Mmla'n 4:31 - NYANMIƐN NDƐ'N 1998

³¹ Afin Anannganman amun Nyanmiɛn'n ti Nyanmiɛn kun b'ɔ si aunnvuɛ dan kpa. Ɔ su yi-man amun ase le. Ɔ su nunnun-man amun le. I wla su fi-man aenguɛ ng'ɔ nin amun nannan mun be trali'n su, ɔ tali su nda.

Mmla'n 4:31 ပူးပေါင်းရင်းမြစ်များ

1 Be Nyoliɛ 28:20

David kɛnnin i ekun kleli i wa Salomɔn kɛ: «Jran kekle, yɛ tra wɔ anwlɛn nan di junman sɔ'n. Nán srɛ kun wɔ, nán ɔ klun titi wɔ, afin Anannganman Nyanmiɛn'n b'ɔ ti min Nyanmiɛn'n ´jran ɔ́ sin. Ɔ su yi-man wɔ ase, ɔ su kpɔci-man wɔ lele yɛ i sua'n i su junman'n ´wie-ɔ.

2 Be Nyoliɛ 30:9

Sɛ amun sa amún sin ba Anannganman wun'n, be nga be wa trali amún niaan mun nin amun mma mun'n, be ´si be aunnvuɛ, yɛ be ´yaci be nun be ´ba mɛn nga nun wa ekun. Afin sɛ amun sa amún sin ba Anannganman amun Nyanmiɛn'n sin'n, ɔ su kaci-mɛn i sin si-man amun, afin i klun ti kpa, yɛ ɔ si aunnvuɛ.»

Neemi 1:5

N seli i kɛ: «Ee! Anannganman, nglo lɔ Nyanmiɛn, Nyanmiɛn Kpli b'ɔ yo sro, wɔ bɔ a nin sran tra aenguɛ-ɔ, a saci-mɛn i'n, wɔ bɔ sran nga be klo wɔ'n, bɔ be fa ɔ mmla'n su'n, a nin be nanti klanman'n,

Neemi 9:31

Sanngɛ wɔ aunnvuɛ silɛ dan'n ti w'a nunnun-man be, w'a yi-man be blo, afin a ti Nyanmiɛn kun b'ɔ si aunnvuɛ yɛ ɔ klun ti ufue.

Jue Mun 103:8

Anannganman klun ti ufue, ɔ si aunnvuɛ. Ɔ fa-man ya ndɛndɛ, i kpa liɛ'n, be flɛ-man .

Jue Mun 105:8

I wla fi-man su kɛ ɔ tali nda. I wla fi-man kɛ akpasua-akpasua akpi nga be ´jaso su'n be ti yɛ ɔ tali nda sɔ'n nin-ɔn.

Jue Mun 111:4

Ɔ klo kɛ be nyin ´kpɛn atrɛ ng'ɔ yi'n bé su. Anannganman yaci sa cɛ, ɔ si aunnvuɛ.

Jue Mun 111:5

Be nga bé nyin yi i'n, ɔ man be like be di. I wla fi-man aenguɛ ng'ɔ nin i fuɛ'm be trali'n .

Jue Mun 111:9

Ɔ wa deli i nvlefuɛ mun. Ɔ nin be trali aenguɛ b'ɔ ´ka lɛ tititi. Ɔ ti Nyanmiɛn kun b'ɔ lɛ-man wunsu, ɔ yo sro.

Jue Mun 116:5

Anannganman yaci sa cɛ, ɔ yo sa i nuan su. E Nyanmiɛn'n si aunnvuɛ.

Jue Mun 86:15

Sanngɛ min Min, ɔ liɛ'n, a ti Nyanmiɛn kun b'ɔ a si aunnvuɛ, a fa-man ya ndɛndɛ. Wɔ aklunye'n ti dan, a ti nanwlɛfuɛ tititi.

Jue Mun 86:5

Afin min Min, ɔ klun ti kpa, a yaci sran wun sa cɛ i. Be nga be kpan flɛ wɔ'n, a yi wɔ aklunye'n i nglo kle be.

Ezipt Lɔ Tulɛ'n 6:8

N ´fa amun n ´kɔ mɛn nga n tali Abraam, nin Izaak, nin Zakɔb be nda kɛ n ´fa man be'n i nun lɔ. M bɔbɔ min Anannganman, n ´fa mɛn sɔ'n ´man amun.› »

Zeremi 14:21

Nian ɔ dunman'n ti nán yo ye finfin. Nán yo ɔ famiɛn bia klanman'n i wannzo. Nán ɔ́ wla fi aenguɛ nga a nin ye trali'n su, nán saci i.

