Mmla'n 4:23 - NYANMIƐN NDƐ'N 1998

²³ I sɔ'n ti, amun `nian amún wun su kpa, nán amún wla fi aenguɛ nga Anannganman amun Nyanmiɛn'n nin amun trali'n su. Nán amun yo like wie b'ɔ ti kɛ like wie nzɔliɛ sa. Anannganman amun Nyanmiɛn'n ɔ tannin amun kɛ nán amun yo sɔ.

Mmla'n 4:23 ပူးပေါင်းရင်းမြစ်များ

2 Famiɛn Mun 17:38

Nán amun wla fi aenguɛ nga e nin amun trali'n. Nán amun sro amuɛn mun,

1 Be Nyoliɛ 16:15

Man amún wla kpɛn aenguɛ ng'ɔ nin ye trali'n su. Ndɛ ng'ɔ kannin'n, ɔ ti e nannan'm be osu'n nunfuɛ'm be liɛ lele fa ju be anunmannunman akpi su'm be su.

Ezipt Lɔ Tulɛ'n 23:13

Amun `fa ndɛ nga min Anannganman n kan kle amun'n su kpa. Amun `nian amún wun kpa. Nán amun bo flɛ amuɛn mun kɛ amun srɛ be like, nán be dunman bɔ sa tɛ amún nuan nun mlɔnmlɔn.»

Ezai 24:5

Sran nga be o asiɛ'n su'n be sacili i yɛlɛ kɛ be tɔnnin mmla'n, be kpɛli ndɛ nga be kan kleli be'n i wun, aenguɛ nga Anannganman nin be trali'n, b'ɔ ti blɛ'n kwlaa nun liɛ'n, b'a fɛ-mɛn i mmla'n su .

Zeremi 31:22

?Nan wɔ bɔ a ti kɛ talua nyin keklefuɛ wie sa'n kɛ a ´sisi ɔ bo titi sa? Nian, Anannganman ɔ'a kpɛ like uflɛ ba mɛn'n nun. Siɛn'n, bla yɛ ɔ ko wlan-wlan kunndɛ yasua-a.»

Ezekiɛl 16:59

Afin Anannganman Nyanmiɛn'n wan yoo: «Wɔ bɔ w'a bu-man nda nga a tali'n i akunndan kun'n, kɛ a fa yoli'n, yɛ n kusu n ´fa yo wɔ-ɔ.

Ezekiɛl 8:10

N wluli lɔ nan m'an nian lɔ. N ´nian-an, nnɛn nga be cuɛn bé wun ase'n nin nnɛn nga be ti tete ninnge'n, ɔ nin Izraɛlfuɛ'm be amuɛn mun yɛ b'a yi be nzɔliɛ talɛ ng'ɔ sin yia min'n su sa sɛsɛsɛ yɛ.

Kalɛ 15:39

Tralɛ ng'ɔ lɛ nuan su njɔlɛ'n yɛ amun `wla-a. I liɛ'n, kɛ amun wun be'n, amún wla ´kpɛn min mmla'm bé su, kpɛkuun amun ´fa bé su. Nán amun yo amun klun klo ninnge nin konvi ninnge bɔ be fa sran wla amuɛn sɔlɛ nun mun.

Matthieu 24:4

Jésus seli be kɛ: «An `sasa amun wun kpa, nán man be laka amun.

JÉSUS-CHRIST I DYASIN FE'N BO LUC KLELI'N 12:15

I sin ɔ seli be kɛ: «An `nian amún wun kpa konvi kpli yolɛ'n i lika, afin man sran nyɛn i wun ɔ nyɛn i wun sɛ, nán ninnge sɔ mun yɛ be mɛn i nguan-an.»

JÉSUS-CHRIST I DYASIN FE'N BO LUC KLELI'N 21:8

Yɛ ɔ seli be kɛ: «An `sasa amún wun, nán man be laka amun, afin sran kpanngban be wa fa n dunman'n be ´se kɛ be yɛ be ti Krist nin-ɔn, yɛ be ´se kɛ blɛ'n ɔ'a mantan. Nán an fa su.

