Mmla'n 4:22 - NYANMIƐN NDƐ'N 1998

²² Ɔ man n ´wu mɛn nga nun wa, n su kpɛ-man Zurdɛn'n. Sanngɛ amun liɛ'n, amun ´kpɛ Zurdɛn'n amun ko fa mɛn klanman sɔ'n.

Mmla'n 4:22 ပူးပေါင်းရင်းမြစ်များ

Amɔs 3:2

«Sran beblebe nga be wo asiɛ'n su'n, amun kunngba cɛ yɛ n fali amun kɛ e nin amun e su nanti-ɔ. I sɔ'n ti amún sa tɛ kwlaa nga amun yoli'n, e nin amun e ´kɛn i ngba'n i ti ndɛ.»

Kalɛ 27:13

Niɛn i kpa, sanngɛ ɔ kusu a wa wu kɛ ɔ niaan bian Aarɔn sa.

Kalɛ 27:14

Sa ti b'ɔ ´yo sɔ'n yɛlɛ kɛ amun kacili mín nuan su ndɛ nga n kɛnnin i Zin aawlɛ flɛnnɛn'n nun lɔ'n. Amun kacili min nuan ndɛ'n blɛ nga Izraɛlfuɛ'm be kwlaa be kunndɛli min nin utre'n nun. Amu'an yo-man man min dunman'n ɔ'a fu-man be nyrun blɛ bɔ be waan be `man be nzue Kadɛs lɔ'n. Amun ti man n dunman ɔ'a fu-man Zin aawlɛ'n nun lɔ Mɛriba nzue bɔ be flɛ i Utre nzue'n i ndɛ'n su .»

Kalɛ 31:2

«Tu Izraɛlfuɛ'm be klunngbɔ guɛ i Madianfuɛ'm bé su. I sin, a wa wu, a ´to ɔ́ si'm be lɔ.»

Mmla'n 1:37

Amun dunman nun ti Anannganman fali ya mín wun. Ɔ seli min kɛ: ‹Ɔ kusu a su ju-man mɛn sɔ'n nun lɔ wie.

Mmla'n 3:25

Yaci man n kpɛ Zurdɛn nzue ba'n, nan mín nyin mma `gua mɛn klanman ng'ɔ o Zurdɛn'n i bue kun lɔ'n i wun, man n wun i nun oka nglanman mun ɔ nin Liban mɛn'n.»

Mmla'n 3:27

Fu Pisga oka'n su nan nian wia atɔliɛ lɔ lika'n, nian wia afiliɛ lɔ lika'n nin nglo lɔ lika'n, ɔ nin ngua lɔ lika'n, nian be kpa. Sanngɛ Zurdɛn'n liɛ'n, a su kpɛ-man.

Mmla'n 31:14

Anannganman seli Moiz kɛ: «Ɔ wie cɛn'n ɔ'a mantan koko, i ti flɛ Zozie nan amun `ko jran min tannin sua nga n yi min wun nglo nun'n i nyrun lɔ man n kan ndɛ n kle i.» Yɛ Moiz nin Zozie be ko jrannin tannin sua'n i nyrun lɔ-ɔ.