Mmla'n 4:28 - NYANMIƐN NDƐ'N 1998

²⁸ Kpɛkuun amun ´sɔ amuɛn bɔ sran yɛ ɔ yili be mun. Amuɛn sɔ'm be ti waka annzɛ yɛbuɛ bɔ be wun-man ase, be ti-man sa, be kwla di-man like, be bue ti-man nvan'n. Amun ´sɔ be mɛn sɔ'm be nun.

Mmla'n 4:28 ပူးပေါင်းရင်းမြစ်များ

2 Famiɛn Mun 17:40

B'a ti-man ndɛ sɔ'n. Like nga be yoli i bo bolɛ nun'n, yɛ be yoli-ɔ.

Ezai 26:14

Sran nga be wu'n, be sa-man bé sin nguan'n nun kun. Sran nga be sin wie nun'n, be jaso-man kun. A bali, a wa nunnunnin be, a yoli man bé wla fili be su mlɔnmlɔnmlɔn.

Ezai 44:11

Be nga be yi ninnge sɔ mun'n, be kwlaa'n be ´wun nyannzuɛn. Be nga be di junman sɔ'n be ti sran. Kannzɛ man be kwlaa be tian bé nuan nan be bla, srɛ ´kun be yɛ nyannzuɛn ´kun be.

Ezai 44:12

Kɛ blalɛ bofuɛ'n ɔ ´bo kpɛliɛ'n, ɔ wlɛ i sin nun. I kunngba nin-ɔn, kɛ ɔ ´yi amuɛn'n kɛ ɔ yo i sɔ-ɔ, i sin ɔ fa marto finfin su. Ɔ fɛ i wunmiɛn'n kwlaa yɛ ɔ fa yo-ɔ. Sanngɛ kɛ awe kun i'n, kpɛkuun ɔ lɛ-man wunmiɛn kun, yɛ sɛ ɔ'a nɔn-man nzue'n, kpɛkuun ɔ su fɛ.

Ezai 44:9

Be nga be yi amuɛn ba mun'n, nán like fi yɛlɛ be. Yɛ be ninnge nga be yi be'n, be ti ninnge ngbɛn-ngbɛn mun. Ninnge sɔ'm be nun'n, nga be waan be ti nanndoliɛ bɔbɔ'n, be kwla fa yo-man sa ye. Be nga be yi amuɛn mun'n, be ti be ninnge sɔ'm be lalofuɛ. Amuɛn sɔ'm be wun-man ase, yɛ be si-man sa fi. I ti'n, nyannzuɛn kun be nga be yi be'n.

Ezai 45:20

Nvle-nvle'm be nunfuɛ mun, amun nga amun kali lɛ'n, amun `tian amun nuan nan amun `bla, amun `wunnge wa likawlɛ. «Be nga be sua be waka sran'n, bɔ be srɛ amuɛn b'ɔ kwla de-man be'n, be sɔfuɛ'm be si-man ngwlɛlɛ.»

Ezai 46:7

Be suɛ i, be suɛ i be wati su, yɛ be fɛ i ko sie kan ɔ ´tran lɛ'n. Lɛ yɛ ɔ ka-a, ɔ tu-mɛn i bo kun, kannzɛ be kpan flɛ i-ɔ ɔ sro-man, ɔ de-man sran fi nyrɛnnɛn nun.

Zeremi 10:3

Nvle kun nga'm be ninnge nga be yo'n ɔ ti finfin like. Be ko kpɛ waka bo nun, ajuin difuɛ'n fɛ i soma'n fa sɛ.

Zeremi 10:5

Ɔ ti kɛ like nga be sie i fie'm be nun be fa wlanwlan anunman mun'n sa. Be ijɔ-man, kusu be nanti-man, sran yɛ ɔ sua be-ɔ. Nán amun sro be. Be yo sran sa-a ɔ yo-man ye. Be yo i sa kpa kusu-ɔ ɔ yo-man ye.»

Zeremi 10:9

Be ko fa jɛtɛ ufue fɛtɛfɛtɛ Tarsis lɔ annzɛ sika ɔkwlɛ nnya Ifaz lɔ. Sika tɔnfuɛ'm be di i wun junman, ajuin difuɛ'm be di i wun junman, kpɛkuun be fa kɛtɛ i wun klanman cɛ. Be yo wie ɔkwlɛ, wie kusu ti ɔkwlɛ srosrowa. I kwlaa ng'ɔ o lɛ'n, ɔ ti ajuin difuɛ'm bé sa nuan like.

