Mmla'n 4:40 - NYANMIƐN NDƐ'N 1998

⁴⁰ Ɔ man i mmla nin i ndɛ bɔ n ´fa man amun yɛ'n, amun `fa bé su. I liɛ'n, amun nin amun osu nunfuɛ nga be wa jaso su'n, amun ´nyan ye, yɛ amun nguan nyanman'n ɔ ´yo tɛnndɛn mɛn nga Anannganman amun Nyanmiɛn'n ɔ'a fa man amun mlɔnmlɔn'n i nun.

Mmla'n 4:40 ပူးပေါင်းရင်းမြစ်များ

Jue Mun 105:45

I waan ɔ ´yo sɔ nan be di i nuan ndɛ'm bé su, nan be niɛn i mmla ng'ɔ fa mannin be'n bé su be nanti. An `manman Anannganman!

Ezipt Lɔ Tulɛ'n 20:12

Bu ɔ́ si nin ɔ nin be sran, kɛ ɔ ´yo nan ɔ nguan nyanman'n ɔ'a yo tɛnndɛn mɛn nga min Anannganman Nyanmiɛn n fa man wɔ'n i nun'n ti .

Ezipt Lɔ Tulɛ'n 23:26

Amun mɛn'n nun lɔ'n, be su wun-man bla kun kɛ ɔ'a kpɔ kuɛ annzɛ bla kun b'ɔ ti klun kpanfuɛ-ɔ. N ´yo man amun nguan nyanman'n ´yo tɛnndɛn.

Akunndanfuɛ'n 8:12

Kannzɛ bɔ sa tɛ yofuɛ'n ɔ yo sa tɛ'n lele kpɛ ya, nan i nguan'n i sin ɔ'a kpɛ-man'n, sanngɛ n si kɛ be nga be nyin yi Nyanmiɛn'n be liɛ be lɛ muae .

Ezai 65:20

Be su wun-man kɛ bakan ɔ ´wu i kaan nun lɔ kun, yɛ sran kpɛnngbɛn b'ɔ yo-man oke kɔ-man mmua b'ɔ wu'n, be su wun-mɛn i sɔ lɔ kun. Afin sɛ sran kun ´wu nan ɔ lɛ afuɛ ya'n, wuun be flɛ kɛ ɔ tɛ yo gbanflɛn annzɛ talua. Sran nga ɔ'a di-man afuɛ ya nan ɔ wu'n, wuun be se kɛ b'a bo i sannzan ti-ɔ.

Zeremi 35:18

Zeremi seli Rekab awlofuɛ'm be kɛ Anannganman b'ɔ sie mɛn wunmuan'n b'ɔ ti Izraɛl Nyanmiɛn'n wan yoo: «Kɛ ɔ ´yo bɔ amun fali ndɛ nga amun nannan Zɔnadab kannin'n su'n, bɔ an niannin i kwlakwla su yoli'n

Zeremi 7:23

Ndɛ nga n fa sieli be nyrun'n yɛlɛ kɛ: sɛ an tie mín nuan ndɛ'n, n ´yo amun Nyanmiɛn, amun kusu amun ´yo min sran mun. An `nian atin nga n `kle amun'n cɛ be `fa su nan amu'an di alaje.

Zeremi 7:7

i liɛ n ´yaci amun lika nga nun wa. N ´yaci amun mɛn nga n fa mannin amun nannan mun b'ɔ ti amun liɛ titi'n i nun.

Saun Yolɛ 22:31

Min mmla nga n fa be mannin amun lɛ'n, amun `nian bé su kpa. Min yɛ n ti Anannganman nin-ɔn.

Kalɛ 10:29

Moiz kannin ndɛ kleli Ɔbab b'ɔ ti Moiz i sia Reiɛl i wa yasua'n. Reiɛl ti Madianfuɛ. Moiz seli Ɔbab kɛ yoo: «Lika nga bɔ Anannganman seli kɛ ɔ ´fa man ye'n, i nun yɛ e su kɔ lɛ. Bla man e wɔ, e ´yo wɔ kpa, afin Anannganman kannin kɛ ɔ wa yo Izraɛlfuɛ'm be kpa.»

Jean 14:15

«Sɛ an klo min'n, amun ´fa min ndɛ'n su.

Efɛzfuɛ Mun 6:3

«Ɔ wun jɔ wɔ fɔuun, a ´cɛ .»

Mmla'n 11:9

Amun `fa ndɛ sɔ'n be sie, nan amu'an cɛ mɛn nga Anannganman tali nda kɛ ɔ ´fa man amun nannan'm be nin be osu nunfuɛ mun'n nun. Mɛn sɔ'n i asiɛ'n ɔ yo like ye kpa. I kunngba'n ɔ ti nnɛn tawlɛ klanman.

Mmla'n 12:25

Sɛ amun waan amun nin amun osu nunfuɛ amun wun jɔ amun fɔuun nán amun di mmoja. Amun `yo sa ng'ɔ ti kpa Anannganman nyrun'n.

Mmla'n 12:28

Amun `tie ndɛ nga n ´kan kle amun yɛ'n kpa, amun `fa sie nan amun nin amun osu nunfuɛ mun amun wun jɔ amun fɔuun tititi. Afin sɛ amun yo i sɔ'n, wuun amu'an yo sa kpa ng'ɔ nin Anannganman amun Nyanmiɛn'n i nyrun fata'n.

