Mmla'n 4:27 - NYANMIƐN NDƐ'N 1998

²⁷ Anannganman ɔ ´yo man amun ´bo sanndi nvle kun nga'm be nun. Amun ´ka kaan sa mɛn nga Anannganman ´fa amun ´kɔ nun sɔ'n i nun lɔ.

Mmla'n 4:27 ပူးပေါင်းရင်းမြစ်များ

Bo Bolɛ 11:4

Be seli kɛ: «An man e kplan klɔ kun nin sua mlomlo kun. Man i sɔ sua liɛ'n i ti'n to nyanmiɛn'n lɔ. E `yo sɔ nan e dunman'n fu nan kusu y'a bo y'a sanndi-man asiɛ wunmuan'n su.»

Bo Bolɛ 34:30

Zakɔb seli Simeɔn nin Levi be kɛ: «Amun man m'an mian. Amun ti man mɛn nga nun sran mun, Kanaanfuɛ nin Ferezfuɛ mun bé nyin wa ci min. Mín sa nun sran'm be ti ba nnyɔn cɛ. Mɛn nga nun sran sɔ'm be wa ju gua mín wun, be ´kwla min, yɛ be ´nunnun min nin min awlofuɛ mun.»

Neemi 1:3

Be seli min kɛ be nga be fin kanga nun ɔli'n be tran Zida akpasua'n su lɔ, yɛ be o nyrɛnnɛn nin nyannzuɛn'n nun. Be seli min ekun kɛ Zerizalɛm klɔ'n kusu i talɛ'n wie ɔ'a bu, yɛ be wɔli i anuan'm be nun.

Jue Mun 106:27

nan be osu'n nunfuɛ'm be bo sanndi nvle kun nga'm be nun yɛ be wu lɔ.

Jue Mun 44:11

Ɔ man e wanndi be nga be nin e kun'n be nyrun, é bo ninnge'n yɛ be bɔ be kpɔ ye'n be fɛn-ɔn.

Jue Mun 44:12

A fa e man be kɛ be di ye kɛ bua nin boli sa, wɔ man y'a bo y'a sanndi nvle-nvle'm be nun.

Ezai 17:6

Ble ja kunngun yɛ ɔ ´ka lɛ-ɔ. Ɔ wa yo kɛ olivie bɔ be fa waka be ti gua'n sa. Sɛ mma nnyɔn o annzɛ sɛ mma nsan o, be ´ka olivie'n i ti'n su lɔ. Yɛ sɛ mma nnan o annzɛ sɛ nnun o, be ´ka i sama'm be su. Ndɛ nga bɔ Anannganman b'ɔ ti Izraɛl Nyanmiɛn'n ɔ kan'n yɛ ɔ o lɛ-ɔ.

Zeremi 16:13

I sɔ'n ti, n ´to amun n ´guɛ i mɛn wie nun. Amun ´kɔ mɛn kun bɔ amún si'm b'a si-mɛn i bɔ amun kusu amun si-mɛn i'n nun. Amun ´su like wie mun lɔ kɔnguɛ nin wia su, afin n su si-man amun aunnvuɛ kun.› »

Ezekiɛl 11:16

I sɔ'n ti se be kɛ: ‹Anannganman Nyanmiɛn'n wan yoo: N yoli man amun bo sanndili mɛnmɛn'm be nun. Blɛ kaan nga amun ´di i lɔ'n, n ´sasa amun kɛ amun wo min sua'n nun sa.›

Ezekiɛl 12:15

Kɛ n ko fa be n ko wɔ nvle nin mɛn uflɛ'm be nun sɔ'n, kpɛkuun be wa si jrɛiin kɛ min yɛ n ti Anannganman nin-ɔn.

Ezekiɛl 20:23

Aawlɛ flɛnnɛn'n nun lɔ'n, m bɔbɔ n kunngba'n n tali nda kɛ n ´yo man be bo sanndi mɛn wie'm bɔ be si-man nun be nun.

Ezekiɛl 22:15

N wa yo man amun bo ´sanndi nvle-nvle'm be nun. Yɛ n ´yo man fiɛn'n ɔ ´wie amun nun.

Ezekiɛl 32:26

Mesɛk nin Tibal famiɛn'm, be nin be sonja'm be yɛ be o yɛ. Be sonja'm be asieliɛ'n be sin yia be. Be kwlaa sɔ'm b'a wla-man be klɛn'n, laa kɛ be nyin o su'n, be wla sran'm be srɛ'n, alɛ'n ɔ dili be.

Daniɛl 9:7

Ɔ liɛ'n, e Min, a yo sa i nuan su titi. Sanngɛ e liɛ'n, ng'ɔ nin ye fata'n, yɛlɛ é wun ase kanlɛ kɛ nga e su yo i ndɛ cɛn nga nun yɛ'n sa. E nga e ti Zerizalɛmfuɛ'm nin Zidafuɛ'n, e ´kan e wun ase. Izraɛlfuɛ nga a kannin be bo guali mɛn wie nun'n be sa tɛ bɔ be yoli wɔ'n ti, sɛ be o koko o, sɛ be o mmua o, be o nun wie.

Ndɛ Nga Nyanmiɛn I Nuan Ijɔfuɛ Oze Kannin'n 9:17

Min Nyanmiɛn ɔ wa yi be man gua, b'a tie-mɛn i nuan nun ndɛ'n ti ɔ wa yi be man gua. Wlan-wlanlɛ finfin'n sa yɛ be wa wlan-wlan mɛn uflɛ'm be nun-ɔn.

Saun Yolɛ 26:33

N ´fa alɛ n yi amún su, yɛ n ´yo man amun bo sanndi mɛn uflɛ'm be nun. N ´nunnun amun klɔ mun, m ´bo amun mɛn'n.

Zakari 7:14

N kannin be bo n guɛli i nvle nga be bɔbɔ be si-man nun laa'n be nun. Be mɛn'n tɔli bliin, sran fi kɔ-man lɔ, yɛ sran fi fin-man lɔ ba-man. Be bɔbɔ be yoli man be mɛn sɔ'n bɔ i nun yo-man fɛ ngowa'n, ɔ kali lɛ ngbɛn.»

Mmla'n 28:36

Anannganman ɔ ´yo man amun bɔbɔ nin amun famiɛn nga amun ´fa sie amún su'n, be ´fa amun kɔ nvle kun bɔ amun nannan'm be si-mɛn i laa nan se kɛ amun bɔbɔ'n, i nun. Amun ´sɔ amuɛn bɔ be ti waka annzɛ yɛbuɛ .

Mmla'n 29:28

Nvialiɛ nun like mun'n, Anannganman e Nyanmiɛn'n i kunngba cɛ yɛ ɔ si be-ɔ. Like nga kusu b'ɔ tikeli bé su kle ye'n, be ti e nin e osu nunfuɛ mun e liɛ tititi kɛ ɔ ´yo nan y'a nanti mmla nga nun ndɛ'm bé su'n ti.

Mmla'n 30:3

Anannganman amun Nyanmiɛn'n kusu ɔ man amun wa jaso kanga nun amun ´ba, ɔ ´si amun aunnvuɛ. Mɛn nga ɔ man amun bo sanndili be nun'n, ɔ ko fa amun lɔ ´ba.

Mmla'n 32:26

N waan wuun n ´nunnun be mlɔnmlɔn nan be dunman'n mlin mɛn'n nun.