Mmla'n 4:46 - NYANMIƐN NDƐ'N 1998

⁴⁶ Kɛ ɔ ´fa sie be nyrun sɔ'n, wuun be o Zurdɛn'n i bue kun ng'ɔ o Baal-Pɛɔr i nyrun ndɛnman lɛ'n i su. Lika sɔ'n wo Amɔrfuɛ'm be famiɛn nga be flɛ i Siɔn b'ɔ tran Ɛsbɔn'n i mɛn'n nun. Kɛ Moiz nin Izraɛlfuɛ'm be fin Ezipt lɔ bali'n, be kwlali famiɛn sɔ'n.

Mmla'n 4:46 ပူးပေါင်းရင်းမြစ်များ

Neemi 9:22

A fali mɛn nin nvle mun mannin be. Be fali mɛn nga be mantan be lɛ'n mun. Siɔn b'ɔ ti Ɛsbɔn famiɛn'n i mɛn'n, ɔ nin Ɔg b'ɔ ti Bazan famiɛn'n i mɛn'n.

Kalɛ 21:35

Izraɛlfuɛ'm be kwlali Ɔg nin i bo mma mun, ɔ nin i alɛ kunfuɛ'm be kwlaa. B'a yaci-man ba kun sa nun, be fɛli i mɛn'n.

Kalɛ 32:19

E su fa-man asiɛ bé wun lɔ Zurdɛn'n i sin lɔ bue liɛ'n su annzɛ be sin mmua lɔ, afin e asiɛ liɛ'n yɛlɛ ng'ɔ o Zurdɛn'n i wia afiliɛ bue liɛ'n su wa yɛ'n.»

Mmla'n 1:1

Kɛ Izraɛlfuɛ'm be tɛ o Zurdɛn'n i bue kun lɔ aawlɛ flɛnnɛn'n nun lɔ lika kpɛtɛkplɛɛ ng'ɔ mantan Zif klɔ'n lɛ'n, Moiz kan ndɛ kleli be kwlakwla. Ndɛ sɔ mun yɛ be o fluwa nga nun-ɔn. Kɛ ɔ ´kɛn i sɔ'n, wuun be o Paran, nin Tɔfɛl, nin Laban, nin Azerɔt, ɔ nin Di-zaab be afiɛn'n nun.

Mmla'n 3:29

Kɛ ɔ yoli sɔ'n, e kali kongo nun lɛ Bɛt-Pɛɔr klɔ'n i nyrun lɛ.

Mmla'n 3:8

Ɔ man i blɛ sɔ nun'n, e fali Amɔr famiɛn nnyɔn'm be lika'm be sa nun. Be tran Zurdɛn'n i wia afiliɛ lɔ Arnɔn nzue ba'n nin Ɛrmɔn oka'n be afiɛn lɛ.

Mmla'n 34:6

Nan Anannganman ɔ'a sie i Moab lɔ kongo'n kun nun Bɛt-Pɛɔr ndɛnman lɛ. Sran fi ɔ'a wun-mɛn i asieliɛ'n lele ndɛ.

Mmla'n 4:45

Mmla'n nin atin klelɛ mmla mun, ɔ nin sa'm be nuan su yolɛ mmla mun, Moiz fa be sieli Izraɛlfuɛ'm be nyrun kɛ be fin Ezipt lɔ bali'n.

Mmla'n 4:47

Be fɛli i lika'n. Be fali Ɔg b'ɔ ti Bazan'n i famiɛn'n i lika liɛ'n kusu wie. Amɔrfuɛ'm be famiɛn nnyɔn sɔ'm be o Zurdɛn'n sin lɔ wia afiliɛ lɔ lika'n nun laa.

Zozie 12:1

Izraɛlfuɛ'm be dun mmua kwlali famiɛn nnyɔn nga be o Zurdɛn i lika ng'ɔ kpɛ wia afiliɛ lɔ'n nun. Be fali be mɛn'n b'ɔ fɛ i Arnɔn nzue ba nuan lɔ lele fa ju Ɛrmɔn oka'm bo lɔ'n. Zurdɛn i lika ng'ɔ kpɛ wia afiliɛ lɔ'n wo nun.

Zozie 24:12

N sunmannin abɔn dandan mun amun nyrun, be fuannin be kɛ be fa fuannin Amɔr famiɛn nnyɔn mun'n sa. Nán amun tokofi annzɛ amun cua mun yɛ be man amun kwlali-ɔ .