Mmla'n 4:24 - NYANMIƐN NDƐ'N 1998

²⁴ Afin Anannganman amun Nyanmiɛn'n jue kɛ sin sa, ɔ yra, ɔ ti Nyanmiɛn kun b'ɔ si kwla .

Mmla'n 4:24 ပူးပေါင်းရင်းမြစ်များ

2 Famiɛn Mun 24:20

Sa ti bɔ sa kekle'm be tɔli Zerizalɛmfuɛ mun nin Zidafuɛ'm be su'n yɛlɛ kɛ Anannganman fali ya dan kpa. Ɔ man ɔ fuannin be, ɔ klo-man kɛ ɔ wun be kun. Sedesias jasoli Babilɔni famiɛn'n wun.

Jue Mun 21:9

Famiɛn, ɔ sa'n ɔ ´kan ɔ kpɔfuɛ'm be kwlaa, a ´nyan be bɔ be kpɔ wɔ'n mun, a ´tra be.

Jue Mun 78:58

Be klɔklɔli Nyanmiɛn, yɛlɛ kɛ be fali be bɔ be si-man Nyanmiɛn'n be amuɛn sɔwlɛ mun yɛ be yili be sraka'm be nun-ɔn. Be sɔli waka sran mun be fa fɔkɔli i anwlɛn.

Ezipt Lɔ Tulɛ'n 15:7

Ɔ dan bɔ a ti'n ti, be nga be jaso ɔ́ wun'n, be tu be langa be nyin aanga lɔ. Kɛ ɔ ya'n jue kɛ sin sa'n, ɔ yra be kɛ ijre sa.

Ezipt Lɔ Tulɛ'n 20:5

Nán koto bé bo, nán su be, afin n ti Anannganman ɔ Nyanmiɛn yɛ n si kwla. Sɛ sran kun jaso mín wun'n, n tu i fɔ, n tu i nin i mma mun be fɔ lele n fa wlu i anunman'm be mma liɛ'm be nun.

Ezipt Lɔ Tulɛ'n 24:17

Anannganman i nyrun nyannyan'n yoli Izraɛlfuɛ'm be nyrun kɛ sin dan wie yɛ ɔ su jue oka'n su lɔ sa.

Ezipt Lɔ Tulɛ'n 33:3

N ´fa amun n ´kɔ mɛn bɔ lɔ asiɛ'n yo like ye kpa'n, bɔ i kunngba'n ti nnɛn tawlɛ klanman'n i nun lɔ. Sanngɛ m bɔbɔ e nin amun e su kɔ-man, n su tran-man amun afiɛn, afin amún nyin su ti kekle dan. Ɔ cɛ-man nan m'an nunnun amun atin afiɛn.»

Ezipt Lɔ Tulɛ'n 34:14

Nán amun koto amuɛn'm bé bo, afin min Anannganman, n ti Nyanmiɛn kun bɔ n klo kɛ be su min kunngba cɛ. N si kwla.

Ezai 10:17

Izraɛl'n i kpajalɛ b'ɔ kpaja'n ɔ ´kaci sin, yɛ i Nyanmiɛn'n ɔ ´yo kɛ sin taaman sa, ɔ wa sɔ, ɔ ´yra susrɛ mun nin owie mun, ɔ ´yra be cɛn kunngba lekeleke.

Ezai 30:27

Amun `nian, Anannganman'n bɔbɔ fin mmua lɔ su ba. Ɔ'a fa ya dan kpa. Ndɛ ng'ɔ fin i nuan fite'n ti ya ndɛ, i nuan nun ndɛ'n ti kɛ sin sa.

Ezai 30:33

Be trɔli sin kun ɔ'a cɛ. Famiɛn'n i bɔbɔ liɛ o nun. Sin sɔ'n i trɔwlɛ'n ti klukluklu, ɔ ti tɛtrɛ, yɛ ɔ ti kploun, be ´fa yie kpanngban kpa yɛ be ´trɔ-ɔ. Anannganman i bue nun kpukpuwa'n yɛ ɔ ´sɔ i nuan-an. Ɔ wa yo kɛ sufru kpanngban yɛ ɔ su jue sa.

Ezai 33:14

Siɔn lɔ be nga be yo sa tɛ'n, srɛ kun be. Be nga be nyin yi-man Nyanmiɛn'n, be usu. Be usa kɛ: «Wan yɛ ɔ wo e nun b'ɔ kwla jran sin dan nga i nyrun-ɔn? ?Wan yɛ ɔ wo e nun b'ɔ kwla jran sin kpli ng'ɔ nuan-man mlɔnmlɔn yɛ'n i wun koko-ɔ?»

Ezai 42:8

N ti Anannganman, min dunman'n yɛ o lɛ-ɔ. N fa-man min nyrun bɔ n lɛ i'n m man-man sran, n fa man-man amuɛn mun.