Zeremi 16:13

I sɔ'n ti, n ´to amun n ´guɛ i mɛn wie nun. Amun ´kɔ mɛn kun bɔ amún si'm b'a si-mɛn i bɔ amun kusu amun si-mɛn i'n nun. Amun ´su like wie mun lɔ kɔnguɛ nin wia su, afin n su si-man amun aunnvuɛ kun.› »

Ezekiɛl 20:32

«Amun bu i kɛ amun kwla yo kɛ mɛn kun nga'm be nunfuɛ'm be sa nan amun ´kwla sɔ waka mun nin yɛbuɛ mun, atin sin-man lɛ.

Ezekiɛl 20:39

Yɛ amun Izraɛlfuɛ mun, min Anannganman Nyanmiɛn n waan yoo: Amun `wɔ nan sran kun ko sɔ i amuɛn mun, sanngɛ i sin'n amun lɛ-man atin kɛ amún nyin su yi-man min. Amun ´yaci amuɛn'm be like manlɛ bɔ amun fa saci min dunman'n.

Sa nga bé yôli'n 19:26

An wun kɛ Pɔl wlawla sran kpanngban Efɛz klɔ'n su wa, nán wa ngunmin-ɔn, sanngɛ Azi mɛn wunmuan'n nun-ɔn, ɔ man bé ti nun saci. An tili i kɛ ɔ se sran'm be kɛ, like ng'ɔ ti sran sa nuan like'n, ɔ fata-man kɛ be sɔ i.

Sa nga bé yôli'n 7:42

I sɔ'n ti Nyanmiɛn kaci i sin sili be, ɔ yacili be lɛ man be sɔli nyanmiɛn su lɔ ninnge mun. Afin be klɛli i Nyanmiɛn nuan ijɔfuɛ'm be fluwa'n nun kɛ: ‹?Izraɛlfuɛ mun, kɛ an wo aawlɛ flɛnnɛn nun lɔ afuɛ ablanan'n, min yɛ an mannin min nnɛn bɔ an cɛli min like nin-ɔn ?

Mmla'n 28:36

Anannganman ɔ ´yo man amun bɔbɔ nin amun famiɛn nga amun ´fa sie amún su'n, be ´fa amun kɔ nvle kun bɔ amun nannan'm be si-mɛn i laa nan se kɛ amun bɔbɔ'n, i nun. Amun ´sɔ amuɛn bɔ be ti waka annzɛ yɛbuɛ .

Mmla'n 28:64

Anannganman ´fa amun ´sanndi nvle'm be kwlaa be nun kɛ ɔ fɛ i asiɛ'n i bue kun b'ɔ fa ju i bue kun ekun lɔ'n. Kpɛkuun amun wa sɔ amuɛn wie mun bɔ amun nannan'm b'a si-man be nan ´se kɛ amun bɔbɔ'n . Amuɛn sɔ'm be ti waka nin yɛbuɛ.

Mmla'n 29:17

Ɔ man nán amun nun sran kun, yasua annzɛ bla, nán awlo bo fi, nán akpasua fi, ɔ yaci Anannganman e Nyanmiɛn'n ɔ ko su nvle sɔ'm be amuɛn mun. Nán amun nun sran fi yo kɛ waka bɔ i mma'm be ti duwlɛ'n sa.

Sa nglô yile 9:20

Sran nga like sroesroe sɔ'm b'a kun-man be'n, b'a kaci-man be nzuɛn'n, yɛ b'a yaci-man like nga be bɔbɔ be yoli'n be sɔlɛ. Be sɔ mmusu mun, nin amuɛn bɔ be fa sika ɔkwlɛ, nin jɛtɛ ufue, nin aaba, nin yɛbuɛ, nin waka be fa yo be'n. Ninnge nga be yo be sɔ'n be wun-man ase, be ti-man sa, yɛ be kwla nanti-man .

1 Samiɛl 26:19

Nannan, sie ɔ́ su, min waan n kan ndɛ kle wɔ. Sɛ Anannganman yɛ ɔ su ɔ bo kɛ a yo min like'n, man ɔ sɔ tɛ nga n yi mɛn i nun'n, sɛ kusu klɔ sran mun yɛ be wlawla wɔ'n, man Anannganman man nyrɛnnɛn tɔ bé su afin be waan be ´fuan min nan n jaso Anannganman i mɛn'n nun. Be klo kɛ n wɔ n ko sɔ amuɛn mun.