Mmla'n 16:22

Nán amun taka amuɛn wie i yɛbuɛ. Anannganman amun Nyanmiɛn'n klo-mɛn i sɔ like'n mlɔnmlɔnmlɔn.

Mmla'n 27:15

«Sran ng'ɔ yo waka sran, annzɛ ɔ klo blalɛ fa yi like wie, nan ɔ fa fia lika wie nan ɔ su i'n, nán man ɔ wun ye le. Afin like sɔ bɔ ajuin difuɛ'm be yo'n, Anannganman nyin ci i.» Kpɛkuun man Izraɛlfuɛ'm be kwlakwla be tɛ su kɛ: «Man ɔ yo sɔ!»

Mmla'n 27:9

Moiz nin Nyanmiɛn nyrun jranfuɛ bɔ be ti Levifuɛ mun'n, be bo ti kun. Moiz jrannin be kwlaa be nuan ɔ kannin ndɛ ng'ɔ o yɛ mun kleli Izraɛlfuɛ'm be ngba. I waan: «Izraɛlfuɛ mun, amun `gua bliin nan amun `sie amun su tie Anannganman amun Nyanmiɛn'n i nuan ndɛ'n, nan i mmla nga n ´fa man amun ndɛ yɛ'n amun `nian bé su nanti.

Mmla'n 29:25

Be ko sɔli amuɛn mun, be kotoli bé bo, kusu wuun be si-man amuɛn sɔ mun laa. Anannganman kusu ɔ'a man-man be atin kɛ be sɔ be.

Mmla'n 31:20

N wa fa be n ´kɔ lika nga n tali be nannan'm be nda kɛ n ´fa man be'n i nun lɔ. Lɔ asiɛ sɔ'n ɔ yo like kpa, i kunngba'n o ti nnɛn tawlɛ klanman. Be ´di like be ku ´yi, be ´cɛn cɛn luklɔ-luklɔɔ, be ´tu amuɛn'm be ´sɔ be, kpɛkuun be su bu-man min like kun. Be ´saci aenguɛ nga e nin be trali'n.

Mmla'n 4:25

Kannzɛ amun cɛ mɛn nga nun wa bɔ amun ´wu ba mun, bɔ amun ´nyan anunman mun'n, sanngɛ nán amun yo like wie b'ɔ ´yo like wie nzɔliɛ b'ɔ ´saci amun-ɔn. Yɛ nán amun yo like fi bɔ Anannganman amun Nyanmiɛn'n ɔ klo-mɛn i b'ɔ fɔkɔ i anwlɛn.

Mmla'n 4:9

Sanngɛ amun `nian amún wun kpa cɛn kwlakwla kɛ ɔ ´yo nan amún wla ɔ'a fi-man sa nga amun bɔbɔ amun wunnin be'n ti. Nán man be fin amun akunndan nun fite le. Amun `fa kle amun mma mun nin amun anunman mun.

Mmla'n 5:2

Anannganman e Nyanmiɛn'n ɔ nin e trali aenguɛ Orɛb lɔ.

Mmla'n 6:12

Sanngɛ amun `nian amún wun kpa, nán amún wla fi Anannganman su. Afin i yɛ ɔ yili amun kanga'n nun fiteli Ezipt mɛn'n nun lɔ-ɔ.

Hébreu 3:12

Aniaan mun, i sɔ'n ti an `nian amún wun, nán man amun nun wie i anwlɛn'n ɔ yo tɛ, yɛ nán man ɔ `yo kɛ ɔ lafi-man Nyanmiɛn su b'ɔ man ɔ ´yaci Nyanmiɛn b'ɔ lafi-man nin-ɔn.

Zozie 23:11

I sɔ'n ti, amun `nian amún wun kpa. Amun `klo Anannganman b'ɔ ti amun Nyanmiɛn'n.

Zozie 23:16

Sɛ amun yaci aenguɛ nga Anannganman nin amun trali'n i mmla'n, nan sɛ amun koto ninnge'm be bo nan amun sɔ be'n, Anannganman wa fa ya dan kpa amún wun. Ɔ su sisi-mɛn i bo, ɔ ´nunnun amun mɛn klanman ng'ɔ fa mannin amun yɛ'n nun.»