Mmla'n 4:15 - NYANMIƐN NDƐ'N 1998

¹⁵ Blɛ bɔ Anannganman jrannin sin'n nun ɔ ijɔ kleli amun Orɛb lɔ'n, amu'an wun-mɛn i nyrun'n. I sɔ'n ti kusu, amun `nian amún wun su.

Mmla'n 4:15 ပူးပေါင်းရင်းမြစ်များ

1 Famiɛn Mun 19:12

Kɛ asiɛ'n kejeli sinnin'n, sin jueli, sanngɛ Anannganman nun-man sin sɔ'n nun. Kɛ sin'n wieli'n, aunngban fɛfɛ kan wie fitali.

Jue Mun 119:9

?Ɔ yo sɛ yɛ gbanflɛn kun annzɛ talua kun kwla yo saun-ɔn? San ɔ ´fa wɔ ndɛ nga a kan'n su.

Ezipt Lɔ Tulɛ'n 19:1

Izraɛlfuɛ'm be tuli bé bo Refidim lɔ. Kɛ be tuli Ezipt lɔ'n, be anglo nsan su'n i cɛn klikli'n su'n, be juli Sinai aawlɛ flɛnnɛn'n nun. Be kpɛli be ngblaliɛ aawlɛ flɛnnɛn'n nun Sinai oka'n i wun lɛ.

Ezipt Lɔ Tulɛ'n 20:4

Nán yo amuɛn fi, nán yo like wie fi b'ɔ fa nglo lɔ like, annzɛ asiɛ'n su wa like, annzɛ b'ɔ fa nzue b'ɔ o asiɛ'n i bo lɔ'n i nun like.

Nyanndra Mun 4:23

Ɔ ti'n bɔ a fa bu akunndan'n, sie i kpa tra ninnge'm be kwlaa, afin i nun yɛ nguan'n i bo'n fin-ɔn.

Nyanndra Mun 4:27

Nán kɔ bɛ su, nán kɔ fama su, nán fa atin tɛ su.

Ezai 40:18

?Wan cɛ yɛ amun ´fa sunnzun Nyanmiɛn-ɔn? ?Nzɔliɛ onin cɛ yɛ amun ´yo b'ɔ ´fa Nyanmiɛn-ɔn ?

Zeremi 17:21

Anannganman'n wan yoo: ‹An `nian amun wun kpa. Wunmiɛn-delɛ-cɛn'n nun nán an sua trɔ. Nán an fa trɔ wlu Zerizalɛm klɔ'n nun.

Malasi 2:15

?Anannganman ɔ'a fa-man amun, ɔ nin amún yi'm be wunnɛn'n, ɔ nin amun wawɛ'n ɔ'a yo-man sran wunmuan kun? ?Nguɛ ti-ɔ? ?Nán ba wulɛ ti-ɔ? Amun `nian amun wun kpa, nán amun yra amun gbanflɛn nun bla mun.

Mmla'n 10:4

Nan Anannganman ɔ'a klɛ yɛbuɛ paplaapla nnyɔn'm bé su kɛ ɔ fa klɛli klikli liɛ'm bé su'n sa. Ɔ klɛli mmla blu yɛbuɛ sɔ'm be su. Kɛ amun yiali'n, mmla sɔ'n yɛ ɔ jrannin sin nun kan kleli amun nin-ɔn. Kɛ ɔ ´kan'n, wuun ɔ o oka'n su lɔ. I sin ɔ fali be mannin min.

Mmla'n 4:12

Anannganman ijɔ kleli amun sin sɔ'n nun. Amun tili i ijɔlɛ'n, sanngɛ amu'an wun-mɛn i nyrun'n, i nɛn'n kunngba yɛ amun tili-ɔ .

Mmla'n 4:14

I blɛ sɔ'n nun yɛ Anannganman waan n `kle amun mmla fanunfanun nga amun ju mɛn nga amun ´kɔ i falɛ lɛ'n nun lɔ'n amun ko nanti su mun-ɔn.

Mmla'n 4:23

I sɔ'n ti, amun `nian amún wun su kpa, nán amún wla fi aenguɛ nga Anannganman amun Nyanmiɛn'n nin amun trali'n su. Nán amun yo like wie b'ɔ ti kɛ like wie nzɔliɛ sa. Anannganman amun Nyanmiɛn'n ɔ tannin amun kɛ nán amun yo sɔ.

Mmla'n 4:36

Ɔ jrannin nyanmiɛn su lɔ ijɔ kleli amun, yɛ ɔ tikeli sa wie'm be su kleli amun. Asiɛ'n su wa kusu ɔ fɛli i sin dan'n kleli amun. Ɔ ijɔli sin sɔ'n nun amun tili.

Mmla'n 4:9

Sanngɛ amun `nian amún wun kpa cɛn kwlakwla kɛ ɔ ´yo nan amún wla ɔ'a fi-man sa nga amun bɔbɔ amun wunnin be'n ti. Nán man be fin amun akunndan nun fite le. Amun `fa kle amun mma mun nin amun anunman mun.

Mmla'n 5:4

Oka'n su lɔ'n, Anannganman o sa, amun kusu amun wo sa, yɛ ɔ ijɔli sin'n i afiɛn lɔ kleli amun-ɔn.

Mmla'n 5:8

Nán yo amuɛn fi nin like wie fi b'ɔ fa nglo lɔ like, annzɛ b'ɔ fa asiɛ'n su wa like, annzɛ b'ɔ fa nzue b'ɔ o asiɛ'n i bo lɔ nun like.

Mmla'n 9:10

Nan Anannganman ɔ'a fa yɛbuɛ paplaapla nnyɔn sɔ mun ɔ'a man min. I bɔbɔ fɛli i sama klɛli be su. Ndɛ nga ɔ jrannin sin nun kɛnnin i oka'n su lɔ'n i nun b'ɔ yiali amun'n, i kwlaa o yɛbuɛ sɔ'm be su.

Hébreu 1:3

I yɛ ɔ man e wun Nyanmiɛn b'ɔ yi i wun nglo nyannyannyan nin-ɔn, ɔ fa Nyanmiɛn i wafa kwlaa ng'ɔ ti'n, i nuan nun ndɛ'n yɛ man ninnge'n kwlaa be o lɛ-ɔ. Kɛ ɔ yoli bɔ sran'm bé wun sa'n wieli'n, ɔ ko trannin Nyanmiɛn b'ɔ ti Wlengbi'n i fama su nyanmiɛn su lɔ.

Zozie 23:11

I sɔ'n ti, amun `nian amún wun kpa. Amun `klo Anannganman b'ɔ ti amun Nyanmiɛn'n.