Mmla'n 4:29 - NYANMIƐN NDƐ'N 1998

²⁹ Kpɛkuun amun wa kunndɛ kɛ amun ´mantan Anannganman amun Nyanmiɛn'n. Sɛ amun tu amun klun amun fa amun wun mɛntɛn i kpa'n, yɛ sɛ amun fa amun wla'n kwlaa guɛ i su'n, ɔ ´fɛ i wun ´kle amun.

Mmla'n 4:29 ပူးပေါင်းရင်းမြစ်များ

2 Famiɛn Mun 10:31

Ɔ nin i sɔ ngba'n, Zei ɔ'a nian-man Anannganman b'ɔ ti Izraɛl Nyanmiɛn'n i mmla'n su ɔ'a nanti-man kɛ ɔ fata'n sa. Ɔ'a kaci-mɛn i sin ɔ'a si-man sa tɛ nga Zeroboam yoli bɔ man Izraɛl fɔnnin'n.

2 Famiɛn Mun 23:3

Famiɛn'n jrannin nglo Nyanmiɛn i sua'n i ja mlomlo'n i wun lɛ. Ɔ tali nda Anannganman nyrun kɛ ɔ ´fɛ i mmla fanunfanun'n kwlaa su. Ɔ tali nda ekun kɛ aenguɛ nga Anannganman nin be trali'n, bɔ i wun ndɛ'n wo fluwa nun'n, ɔ ´nian su. Yɛ ɔ kɛnnin i ekun kɛ ɔ ´klo Anannganman kpa, yɛ ɔ ´fɛ i wla'n kwlaa guɛ i su. Sran'm be kwlaa be tali nda sɔ wie.

2 Be Nyoliɛ 15:12

Be tali nda kɛ be ´fa bé wun mantan Anannganman b'ɔ ti be nannan'm be Nyanmiɛn'n kpa. Be tali nda kɛ be fa bé wla'n kwlaa guɛ i su, yɛ be akunndan'n kwlaa ´trɛn i su.

2 Be Nyoliɛ 15:15

Kɛ nda sɔ'n bɔ be tali'n fin be klun lɔ'n ti'n, be klun jɔli dan. Be fali bé wun mantannin Anannganman be klun su yɛ ɔ man ɔ yili i wun nglo kleli be. Yɛ Anannganman man be nga be mantan be lɛ'n, be nin be afiɛn sɛli bue'n kwlaa su.

2 Be Nyoliɛ 15:2

Azaria ko toli Aza-a. Ɔ seli i kɛ: «Nannan Aza, a nin Zidafuɛ mun, nin Bɛnzamɛnfuɛ mun kwlaa, amun `tie, n ´kan ndɛ. Sɛ amun nin Anannganman o nun'n, i kusu nin amun wo nun. Sɛ amun fa amun wun mɛntɛn i'n, ɔ ´yo man amun ´wun i. Sɛ amun kpɔci i'n, ɔ ´kpɔci amun.

2 Be Nyoliɛ 15:4

Be nyrɛnnɛn nun'n, be sali bé sin bali Anannganman b'ɔ ti Izraɛl Nyanmiɛn'n i sin. Be fa bé wun mɛntɛnnin i, ɔ yoli man be wunnin i.

2 Be Nyoliɛ 31:21

Ɔ siesieli Nyanmiɛn i sua'n i ye, ɔ suli sran'm be bo kɛ bé fa Nyanmiɛn i mmla fanunfanun'm be su. Kɛ ɔ ´yo sɔ'n, wuun i bɔbɔ ´miɛn i nyin kɛ ɔ ´mɛntɛn i Nyanmiɛn'n. Ɔ tuli i klun yoli ninnge ng'ɔ yoli be nin i anwlɛn'n kwlaa, yɛ Nyanmiɛn man ninnge sɔ'n be yoli kpa.

Neemi 1:9

sanngɛ sɛ e kaci ajalɛ'n, sɛ e fa ɔ mmla'm be su'n, nan e fa ɔ ndɛ'm be su'n, kannzɛ be tra ye ɔli asiɛ'n i awieliɛ lɔ'n, a ´ko fa ye ba lika nga a kleli kɛ be `bo ɔ dunman lɛ'n nun .

Neemi 9:27

Yɛ ɔ kusu a fali be wlali be kpɔfuɛ'm bé sa nun. Be kleli be yalɛ. Kɛ be ´wun be nyrun'n, be kpan flɛli wɔ. Ɔ kusu a o nyanmiɛn su lɔ a tili. A mannin be defuɛ mun, be deli be be kpɔfuɛ'm bé sa nun.

Jue Mun 119:10

N fa min wun m mantan wɔ mantanlɛ kpa. Nán yaci min lɛ man n san ɔ mmla'n i wun n fa uflɛ.

Jue Mun 119:145

N tu n klun, n kpan flɛ wɔ. Anannganman tɛ min su nan n `fa sa nga ɔ waan be `yo'n i su.

