko di'n, di i cɛn nsiɛn sɔ'n nun.

Hébreu 4:4

Afin be klɛli cɛn ba nso su'n i ndɛ Nyanmiɛn Ndɛ'n nun lika wie kɛ: «Kɛ Nyanmiɛn dili junman lele'n, i le nso su'n ɔ deli wunmiɛn .»