Mmla'n 4:2 - NYANMIƐN NDƐ'N 1998

² Ndɛ nga n fa sie amun nyrun'n, nán amun kpɛ wie gua nun, nán amun yi wie ase. Sanngɛ amun `nian Anannganman amun Nyanmiɛn'n i nuan ndɛ nga n fa sie amun nyrun'n su.

Mmla'n 4:2 ပူးပေါင်းရင်းမြစ်များ

Jue Mun 78:7

nan b'a fa bé wla'n b'a guɛ i Nyanmiɛn su, nan bé wla ɔ'a fi-man ng'ɔ yoli'n, nan b'a fɛ i mmla'm be su.

Nyanndra Mun 30:6

I nuan su ndɛ sa'n, nán kpɛ wie gua su. Sɛ ɔ yo sɔ-ɔ, ɔ ti kɛ w'a yo gblɛfuɛ sa, ɔ nin wɔ be ´nyɛn i.

Akunndanfuɛ'n 12:13

E `sie é su e tie ndɛ'n kwlaa ng'ɔ o lɛ'm be atabo'n: man ɔ́ nyin yi Nyanmiɛn, yɛ nanti i mmla'm be su. Like ng'ɔ fata kɛ klɔ sran kwlakwla yo'n yɛ ɔ o lɛ-ɔ.

Zeremi 26:2

«Anannganman'n wan yoo: ‹Ko jran min sua'n i awlo klun'n nun nan kan ndɛ nga n ´fa wla ɔ́ nuan yɛ'n kwlaa kle sran nga be fin Zida klɔ klɔ'm be su ba min bo kotolɛ'n, kan ndɛ sɔ'n kwlaa kle be. Nán yaci wie lɛ.

Matthieu 5:18

Afin nanwlɛ, n kan kle amun kɛ be su nunnun-man mmla'n i nun fluwa mma kaan kun annzɛ i nun ndɛ kaan kun lele san kɛ nglo'n nin asiɛ'n be nun-man lɛ kun'n. San i kwlaa sɔ'n ɔ ´kpɛn su.

Matthieu 5:43

«An tili i kɛ be seli kɛ: ‹Klo ɔ wiengu, yɛ kpɔ ɔ kpɔfuɛ.›

Galasifuɛ Mun 3:15

Aniaan mun, m ma kan sa kun bɔ sran'm be yo i titi'n kle amun. Sɛ sran nnyɔn bé nuan sɛ sa kun su'n, sran uflɛ kwla kaci-mɛn i, yɛ ɔ kwla uka-man su.

Mmla'n 1:3

Kɛ Izraɛlfuɛ'm be fin Ezipt mɛn'n nun lɔ bali'n, i afuɛ ablanan'n i anglo blu-nin-kun'n su anglo'n i cɛn ba klikli'n su'n, yɛ Moiz kannin ndɛ nga Anannganman fa wlɛli i nuan'n kleli Izraɛlfuɛ mun-ɔn.

Mmla'n 13:1

Amun `fa ndɛ nga n ´kan kle amun yɛ'n be su. Amun `nian su `nanti. Nán amun kpɛ wie gua nun, nán amun yi wie ase.

Mmla'n 33:4

Mmla nga Moiz fa mannin ye'n, ɔ ti Zakɔb i osu nunfuɛ'm be aja like.

Mmla'n 4:14

I blɛ sɔ'n nun yɛ Anannganman waan n `kle amun mmla fanunfanun nga amun ju mɛn nga amun ´kɔ i falɛ lɛ'n nun lɔ'n amun ko nanti su mun-ɔn.

Mmla'n 4:40

Ɔ man i mmla nin i ndɛ bɔ n ´fa man amun yɛ'n, amun `fa bé su. I liɛ'n, amun nin amun osu nunfuɛ nga be wa jaso su'n, amun ´nyan ye, yɛ amun nguan nyanman'n ɔ ´yo tɛnndɛn mɛn nga Anannganman amun Nyanmiɛn'n ɔ'a fa man amun mlɔnmlɔn'n i nun.

Mmla'n 4:5

Amun si kɛ mmla fanunfanun nga Anannganman min Nyanmiɛn'n fa mannin min'n yɛ n kusu n fa kleli amun-ɔn. Sɛ amun ju mɛn nga amun ´kɔ i falɛ yɛ'n nun lɔ'n, amun `nian be su `fa nanti.

Mmla'n 5:29

Sɛ ɔ ti kɛ bé nyin yi min sa titi yɛ be fa mín nuan ndɛ'm be kwlaa su'n, wuun nga, be nin be osu nunfuɛ'm be ´nyan ye sa tititi.

Mmla'n 5:32

Moiz seli Izraɛlfuɛ'm be kɛ: «Amun `fa ndɛ nga Anannganman amun Nyanmiɛn'n fa mannin amun'n i su kpa. Nán amun yi i ase.

Zozie 1:7

Jran kekle, ?A ti? Yo yakpafuɛ. Nian mmla nga min sufuɛ Moiz fa mannin wɔ'n i kwlaa su. Nán nian bɛ, nán nian fama. Sɛ a yo sɔ'n, like kwlaa nga bɔ a yo'n ɔ ´yo ye.

Zozie 8:35

Zozie kanngannin mmla nga Moiz mannin be'n i ngba kleli nzrafuɛ'm be kwlakwla. Ɔ'a yaci-man ba kun sa lɛ. Kɛ ɔ ´kanngan'n kle be'n, bla mun, ba kanngan mun, ɔ nin aofuɛ nga be o Izraɛlfuɛ'm be afiɛn'n be o be nun wie.