Amɔs 5:6

Zozɛf osu nunfuɛ mun, sɛ amun klo kɛ amun ´nyan nguan'n, Anannganman'n yɛ ɔ fata bɔ amun mɛntɛn i-ɔ. Sɛ ɔ'a yo-man sɔ-ɔ, ɔ wa kaci kɛ sin sa, ɔ ´to amun, ɔ ´di amun. An su nyan-man sran fi Betɛl lɔ b'ɔ ´nuan sin sɔ nin-ɔn.

Naɔm 1:2

Anannganman'n ti Nyanmiɛn kun b'ɔ si kwla. Be yo i sa-a ɔ yaci cɛ-man, ɔ yo be wie, i ya'n ti-man blɛblɛ. I kpɔfuɛ'm be yo i sa-a ɔ yo be wie. Ɔ yaci cɛ-man be .

Naɔm 1:6

?Kɛ ɔ ko fa ya'n, wan yɛ ɔ kwla jrɛn i nyrun-ɔn? ?Blɛ b'ɔ yi i ya dan'n i nglo'n, wan yɛ ɔ kwla jrɛn i nyrun-ɔn? I ya'n ɔ jue kɔ i nyrun kɛ sin sa. Yɛbuɛ tanda mun bɔbɔ ɔ kpaci be nun.

Sofoni 1:18

Anannganman i ya cɛn dan nun'n, be sika nin be sika ɔkwlɛ'n be su kwla de-man be. I ya b'ɔ ti kɛ sin sa'n, ɔ ´nunnun mɛn wunmuan'n. Ee, nanwlɛ, ɔ ´yo kekle o! Anannganman ´nunnun asiɛ'n su sran'm be ngba sekeseke .

Sofoni 3:8

I sɔ'n ti min waan: «An `tran lɛ be minndɛ min man n kan sa tɛ nga an yoli mun n kle amun afin m'an gugu kɛ n ´yiayia nvle-nvlefuɛ mun nin famiɛn'm be mɛn'n be nunfuɛ mun nan ya dan nga n fali'n, n ´yo i nuan like m ´man be. Min ya dan ng'ɔ jue kɛ sin sa'n, ɔ ´di asiɛ wunmuan'n.»

Kalɛ 25:11

«Eleazar i wa Fine b'ɔ ti Nyanmiɛn nyrun jranfuɛ'n b'ɔ ti Aarɔn i osu'n nunfuɛ'n, i dunman nun ti min ya nga n fɛli Izraɛlfuɛ'm bé wun ɔ'a wie. Ɔ kplili mín ti amun afiɛn. I sɔ'n ti yɛ man m'an nunnun-man Izraɛlfuɛ mun kɛ n fali ya nin-ɔn.

1 Korɛntfuɛ Mun 10:22

?E ´kan e Min'n i ya? ?E lɛ wunmiɛn trɛ i ?

Mmla'n 29:20

Anannganman ɔ ´yo man ɔ ´wun nyrɛnnɛn. Ɔ ´yi i Izraɛl akpasua'm be nun. Sa yalɛ nga be kan be ndɛ mmla bɔ be ti klɛwa fluwa nga nun'n, Anannganman ´fa yi i su. Kɛ Anannganman nin be nuan sɛli su sɔ-ɔ.

Mmla'n 32:16

Izraɛlfuɛ'm be fali nvle wie'm be nun amuɛn mun fɔkɔli i anwlɛn, be yoli tete sa mun ɔ man ya kunnin i.

Mmla'n 5:9

Nán koto bé bo, nán su be. Afin n ti Anannganman ɔ Nyanmiɛn yɛ n si kwla. Sɛ sran kun jaso min wun'n, n ´tu i fɔ, n ´tu i nin i mma'm be fɔ lele n fa wlu i anunman'm be mma liɛ'm be nun.

Mmla'n 6:15

Afin Anannganman amun Nyanmiɛn b'ɔ nin amun wo nun'n, ɔ ti Nyanmiɛn kun b'ɔ si kwla. Sɛ amun yo nan Anannganman amun Nyanmiɛn'n fa ya'n, ɔ ´nunnun amun asiɛ'n su.

Mmla'n 9:3

Ndɛkɛn'n, man amun si kɛ Anannganman amun Nyanmiɛn'n ɔ ´dun mmua amun nyrun, ɔ ti kɛ sin sa, ɔ yra. I yɛ ɔ wa nunnun be-ɔ. I yɛ ɔ ´gua be nyin ase-ɔ. Ɔ man amun wa fuan be, amun wa kun be ndɛndɛ kpa kɛ Anannganman kan kleli amun'n sa.

Hébreu 12:29

afin e Nyanmiɛn'n ti kɛ sin sa, ɔ yra .