Mmla'n 22:7

Sɛ ɔ waan a fɛ i mma mun'n, a ko fa be sanngɛ yaci be nin'n i nun man ɔ wɔ. Sɛ a yo sɔ'n, ɔ wun ɔ ´jɔ wɔ fɔuun yɛ ɔ nguan nyanman'n ɔ ´yo tɛnndɛn.

Mmla'n 25:15

Man amun jayɛbuɛ'n ɔ yo sɛsɛ, man amun ninnge sunnzunliɛ'n ɔ yo sɛsɛ nan amu'an cɛ asiɛ nga Anannganman amun Nyanmiɛn'n ´fa man amun'n su.

Mmla'n 32:47

Nán ndɛ sɔ'n yo amun nyrun ndɛ finfin, afin i yɛ ɔ´yo man amun ´nyan nguan-an, i yɛ ɔ ´yo man amun ´cɛ mɛn nga amun wa kpɛ Zurdɛn'n amun ´ko fa'n i nun lɔ-ɔ.»

Mmla'n 33:25

Man i klɔ'm be anuan'm be yo blalɛ nin aaba anuan, nan ɔ tran bé sin lɔ fɔun. Ɔ nguan wunmuan'n nun'n, nán man ɔ wunmiɛn'n i su kpɛ.»

Mmla'n 4:1

Siɛn'n, Izraɛlfuɛ mun, amun `tie mmla fanunfanun nga n fa kle amun'n, amun `fa be su. I liɛ, amun ´tran nguan nun, kpɛkuun mɛn nga Anannganman amun nannan'm be Nyanmiɛn'n fa mannin amun'n, amun ´ko fa.

Mmla'n 4:2

Ndɛ nga n fa sie amun nyrun'n, nán amun kpɛ wie gua nun, nán amun yi wie ase. Sanngɛ amun `nian Anannganman amun Nyanmiɛn'n i nuan ndɛ nga n fa sie amun nyrun'n su.

Mmla'n 4:5

Amun si kɛ mmla fanunfanun nga Anannganman min Nyanmiɛn'n fa mannin min'n yɛ n kusu n fa kleli amun-ɔn. Sɛ amun ju mɛn nga amun ´kɔ i falɛ yɛ'n nun lɔ'n, amun `nian be su `fa nanti.

Mmla'n 4:6

Sɛ amun fa bé su nan amun nian bé su fa nanti'n, sɛ nvle kun nga'm be nunfuɛ'm be ti mmla sɔ'm be nun ndɛ mun'n, be ´si kɛ amun ti ngwlɛlɛfuɛ nin akunndanfuɛ mun. Nga be ´se'n yɛlɛ kɛ: «Nvle dan nga i nunfuɛ'm be si ngwlɛlɛ o, be si sa o!»

Mmla'n 5:10

Sanngɛ sran nga be klo min'n, bɔ be fa min mmla'm bé su'n, n ´klo be lele n fa wlu be anunman'm be mma liɛ'm be nun lele fa ju be akpasua akpi su.

Mmla'n 5:16

Bu ɔ́ si nin ɔ́ nin be sran kɛ min Anannganman ɔ Nyanmiɛn'n n kan kleli wɔ'n sa, nan ɔ nguan nyanman'n ɔ'a yo tɛnndɛn nan ɔ wun ɔ'a jɔ wɔ fɔuun mɛn nga min Anannganman ɔ Nyanmiɛn'n fa man wɔ'n i nun'n ti.

Mmla'n 5:29

Sɛ ɔ ti kɛ bé nyin yi min sa titi yɛ be fa mín nuan ndɛ'm be kwlaa su'n, wuun nga, be nin be osu nunfuɛ'm be ´nyan ye sa tititi.

Mmla'n 5:33

Amun `fa atin nga Anannganman amun Nyanmiɛn'n kleli amun'n su seiin nan amu'an wu-man, nan amun wun ɔ'a jɔ amun fɔuun, nan amun nguan nyanman'n ɔ'a yo tɛnndɛn mɛn nga amun wa fa'n nun.»

Mmla'n 6:18

Amun yo sa kpa'n. Amun `yo like ng'ɔ yo Anannganman fɛ'n nan amun wun a jɔ amun fɔuun, nan amu'an kwla fa mɛn klanman ng'ɔ tali amun nannan'm be nda kɛ ɔ ´fa man amun'n.

Mmla'n 6:3

Izraɛlfuɛ mun, amun `fa amun su sie mmla sɔ'm be su nan amun `fa bé su. I liɛ'n, amun wun ´jɔ amun fɔuun, kpɛkuun amun ´trɛ dan kɛ Anannganman amun Nyanmiɛn'n kannin'n sa. Ɔ seli amun kɛ mɛn ng'ɔ ´fa man amun'n, i asiɛ'n ɔ ´yo like ye kpa, yɛ i kunngba'n ɔ ti nnɛn tawlɛ klanman.

1 Timote 4:8

Afin bé wun kpinngbinlɛ'n ɔ ti kpa, sanngɛ bé wun bɔ be fa mantan Nyanmiɛn'n ɔ ti kpa sa'n kwlaa nun trɛ i, ɔ man sɛ be yo sɔ'n, be si kɛ be ´nyan nguan kɛ e o yɛ'n nin blɛ ng'ɔ ba lɔ'n nun.