Mmla'n 34:5 - NYANMIƐN NDƐ'N 1998

⁵ Anannganman i sufuɛ Moiz wuli Moab mɛn'n nun lɛ kɛ Anannganman fa kannin'n sa.

Mmla'n 34:5 ပူးပေါင်းရင်းမြစ်များ

2 Famiɛn Mun 1:17

Akazia wuli kɛ Anannganman fa wlali Eli i nuan b'ɔ kannin'n sa. Akazia ɔ'a wu-man ba yasua, ɔ man i niaan Zɔram yɛ ɔ sinnin i osu-ɔ. Kɛ ɔ ´yo sɔ'n, wuun Zozafat i wa Zɔram ti Zida famiɛn ɔ'a di afuɛ nnyɔn.

2 Be Nyoliɛ 1:3

Ɔ nin be kwlaa bɔ be yiali'n be ɔli Gabaɔn lɔ kan tɛ yiwlɛ lika ng'ɔ o kpɔlɛ'n su'n wo lɔ'n, afin lɔ yɛ Nyanmiɛn i tannin sua ng'ɔ yi i wun nglo nun'n bɔ i sufuɛ Moiz kplannin i aawlɛ flɛnnɛn'n nun lɔ'n wo-ɔ.

Kalɛ 12:7

Sanngɛ min sufuɛ Moiz liɛ'n, ɔ ti-man sɔ. I liɛ'n, ɔ nian min awlo'n su kpa.

Mmla'n 31:14

Anannganman seli Moiz kɛ: «Ɔ wie cɛn'n ɔ'a mantan koko, i ti flɛ Zozie nan amun `ko jran min tannin sua nga n yi min wun nglo nun'n i nyrun lɔ man n kan ndɛ n kle i.» Yɛ Moiz nin Zozie be ko jrannin tannin sua'n i nyrun lɔ-ɔ.

Mmla'n 31:16

Anannganman seli Moiz kɛ: «Nian a su wa wu. Kɛ a ko wu'n, Izraɛlfuɛ'm be ´ko tu lika nga be wa ko tran nun lɛ'n i nun lɔ amuɛn mun, be sɔ be. Be ´kaci be sin si min. Be ´saci aenguɛ nga e nin be e trali'n.

Mmla'n 32:50

Kɛ a ko fu oka sɔ'n su'n, a wa wu a ´ko to wɔ nannan'm be lɔ kɛ ɔ niaan bian Aarɔn fa wuli Ɔr oka'n su lɔ'n bɔ kɔ toli i nannan'm be lɔ'n sa.

2 Timote 2:25

yɛ ɔ tu be nga be kpalo i nuan'n be fɔ amanniɛn su, wienun-ɔn cɛn wie lele Nyanmiɛn man be ´kaci be nzuɛn'n nan be ´si sa ng'ɔ ti nanwlɛ'n.

2 Piɛr 1:1

N Simɔn Piɛr bɔ n ti Jésus-Krist junman difuɛ'n, b'ɔ sunmannin min'n, n ´klɛ fluwa nga blɛ amun bɔ Nyanmiɛn man amun lafi i su kpa kɛ e sa'n. I sɔ'n fin e Defuɛ Jésus-Krist b'ɔ ti Nyanmiɛn'n, afin ɔ ti sran kpa.

Sa nglô yile 15:3

Be to Moiz b'ɔ ti Nyanmiɛn i sran'n nin Bua Gbanflɛn'n be jue'n, be se kɛ: «Anannganman Nyanmiɛn wɔ bɔ a kwla like kwlaa yo'n, sa dandan nga a yo be'n, be ti abonuan! Nvle-nvle'm be Famiɛn, a ti nanwlɛfuɛ yɛ a yo sa i nuan su !