Mmla'n 4:25 - NYANMIƐN NDƐ'N 1998

²⁵ Kannzɛ amun cɛ mɛn nga nun wa bɔ amun ´wu ba mun, bɔ amun ´nyan anunman mun'n, sanngɛ nán amun yo like wie b'ɔ ´yo like wie nzɔliɛ b'ɔ ´saci amun-ɔn. Yɛ nán amun yo like fi bɔ Anannganman amun Nyanmiɛn'n ɔ klo-mɛn i b'ɔ fɔkɔ i anwlɛn.

Mmla'n 4:25 ပူးပေါင်းရင်းမြစ်များ

2 Famiɛn Mun 21:2

Ɔ yoli sa ng'ɔ yo-man Anannganman fɛ'n. Nvle nga Anannganman fuannin be nun sran mun b'ɔ fali be lika'n mannin Izraɛl'n, Manase niannin be tete sa nga be yo be'n be su yoli wie.

Jue Mun 78:58

Be klɔklɔli Nyanmiɛn, yɛlɛ kɛ be fali be bɔ be si-man Nyanmiɛn'n be amuɛn sɔwlɛ mun yɛ be yili be sraka'm be nun-ɔn. Be sɔli waka sran mun be fa fɔkɔli i anwlɛn.

Ezipt Lɔ Tulɛ'n 20:4

Nán yo amuɛn fi, nán yo like wie fi b'ɔ fa nglo lɔ like, annzɛ asiɛ'n su wa like, annzɛ b'ɔ fa nzue b'ɔ o asiɛ'n i bo lɔ'n i nun like.

Ezipt Lɔ Tulɛ'n 32:7

Blɛ sɔ nun'n, Anannganman seli Moiz kɛ: «Jra nan kɔ, afin ɔ sran nga a fa be fin Ezipt lɔ bali'n, b'a yo sa tɛ dan.

Ezekiɛl 8:10

N wluli lɔ nan m'an nian lɔ. N ´nian-an, nnɛn nga be cuɛn bé wun ase'n nin nnɛn nga be ti tete ninnge'n, ɔ nin Izraɛlfuɛ'm be amuɛn mun yɛ b'a yi be nzɔliɛ talɛ ng'ɔ sin yia min'n su sa sɛsɛsɛ yɛ.

Ndɛ Nga Nyanmiɛn I Nuan Ijɔfuɛ Oze Kannin'n 9:17

Min Nyanmiɛn ɔ wa yi be man gua, b'a tie-mɛn i nuan nun ndɛ'n ti ɔ wa yi be man gua. Wlan-wlanlɛ finfin'n sa yɛ be wa wlan-wlan mɛn uflɛ'm be nun-ɔn.

Ndɛ Nga Nyanmiɛn I Nuan Ijɔfuɛ Oze Kannin'n 9:9

An yoli sa tɛtɛ'n lele ɔ'a bobo su kɛ Gibea blɛ su'n sa, i sɔ sa tɛ liɛ'n, Anannganman'n su bu-man nnya gua-man su, ɔ ´tu amun fɔ sa tɛ sɔ'm be ti .

1 Korɛntfuɛ Mun 10:22

?E ´kan e Min'n i ya? ?E lɛ wunmiɛn trɛ i ?

Mmla'n 16:22

Nán amun taka amuɛn wie i yɛbuɛ. Anannganman amun Nyanmiɛn'n klo-mɛn i sɔ like'n mlɔnmlɔnmlɔn.

Mmla'n 27:15

«Sran ng'ɔ yo waka sran, annzɛ ɔ klo blalɛ fa yi like wie, nan ɔ fa fia lika wie nan ɔ su i'n, nán man ɔ wun ye le. Afin like sɔ bɔ ajuin difuɛ'm be yo'n, Anannganman nyin ci i.» Kpɛkuun man Izraɛlfuɛ'm be kwlakwla be tɛ su kɛ: «Man ɔ yo sɔ!»

Mmla'n 28:45

Sɛ amu'an ti-man Anannganman amun Nyanmiɛn'n i aniɛn'n, sɛ amu'an fɛ-mɛn i mmla fanunfanun b'ɔ fa mannin amun'n bé su'n, sa yalɛ nga be o lɛ'n be kwlaa be ´ju amún su lele san amun nvle'n ´nunnun.

Mmla'n 28:61

Tukpacɛ nin sa nga Anannganman ɔ ´fa yi amún su'n, i ngba nun-man mmla fluwa nga nun. Ɔ ´fa yi amun su lele san amun ´wie nunnun.

Mmla'n 30:18

i liɛ'n, man n kan kle amun ndɛ, san wulɛ yɛ amun ´wu-ɔ. Amun su cɛ-man lika nga amun su wa kpɛ Zurdɛn'n nzue ba nan amun ko fɛ i lɛ'n nun.

Mmla'n 30:19

Ndɛ nga n wa kan kle amun ndɛkɛn yɛ'n, nguan'n nin wie'n yɛ m'an ´fa sie amun nyrun lɛ-ɔ. Muae nin sa yalɛ'n yɛ m'an ´fa sie amun nyrun lɛ-ɔ. N bua-man ato. N kan nyanmiɛn nin asiɛ'n. Amun nin amun osu nunfuɛ mun, amun `fa nguan'n nan amun tran nguan nun.

Mmla'n 31:29

N si jrɛiin kɛ sɛ n wu'n, ɔ lɛ-man kɛ amun su saci-man. Amun ´yaci atin nga n kleli amun'n i lɛ, amun ´fa uflɛ. Amun ´yo sa tɛtɛ mun Anannganman i nyrun amun ´fa kun i ya. Ɔ man sa yalɛ'n kusu ´tɔ amún su le.»

Mmla'n 32:5

Sɛ b'a saci'n, ɔ fin-mɛn i, ɔ fin be lika. Be ti nvle kun bɔ be ti tɛ lele tra su, gblɛ'n ɔ'a yi be piɛ.

Mmla'n 4:16

Nán amun yo like wie b'ɔ ti like wie nzɔliɛ amun fa saci amún wun. Nán amun yo like b'ɔ ti amuɛn'm be nzɔliɛ. Nán amun yo like wie b'ɔ ti sran yasua annzɛ bla wie nzɔliɛ,

Mmla'n 4:23

I sɔ'n ti, amun `nian amún wun su kpa, nán amún wla fi aenguɛ nga Anannganman amun Nyanmiɛn'n nin amun trali'n su. Nán amun yo like wie b'ɔ ti kɛ like wie nzɔliɛ sa. Anannganman amun Nyanmiɛn'n ɔ tannin amun kɛ nán amun yo sɔ.

Zozie 23:16

Sɛ amun yaci aenguɛ nga Anannganman nin amun trali'n i mmla'n, nan sɛ amun koto ninnge'm be bo nan amun sɔ be'n, Anannganman wa fa ya dan kpa amún wun. Ɔ su sisi-mɛn i bo, ɔ ´nunnun amun mɛn klanman ng'ɔ fa mannin amun yɛ'n nun.»

Zozie 24:20

Sɛ amun yaci i lɛ be su ninnge wie mun'n, ɔ ´yo amun tɛ. Ɔ ´nunnun amun, ɔ nian-man kɛ ɔ'a yo amun ye sunman'n ti.»