Mmla'n 5:10 - NYANMIƐN NDƐ'N 1998

¹⁰ Sanngɛ sran nga be klo min'n, bɔ be fa min mmla'm bé su'n, n ´klo be lele n fa wlu be anunman'm be mma liɛ'm be nun lele fa ju be akpasua akpi su.

Mmla'n 5:10 ပူးပေါင်းရင်းမြစ်များ

Jue Mun 103:17

Sanngɛ Anannganman yo be bɔ bé nyin yi i'n be ye tititi, nán ndɛ sa yɛ ɔ sɔtɔ i sɔ yolɛ-ɔ. Yɛ ɔ yo sa ng'ɔ ti i nuan su'n man be mma mun nin be klun ba liɛ mun .

Ezipt Lɔ Tulɛ'n 20:5

Nán koto bé bo, nán su be, afin n ti Anannganman ɔ Nyanmiɛn yɛ n si kwla. Sɛ sran kun jaso mín wun'n, n tu i fɔ, n tu i nin i mma mun be fɔ lele n fa wlu i anunman'm be mma liɛ'm be nun.

Ezipt Lɔ Tulɛ'n 34:7

N yi min aklunye'n i nglo sran'm be lika lele n fa wlu be anunman'm be anunman liɛ'm be nun lele ju be akpasua akpi su. N yaci bé sa tɛ mun, nin bé nyin kekle, ɔ nin be fɔnlɛ mun n cɛ be. Sanngɛ sran ng'ɔ yo sa tɛ'n, n se-mɛn kɛ ɔ'a yo-man like fi. N tu siɛ'm be fɔ lele fa wlu be mma nin be anunman'm be nun, kpɛkuun ɔ wlu be anunman siansian'm be nun.»

Zeremi 32:18

Osu nga ɔ waan a ´di i nɛnnɛn'n, a di i lele ɔ ju i akpasua akpi su. Sɛ kusu siɛ'm be yoli sa tɛ'n, a yo man be mma nga be jaso su'n be fɛ i su afɛ'n. Wɔ yɛ a ti Nyanmiɛn kpli ng'ɔ ti dan bɔ be flɛ i kɛ Anannganman b'ɔ sie mɛn wunmuan nin-ɔn.

Daniɛl 9:4

N srɛli Anannganman min Nyanmiɛn'n, yɛ n kannin e sa tɛ nga e yoli mun n kleli i, n seli kɛ yoo: ‹Anannganman, Nyanmiɛn b'ɔ ti dan yɛ b'ɔ yo sro'n, sran nga be fa ɔ mmla'm be su'n, aenguɛ nga a nin be tra'n ɔ ka lɛ titi. A nin be nga be klo wɔ'n be o nun titi.

Kalɛ 14:18

‹N ti Anannganman, n ti amlin difuɛ, yɛ min klun ti ufue kpa liɛ su. N di sa nga be yo min'n nin nyin kekle nga be yo i min su'n bé wun amlin. N jran-man sa tɛ yofuɛ'n i sin, n se-man kɛ ɔ'a yo-man sa tɛ. Kɛ sran kun yo sa tɛ'n n tu i fɔ lele fa wlu i anunman sian nin i anunman siansian'm be nun .›

Jean 14:15

«Sɛ an klo min'n, amun ´fa min ndɛ'n su.

Jean 15:14

Sɛ an fa min ndɛ'n su'n, an ti n janvuɛ.

Rɔmfuɛ Mun 8:28

E si kɛ sa kwlaa nga b'ɔ ju'n, e bɔ e klo Nyanmiɛn b'ɔ flɛli e yɛlɛ kɛ ɔ bu ye akunndan sieli laa'n, e kpa yolɛ ti yɛ ɔ man sa sɔ'm be yo-ɔ.

Galasifuɛ Mun 5:6

Kɛ e nin Krist-Jésus y'a kaci sran wunmuan'n, sɛ e wla klɛn o, sɛ y'a wla-man klɛn o, nɛ́n i li yɛ be nian-an, sanngɛ klolɛ bɔ e fa klo sran nin Nyanmiɛn'n i su bɔ e lafi'n i li yɛ be nian-an.

Mmla'n 4:40

Ɔ man i mmla nin i ndɛ bɔ n ´fa man amun yɛ'n, amun `fa bé su. I liɛ'n, amun nin amun osu nunfuɛ nga be wa jaso su'n, amun ´nyan ye, yɛ amun nguan nyanman'n ɔ ´yo tɛnndɛn mɛn nga Anannganman amun Nyanmiɛn'n ɔ'a fa man amun mlɔnmlɔn'n i nun.

Mmla'n 7:12

Sɛ amun fa amún su sie mmla sɔ'm bé bo nan amun nian be su, nan amun fa bé su'n, Anannganman kusu ɔ ´nian aenguɛ ng'ɔ nin amún si'm be trali'n su, yɛ ɔ ´yo amun ye, afin ɔ tali be nda.

Mmla'n 7:9

I sɔ'n ti, amun `si kɛ Anannganman amun Nyanmiɛn'n yɛ ɔ ti Nyanmiɛn nin-ɔn. Nyanmiɛn sɔ'n ɔ ti nanwlɛfuɛ, ɔ nin sran mun tra aenguɛ. Sɛ be klo i nan be fɛ i mmla'm be su'n, i kusu ɔ nian aenguɛ ng'ɔ nin be trali'n su yɛ ɔ si be aunnvuɛ lele fa wlu be anunman'm be mma liɛ'm be nun lele ju be akpasua akpi su.

Jacques 1:25

Sanngɛ Nyanmiɛn mmla'n b'ɔ ti niannun kpa'n, b'ɔ man sran'm be nyan bé ti'n, sran ng'ɔ nian nun'n, b'ɔ nian nun tititi'n, bɔ kɛ ɔ ti mmla'n i wla fi-man sanngɛ ɔ fa su'n, Nyanmiɛn man like ng'ɔ yo'n ɔ ´yo ye.

Zozie 22:5

Sanngɛ amun `fa mmla nga Moiz b'ɔ ti Anannganman i sufuɛ'n, fa mannin amun'n i kwlaa su: amun `klo Anannganman b'ɔ ti amun Nyanmiɛn'n, amun `fɛ i atin'n su, amun `niɛn i ndɛ'm be su, amun `fa bé wun mɛntɛn i, amun `nian nun be su i kpa kɛ ɔ fata'n sa.»

1 Jean 1:7

Sɛ sa nga e yo'n e yo i weinwein kɛ i bɔbɔ yo sa weinwein sa'n, e nin amun di anuansɛ, yɛ i Wa Jésus i mmoja'n man é wun sa tɛ kwlaa ´wie.