Mmla'n 34:9 - NYANMIƐN NDƐ'N 1998

⁹ Ngwlɛlɛ wawɛ'n ɔ trannin Nɛn i wa Zozie i nun afin Moiz fɛli i sa'n fuɛli i su. Ɔ man Izraɛlfuɛ'm bé nyin yili i. Be niannin ndɛ nga Anannganman kan kleli Moiz'n su be yoli.

Mmla'n 34:9 ပူးပေါင်းရင်းမြစ်များ

1 Famiɛn Mun 3:12

i ti like nga a usali'n, n wa yo man wɔ. N wa man wɔ ngwlɛlɛ, a ´yo akunndanfuɛ dan. Sran fi nian nyɛn-mɛn i sɔ ngwlɛlɛ'n le, yɛ sran fi su nyɛn-mɛn i sɔ le nan kɛ ɔ ´yo ɔ'a yo-ɔ.

1 Famiɛn Mun 3:9

I ti nga n ´usa'n yɛlɛ kɛ a man min ngwlɛlɛ nga n ko fa n ko sie ɔ nvle sɔ'n. Sɛ n lɛ ngwlɛlɛ'n, i liɛ n ´kwla si like ng'ɔ ti kpa ɔ nin ng'ɔ ti-man kpa'n be ngbaciɛ. Sɛ ɔ'a yo-man sɔ-ɔ, sran fi nun-man lɛ b'ɔ kwla sie ɔ nvle nin-ɔn, afin nvle sɔ'n ti dan.»

2 Famiɛn Mun 2:15

Nyanmiɛn i nuan ijɔfuɛ nga be o Zeriko lɔ'n, be o mmua lɔ be wunnin like nga Elize yoli'n. Be seli be afiɛn kɛ: «Eli i wawɛ'n wo Elize su.» Be ko kpɛli i atin, be koto utuli be nyin ase i nyrun lɛ.

2 Famiɛn Mun 2:9

Kɛ be kpɛli Zurdɛn'n, Eli seli Elize kɛ: «Like nga a klo kɛ n yo man wɔ'n, kan ka nan Anannganman ɔ'a fa min nan m'an jaso ɔ́ wun wa.» Elize tɛli i su kɛ: «N klo kɛ n ´nyan Nyanmiɛn Wawɛ ng'ɔ wo ɔ su'n i sɔ kpɛ nnyɔn.»

1 Be Nyoliɛ 29:23

Salomɔn trannin Anannganman i famiɛn bia'n su. Ɔ yoli famiɛn, ɔ trannin i si David ja nun. I dunman'n fuli. Izraɛlfuɛ'm be kwlaa bé nyin yili i.

Ezipt Lɔ Tulɛ'n 12:28

I sin be ɔli be ko yoli sa nga Anannganman'n kan kleli Moiz nin Aarɔn'n i kwlaa.

Ezipt Lɔ Tulɛ'n 28:3

I sɔ'n ti, se tannin wufuɛ'm be kwlaa nga n fali min ngwlɛlɛ'n n wlali be nun'n man be kpa Aarɔn i tralɛ ng'ɔ wa wla be'n blɛ bɔ be ´fɛ i wla min junman'n nun'n. Yɛ kɛ ɔ ´di junman'n, tralɛ sɔ'n yɛ ɔ wa wla-a.

Ezipt Lɔ Tulɛ'n 31:3

N fali min wawɛ'n m mɛnnin i kɛ ɔ `sie i yɛ ɔ `mɛn i akunndan nin ngwlɛlɛ, ɔ nin sa silɛ kɛ ɔ `si junman wafa-wafa kwlaa di.

Ezai 11:2

Anannganman i wawɛ'n wo i su. Wawɛ sɔ'n ɔ ti ngwlɛlɛ wawɛ, nin sa kpa'n yɛ sa tɛ'm be silɛ wawɛ, nin sa siesielɛ wawɛ, nin wawɛ b'ɔ kwla yo sa ng'ɔ siesie kɛ ɔ ´yo'n, ɔ ti wawɛ b'ɔ man be si Anannganman, b'ɔ man be ´nyin yi i.

Daniɛl 6:3

Be sieli akpasua'm bé su kpɛn'm bé su kpɛnngbɛn nsan. Daniɛl ti be nsan sɔ'm be nun kun. Be yɛ akpasua-akpasua kunngun'm bé su kpɛn'm be wa kan be junman'n i su ndɛ mun kle be-ɔ, kɛ ɔ ´yo nan akpasua-akpasua'm b'a kwla di-man famiɛn'n i lufle'n ti.

Kalɛ 11:17

N wa jra nan e nin wɔ e wa koko yalɛ lɛ. N ´fa wawɛ ng'ɔ o ɔ́ su'n wie n ´fa wla be nun. Kpɛkuun be ´uka wɔ nvle'n b'ɔ ti kɛ trɔ sa'n i sualɛ nun nan ɔ ngunmin w'a sua-man trɔ sɔ'n kun.

Jean 3:34

afin sran nga Nyanmiɛn sunmɛnnin i'n, Nyanmiɛn ndɛ'n yɛ ɔ kan-an i Wawɛ'n b'ɔ fa mɛn i b'ɔ niɛn-mɛn i sin'n ti .

Sa nga bé yôli'n 6:6

Be fa be kleli be bɔ Jésus sunmannin be'n. Kɛ be srɛli Nyanmiɛn kɛ ɔ `jran bé sin'n, be fa bé sa fuali bé su.

Mmla'n 34:8

Izraɛlfuɛ'm be sunnin Moiz cɛn ba ablasan Moab lika kpɛtɛkplɛɛ'n nun lɔ, i sin yɛ i sɛ'n wieli-ɔ.

Kolɔsfuɛ Mun 2:3

Ɔ ti kɛ bɛtrɔ sa, i nun yɛ Nyanmiɛn fɛ i ngwlɛlɛ'n nin sa wlɛ wunlɛ'n kwlaa fiali-ɔ.

1 Timote 4:14

Like nga Nyanmiɛn fa mannin wɔ kɛ a yo'n, Nyanmiɛn nuan ijɔfuɛ'm be ndɛ bɔ be kannin'n ti'n b'ɔ man kpɛnngbɛn'm be yiali be fa bé sa fuali ɔ su'n, nán kpa su.

1 Timote 5:22

Nán kpli sie ɔ́ sa sran su ndɛndɛ kɛ ɔ di Nyanmiɛn junman. Nán fa ɔ wun wlɛ i sa tɛ nga be wie'm be yo'n nun. Nian ɔ wun, nán yo sa tɛ fi.