Mmla'n 4:38 - NYANMIƐN NDƐ'N 1998

³⁸ Ɔ fuannin nvle wie'm be nun sran mun, yɛ ɔ fali be mɛn'n mannin amun kɛ amun tran nun. Amun bɔbɔ amun nyinma ta sa sɔ mun kɛ e se yɛ'n. Nvle sɔ'm be dan tra amun liɛ yɛ be nunfuɛ'm be kekle tra amun.

Mmla'n 4:38 ပူးပေါင်းရင်းမြစ်များ

2 Be Nyoliɛ 20:11

Kalɛ nga be ´fa tannin ye'n yɛlɛ é bo kanlɛ, be su ba kɛ be wa fuan e lika bɔ a fa mannin ye'n nun.

2 Be Nyoliɛ 20:7

?E Nyanmiɛn, nán wɔ yɛ a fuannin mɛn nga nun sran mun Izraɛlfuɛ'm bɔ be ti ɔ nvle'n nun sran'n be nyrun nin-ɔn? ?Nán wɔ yɛ a fali mɛn nga mannin ɔ janvuɛ Abraam i osu'n nunfuɛ mun nin-ɔn?

Kalɛ 32:4

lika nga Anannganman yoli man Izraɛlfuɛ'm be nyɛnnin i'n nun. Lika bɔ klɔ sɔ'm be o su'n, sɛ be ta nnɛn nun-ɔn ɔ ´yo kpa, yɛ e kusu e lɛ nnɛn.»

Kalɛ 34:14

Afin Ribɛn i awlo'n, Gad i awlo'n nin Manase i awlo'n i bue b'a nyan be lika liɛ laa.

Kalɛ 34:15

Akpasua nnyɔn nin bue sɔ'm be lika liɛ'n wo Zeriko lika'n nun wia afiliɛ lɔ Zurdɛn'n i bue kun'n su lɔ.»

Mmla'n 11:23

Ɔ ´fuan nvle nga be o amun nyrun lɔ'n i nunfuɛ mun, yɛ amun ko fa nvle bɔ be dandan tra amun liɛ'n bɔ i nunfuɛ'm be kekle tra amun'n.

Mmla'n 2:31

Anannganman seli min kɛ: «Nian, kɛ ɔ fin ndɛ'n, m'an fa Siɔn nin i mɛn'n m'an man amun. An `bo be lika'n i falɛ bo.»

Mmla'n 7:1

Anannganman amun Nyanmiɛn'n ɔ ´fa amun wlu mɛn nga amun wa ko fa'n nun. Ɔ ´kankan nvle nga be o yɛ'n be bo amun nyrun: Ɛtfuɛ, Girgazfuɛ, Amɔrfuɛ, Kanaanfuɛ, Ferezfuɛ, Evfuɛ, yɛ Zɛbisfuɛ mun. Be sɔnnin tra amun, yɛ be lɛ wunmiɛn tra amun.

Mmla'n 8:18

Nán amún wla fi Anannganman amun Nyanmiɛn'n, afin i kunngba cɛ yɛ ɔ kwla man amun wunmiɛn kɛ amun `fa di junman nan amun `nyan like-ɔ. I waan ɔ ´yo i sɔ nan aenguɛ nga ɔ nin amun nannan mun be trali'n ɔ'a taka kɛ ɔ fa taka ndɛ yɛ'n sa.

Zozie 3:10

Amun wa wun i jrɛiin kɛ Nyanmiɛn b'ɔ lafi-man'n, ɔ o amun afiɛn nan ɔ wa fuan Kanaanfuɛ mun, nin Ɛtfuɛ mun, nin Evfuɛ mun, nin Ferezfuɛ mun, nin Girgazfuɛ mun, nin Amɔrfuɛ mun, ɔ nin Zɛbisfuɛ mun amun nyrun sakpa.