Zeremi 30:11

Anannganman'n kɛnnin i ekun kɛ: «N wo ɔ sin kɛ n ´de wɔ. Mɛn nga n yoli bɔ ɔ mma mun be bo sanndili be nun'n, n ´nunnun be. Ɔ liɛ'n, n nunnun-man wɔ. Sanngɛ sa nga a yoli'n su yɛ n nian n yoli wɔ sa nin-ɔn, afin n yaci cɛ wɔ sɔ-ɔ ɔ yo-man ye.»

Saun Yolɛ 26:42

Kɛ ɔ ko yo sɔ'n, kpɛkuun mín nyin wa kpɛn aenguɛ nga min nin amun nannan Zakɔb, nin Izaak, ɔ nin Abraam e trali'n su. Yɛ like nga n jrannin su kɛ n ´yo man amun mɛn'n, n wla ´kpɛn su ekun.

Saun Yolɛ 26:44

Sanngɛ kusu i blɛ nga be ´fa tran be kwlafuɛ'm be nvle liɛ nun lɔ'n, n su yi-man be ase mlɔnmlɔn, n su kaci-man mín sin n si-man be mlɔnmlɔn, n su nunnun be. Min aenguɛ bɔ e nin be ye tra'n, n su yi-mɛn i ase, afin min yɛ n ti Anannganman be Nyanmiɛn nin-ɔn .

Saun Yolɛ 26:45

Aenguɛ bɔ e nin be nannan mun e trali'n, mín wla ɔ ´kpɛn su yɛ n ´de be. Be nannan mun'n, n fali be Ezipt mɛn'n nun m bali kɛ n ´yo be Nyanmiɛn. Nvle kun nga'm be wunnin nun. Min yɛ n ti Anannganman nin-ɔn.»

Zonas 4:2

Yɛ ɔ srɛli Anannganman-an. Ɔ seli kɛ: «?Ee, Anannganman, nán nga bɔ n wo min mɛn'n nun lɔ n kannin'n cɛ yɛ ɔ o yɛ? I sɔ'n bɔ min waan nán ɔ ju'n i ti yɛ min waan n ´wanndi n kɔ Tarsis nin-ɔn. Afin n si kɛ a ti Nyanmiɛn kun bɔ a ti kpa, a si aunnvuɛ, a fa-man ya finfin, ɔ klun-ufue'n ti dan. Sɛ a gugu kɛ a ´yo sa yaya wie'n, ɔ cɛ-man nan w'a kaci aniɛn .

Mise 7:18

Nanwlɛ, Anannganman, like wie fi nin wɔ sɛ-man. Ɔ mɛn'n nun sran nga b'a wu-man'n, a nian be lika, yɛ kusu sa tɛ nga be yoli'n, a yaci cɛli be. A fa-man ya sie-man ɔ klun, afin a tu ɔ klun a yo klun-ufue.

Kalɛ 14:18

‹N ti Anannganman, n ti amlin difuɛ, yɛ min klun ti ufue kpa liɛ su. N di sa nga be yo min'n nin nyin kekle nga be yo i min su'n bé wun amlin. N jran-man sa tɛ yofuɛ'n i sin, n se-man kɛ ɔ'a yo-man sa tɛ. Kɛ sran kun yo sa tɛ'n n tu i fɔ lele fa wlu i anunman sian nin i anunman siansian'm be nun .›

JÉSUS-CHRIST I DYASIN FE'N BO LUC KLELI'N 1:72

Ɔ si e nannan'm be aunnvuɛ, yɛ i wla o ndɛ b'ɔ kan kleli be'n su.

Mmla'n 31:6

Amun `jran kekle, amun `tra amun anwlɛn. Nán amun usu be nyrun, nán srɛ kun amun afin Anannganman amun Nyanmiɛn'n ɔ nin amun wo nun, ɔ su kpɔci-man amun. Ɔ su yi-man amun ase.»

Mmla'n 31:8

Anannganman bɔbɔ ɔ ´dun ɔ nyrun mmua. Ɔ ´jran ɔ́ sin. Ɔ su kpɔci-man wɔ, ɔ su yi-man wɔ ase. Ɔ man, nán srɛ kun wɔ, nán usu.»

Hébreu 13:5

Like nga amun ´yo'n, nán an yo i sika klolɛ'n ti. Man amún nyin yi like nga an lɛ i'n, afin Nyanmiɛn bɔbɔ seli kɛ: «N su yaci-man wɔ, n su kpɔci-man wɔ mlɔnmlɔn .»

Zozie 1:5

Sran fi su kwla jran-man ɔ nyrun lele san ɔ́ wie. N wa jran ɔ́ sin kɛ n jrannin Moiz i sin'n sa. N su kpɔci-man wɔ le. N ´jran ɔ́ sin titi.