Mmla'n 4:35 - NYANMIƐN NDƐ'N 1998

³⁵ I waan amun `wun i sɔ nan amun si kɛ i kunngba cɛ yɛ ɔ ti Nyanmiɛn nan be fa like fi sunnzun i-ɔ ɔ yo-man ye.

Mmla'n 4:35 ပူးပေါင်းရင်းမြစ်များ

2 Samiɛl 22:32

Anannganman kunngba cɛ yɛ ɔ ti Nyanmiɛn-ɔn. E Nyanmiɛn'n i kunngba cɛ yɛ ɔ ti kɛ yɛbuɛ sa, yɛ e talo i-ɔ.

2 Samiɛl 7:22

Nanwlɛ Anannganman Nyanmiɛn, a ti dan. A lɛ-man wunsu. Nyanmiɛn fi nun-man lɛ, san wɔ. Be kan kleli ye sɔ.

1 Famiɛn Mun 8:60

Kɛ ɔ ´yo sɔ'n, asiɛ'n su nvle-nvle'm be nunfuɛ'm be kwlaa be wa wun kɛ Anannganman yɛ ɔ ti Nyanmiɛn nin-ɔn, nan like uflɛ fi nun-mɛn i sin.

2 Famiɛn Mun 19:19

Anannganman e Nyanmiɛn, de ye Sankerib sa nun, man asiɛ'n su famiɛn diwlɛ'm be nunfuɛ'm be kwlaa be si kɛ wɔ Anannganman ɔ kunngba cɛ yɛ a ti Nyanmiɛn nin-ɔn!»

1 Be Nyoliɛ 17:20

Anannganman, a lɛ-man wunsu. Nyanmiɛn fi nun-man lɛ, san wɔ. Be kan kleli ye sɔ.

Jue Mun 100:3

Man amun si kɛ Anannganman yɛ ɔ ti Nyanmiɛn nin-ɔn. I yɛ ɔ yili ye-ɔ, e ti i liɛ. E ti i sran mun, yɛ e ti kɛ i kuku nun nnɛn mun sa .

Jue Mun 58:11

Sran nga Nyanmiɛn bu i sran kpa'n, i klun'n ´jɔ afin ɔ ´wun kɛ Nyanmiɛn ɔ'a tu i klunngbɔ sran wlɛfuɛ'm be su ɔ'a mɛn i. I sɔfuɛ'n be tiatia klunwifuɛ'm be mmoja'n nun.

Jue Mun 83:18

Man bé nyin gua ase, man srɛ kun be sa tititi, man bé wla bo bé wun, man be yo kokloo!

Ezipt Lɔ Tulɛ'n 15:11

?Anannganman, amuɛn'm be nun'n, onin yɛ ɔ ti kɛ wɔ sa-a? ?Wan yɛ ɔ ti kɛ wɔ sa b'ɔ yo-man sa tɛ fi mlɔnmlɔn-ɔn, b'ɔ yo sro-ɔ, b'ɔ nin manmanlɛ fata-a, b'ɔ kwla yo abonuan sa mun kɛ wɔ sa-a?

Ezipt Lɔ Tulɛ'n 8:10

Sran'm be tiantiannin klɛ'm be nuan kwlekwle dandan kpa, yɛ be nvan'n fali mɛn wunmuan'n.

Ezipt Lɔ Tulɛ'n 8:6

Ezipt famiɛn'n tɛli i su kɛ: «Yo i ainman.» Yɛ Moiz waan: «M'an ti, n wa yo kɛ a fa usali'n sa nan a wun kɛ be kwla fa-man sran fi sunnzun-man Anannganman e Nyanmiɛn'n.

Ezipt Lɔ Tulɛ'n 9:14

Afin siɛn liɛ'n, ɔ wa fa nyrɛnnɛn wafa'n kwlaa ɔ ´fa yi wɔ nin ɔ mantanfuɛ mun, ɔ nin ɔ nvle'n nunfuɛ mun amun kwlaa amún su, kɛ ɔ ´yo nan w'a wun kɛ be kwla fa-man sran fi sunnzun-mɛn i asiɛ wunmuan'n su'n ti.

Ezai 43:10

Anannganman waan: «Amun yɛ amun ti min lalofuɛ mun-ɔn. Amun ti min sufuɛ, amun yɛ n kpali amun-ɔn. Kɛ ɔ ´yo nan amu'an lafi min su, nan amu'an ´si sɔ, nan amu'an wun i wlɛ kɛ min yɛ n wo lɛ'n ti. Like fi nun-man min nyrun, like fi nun-man n sin.

Ezai 44:6

Anannganman b'ɔ ti Izraɛl famiɛn'n, b'ɔ kpɔli Izraɛlfuɛ'm bé ti'n, b'ɔ sie mɛn wunmuan'n, i waan: «Min yɛ n ti ninnge'm be kwlaa be klikli'n nin be kasiɛn nin-ɔn. Nyanmiɛn fi nun-man mín sin kun .

Ezai 44:8

Nán srɛ kun amun, yɛ nán amun usu. ?M'an kan-man sa sɔ mun m'an kle-man amun laa? ?M'an bo-man bé su m'an kle-man amun? ?Nyanmiɛn uflɛ o mín sin ekun? Amun ti min lalofuɛ: Yɛbuɛ uflɛ fi nun-man lɛ kun, n si-man wie fi kun.»

