Mmla'n 34:4 - NYANMIƐN NDƐ'N 1998

⁴ Anannganman seli i kɛ: «Mɛn nga n tali Abraam, nin Izaak, ɔ nin Zakɔb be nda kɛ n ´fa man be osu nunfuɛ mun'n yɛ ɔ o lɛ-ɔ. M'an fa kle wɔ, sanngɛ a su ju-man lɔ.»

Mmla'n 34:4 ပူးပေါင်းရင်းမြစ်များ

Bo Bolɛ 12:7

Kpɛkuun Anannganman fiteli Abram nyrun nan ɔ'a se i kɛ: «N ´fa mɛn nga m ´man ɔ osu'n.» Nan Abram ɔ'a kplan Nyanmiɛn sɔwlɛ kun ɔ'a man Anannganman kan ɔ fiteli i nyrun lɛ'n.

Bo Bolɛ 13:15

Lika wunmuan nga a wun i lɛ'n, m'an fa man wɔ. Ɔ ti wɔ nin wɔ anunman mun amun liɛ titi .

Bo Bolɛ 17:8

N ´fa mɛn nga a ti nun aofuɛ yɛ'n m ´man wɔ nin ɔ osu'n. N ´fa Kanaan mɛn wunmuan'n m ´man be. Ɔ ti be liɛ titi, yɛ kusu n ´yo be Nyanmiɛn .»

Bo Bolɛ 26:3

Tran mɛn sɔ'n nun lɔ, n ´jran ɔ sin, n ´yo wɔ kpa. N ´fa lika nga kwlaa m man wɔ nin wɔ anunman mun. Nda nga n tali ɔ́ si Abraam'n, n ´yiɛ i nuan.

Bo Bolɛ 28:13

Anannganman jin yrɛyrɛ i ti su nglo lɔ, ɔ seli Zakɔb kɛ: «Anannganman ɔ nannan Abraam, nin Izaak be Nyanmiɛn'n yɛlɛ min. Asiɛ nga a la su lɛ'n, n ´fa man wɔ ɔ nin ɔ osu'n.

Kalɛ 20:12

Sanngɛ Anannganman seli Moiz nin Aarɔn be kɛ: «Amu'an lafi-man min su, amu'an yaci-man min lɛ nan m'an yi-man min wun nglo m'an kle-man Izraɛlfuɛ mun be kɛ min nzuɛn nin klɔ sran liɛ'n ti-man kun. I sɔ'n ti, nán amun yɛ amun ´fa min sran mun ´kɔ mɛn nga n ´fa man be'n nun lɔ-ɔ .»

Jean 1:17

Moiz yɛ Nyanmiɛn man ɔ fa mmla'n mannin ye-ɔ, Jésus-Krist kusu yɛ ɔ fa ye yolɛ'n nin nanwlɛ'n bali-ɔ .

Mmla'n 1:37

Amun dunman nun ti Anannganman fali ya mín wun. Ɔ seli min kɛ: ‹Ɔ kusu a su ju-man mɛn sɔ'n nun lɔ wie.

Mmla'n 1:8

Amun `nian, n fali mɛn ng'ɔ o yɛ'n i kwlakwla mannin amun. Mɛn nga n seli kɛ n ´fa man amun nannan Abraam, nin Izaak, nin Zakɔb, ɔ nin be osu'n nunfuɛ mun'n yɛ ɔ o lɛ-ɔ, amun `ko fa.»

Mmla'n 32:52

ɔ nyinma'n ɔ ´gua mɛn sɔ'n i wun, sanngɛ ɔ́ ja su tia-man mɛn sɔ bɔ n ´fa man Izraɛlfuɛ mun'n i nun lɔ.»

Zozie 21:43

Anannganman fali mɛn ng'ɔ boli bé nannan'm be kasiɛ kɛ ɔ ´fa man be'n i ngba mannin be. Be fa yoli be liɛ, be trannin nun.

Jɔlɛ Difuɛ Mun 1:16

Moiz i sia b'ɔ ti Kenfuɛ'n, i osu nunfuɛ mun ɔ nin Zida akpasua su sran'm be tuli be bo mme klɔ'n su lɛ. Be ɔli Zida aawlɛ flɛnnɛn b'ɔ o Arad i ngua lɔ'n nun, nan b'a tran lɛfuɛ'm be afiɛn.