Jue Mun 119:2

Be nga be nian sa ng'ɔ fa sie be nyrun'n su be yo'n, bɔ be tu be klun be kunndɛ i'n, be liɛ su ti ye!

Jue Mun 119:58

N tu n klun srɛ kpa. Si min aunnvuɛ kɛ a kannin'n sa!

Zeremi 3:10

Sanngɛ ɔ nin i sɔ'n ngba'n i niaan bla Zida b'ɔ kunndɛ bian min bo'n, ɔ'a sɛ-mɛn i sin mín wun nanwlɛ su, ɔ kpɛli min gblɛ .» Anannganman'n yɛ ɔ kan sɔ-ɔ.

Zeremi 51:50

Amún nga kusu bɔ b'a nyan-man amun b'a kun-man amun'n, an `wanndi be wɔ, nán an ka amun osu'n nun lɛ. Sanngɛ kan kwlaa bɔ amun wo'n, nán amún wla fi Anannganman'n. Man Zerizalɛm i ndɛ lo amun.»

Ezekiɛl 6:9

Be nga be ka lɛ'n, kɛ be o mɛn nga be ´tra be lomuɛn kɔ nun'n be nun'n, bé wla wa kpɛn min su. Afin be wla ɔ wa kpɛn wafa nga n fa tuli be fɔ'n su be anwlɛn tɛ nga be fa bo tekle bɔ be nin min buli'n ti. Bé wun ´yo be bɔbɔ be tɛ bé sa tɛtɛ nin be tete sa nga be yoli'n be ti.

Zoɛl 2:12

Anannganman wan yoo: «An `sa amun sin bla mín sin. Kɛ ɔ o yɛ'n, i blɛ nian sin-man. Amun `tu amun klun bla, an `ci nglɛmun, an `sun, yɛ an `kpata min.»

Amɔs 5:4

Ndɛ nga Anannganman kan kle Izraɛlfuɛ mun'n yɛ: «Sɛ amun ´wun kɛ amun ´ka nguan nun'n, wuun amu'an mantan min .

Mmla'n 10:12

?Izraɛlfuɛ mun, like nga Anannganman amun Nyanmiɛn'n waan amun `yo'n yɛlɛ onin? ?Ɔ'a se-man kɛ amun nyin yi i? ?Ɔ'a se-man kɛ amun fɛ i atin su? ?Ɔ'a se-man kɛ amun klo i? ?Ɔ'a se-man kɛ amun su i nan amun fa amun wla kwlaa'n guɛ i su nan amun akunndan'n kwlaa trɛn i su?

Mmla'n 11:13

Sɛ sakpa amun fa mmla nga n ´fa man amun ndɛkɛn yɛ'n su'n, nan amun klo Anannganman amun Nyanmiɛn'n, nan amun fa amun wla'n kwlaa guɛ i su, nan amun akunndan'n kwlaa trɛn i su'n,

Mmla'n 26:16

«Mmla fanunfanun bɔ ndɛkɛn Anannganman amun Nyanmiɛn'n ɔ'a fa man amun kɛ amun fa su'n yɛ be o lɛ-ɔ. Amun `fa be sie, amun `fa amún wla'n kwlaa gua su, yɛ man amun akunndan'n kwlaa tran su.

Mmla'n 30:10

Ɔ ´yo i sɔ sɛ amun sa amun sin bɛ i sin o, yɛ sɛ amun fɛ i nuan ndɛ nin i mmla bɔ be ti klɛwa fluwa nga nun'n be su'n. Ɔ ´yo i sɔ sɛ amun fa amun wla'n kwlaa guɛ i su'n, yɛ sɛ amun akunndan'n kwla trɛn i su'n.

Mmla'n 6:5

Amun `klo Anannganman amun Nyanmiɛn'n kpa, amun `fa amún wla'n kwlaa guɛ i su, amun `fa amun wunmiɛn'n kwlaa yo like ng'ɔ kle kɛ amun klo i'n.

Zozie 22:5

Sanngɛ amun `fa mmla nga Moiz b'ɔ ti Anannganman i sufuɛ'n, fa mannin amun'n i kwlaa su: amun `klo Anannganman b'ɔ ti amun Nyanmiɛn'n, amun `fɛ i atin'n su, amun `niɛn i ndɛ'm be su, amun `fa bé wun mɛntɛn i, amun `nian nun be su i kpa kɛ ɔ fata'n sa.»

1 Samiɛl 7:3

Yɛ Samiɛl seli be kɛ: «Sɛ amun klo kɛ amun ´sa amún sin amun ´su Anannganman sakpa'n, amun `gua amuɛn nga amun ko tuli be nvle wie be nun bɔ i wie yɛlɛ Astarte be blo. Amun `fa amún wun mantan Anannganman yɛ amun `su i kunngba, kpɛkuun ɔ wa de amun Filistifuɛ'm bé sa nun.»