Ezai 45:18

Anannganman yili nglo'n. Ɔ siesieli asiɛ'n i wafa'n, kpɛkuun yɛ ɔ yili-ɔ, yɛ ɔ man ɔ yoli cinnjinnjin-ɔn. Ɔ'a yi-mɛn i ngbɛn, ɔ yili kɛ be tran su. Ndɛ ng'ɔ kan'n yɛ: «Min yɛ n ti Anannganman nin-ɔn, uflɛ fi nun-man n sin.

Ezai 45:22

Amun nga amun wo asiɛ'n i mmua lɔ'n, amun `kpɛ amún nyin mín wun wa, yɛ amun ´fite nun! Afin Nyanmiɛn'n yɛlɛ min, uflɛ fi nun-man lɛ kun.

Ezai 45:5

Min yɛ n ti Anannganman nin-ɔn, uflɛ fi nun-man min sin kun, sɛ be san min wun'n, be wun-man Nyanmiɛn uflɛ kun. M mannin wɔ tinmin. I nun sɔ nun'n, wuun a si-man min bɔbɔ.

Marc 12:29

Jésus seli i kɛ: «Nian, i nun dan'n yɛ: Izraɛlfuɛ mun, an `tie, e Min Nyanmiɛn'n i kunngba cɛ yɛ ɔ ti e Min nin-ɔn.

Marc 12:32

Mmla klefuɛ'n seli i kɛ: «Nja, ɔ ti kpa, kɛ a se kɛ Nyanmiɛn ti kunngba yɛ uflɛ nun-mɛn i sin'n, ɔ ti nanwlɛ.

1 Korɛntfuɛ Mun 8:4

I sɔ'n ti'n, nga b'ɔ ti amuɛn nnɛn'n i dilɛ i wun ndɛ liɛ'n, e si kɛ amuɛn'n ti-man like nanwlɛ, yɛ kusu e si kɛ Nyanmiɛn ti kunngba cɛ .

1 Korɛntfuɛ Mun 8:6

sanngɛ e liɛ'n, e Si Nyanmiɛn ti kunngba cɛ. I yɛ ɔ yili like'n kwlaa-a, i ti yɛ e o lɛ-ɔ. Yɛ e Min'n ti kunngba, yɛlɛ Jésus-Krist, i yɛ Nyanmiɛn man ɔ yili like'n kwlaa-a, i dunman nun yɛ man e o lɛ-ɔ .

Mmla'n 32:12

Anannganman kunngba yɛ ɔ dunnin mmua i nyrun-ɔn, amuɛn fi ɔ'a ukɛ-mɛn i.

Mmla'n 32:23

N ´fa sa yalɛ sunman n ´yi bé su. N ´wie min ta mma'n kwlakwla bé wun to.

Mmla'n 32:39

Siɛn'n, amun `nian, m bɔbɔ min kunngba cɛ yɛ n de sran-an ɔ yo ye-ɔ. Like wie fi nun-man lɛ, san min. M bɔbɔ min yɛ n yo man sran wu-ɔ. M bɔbɔ min yɛ n yo man sran nyan nguan-an. M bɔbɔ min yɛ n yo man sa yalɛ nyan sran-an. Min bɔbɔ min yɛ n yo man ɔ jaso i su-ɔ. Sran fi kwla de-man sran kun mín sa nun.

Mmla'n 33:26

Moiz kan guali su kɛ: «Izraɛl , like fi nin ɔ Nyanmiɛn'n be sɛ-man. Ɔ fa nyanmiɛn ble'n yo i nnɛn kpanngɔ, kpɛkuun ɔ fu su, ɔ ba ɔ ukalɛ. Ɔ ba kɛ famiɛn sa.

Mmla'n 4:39

I sɔ'n ti, man amun wun i wlɛ ndɛkɛn, yɛ man ɔ tran amun akunndan nun titi kɛ Anannganman kunngba yɛ ɔ ti Nyanmiɛn nin-ɔn, man amun wun i wlɛ kɛ nyanmiɛn su lɔ o, asiɛ'n su wa o, like fi nin i sɛ-man.

Mmla'n 6:4

Izraɛlfuɛ mun, amun `tie. Anannganman e Nyanmiɛn'n i kunngba cɛ yɛ ɔ ti Anannganman nin-ɔn.

Mmla'n 7:9

I sɔ'n ti, amun `si kɛ Anannganman amun Nyanmiɛn'n yɛ ɔ ti Nyanmiɛn nin-ɔn. Nyanmiɛn sɔ'n ɔ ti nanwlɛfuɛ, ɔ nin sran mun tra aenguɛ. Sɛ be klo i nan be fɛ i mmla'm be su'n, i kusu ɔ nian aenguɛ ng'ɔ nin be trali'n su yɛ ɔ si be aunnvuɛ lele fa wlu be anunman'm be mma liɛ'm be nun lele ju be akpasua akpi su.

1 Samiɛl 2:2

Klɔ sran i nzuɛn'n nin Anannganman i liɛ'n ti-man kun. Nyanmiɛn uflɛ nun-mɛn i sin. Like uflɛ nun-man lɛ b'ɔ kwla sasa ye-ɔ.